プロフィール

小南

  • Author:小南
  • 誕生日:12/20
    出身地:香港
    現居地:東京

最近の記事＋コメント

カテゴリー

月別アーカイブ

07  06  05  04  03  02  01  12  11  10  09  08  07  06  05  04  03  02  01  12  11  10  09  08  07  06  05  04  03  02  01  12  11  10  09  08  07 

ブログリスト

ブロとも申請フォーム

この人とブロともになる

出發前一晚做足準備 ： 2005.09.23[Fri]

今晚好忙呀...返到來食完飯就開始執去旅行嘅嘢...執咗成晚真係好累呢~! 當我執完自己嘅行李之後...開始執返囡囡啲行李 (其實尋晚已經花咗成晚幫兩位小姐揀衫衫架喇~!) 之後心血來潮, 突然想幫其中一位小姐整"睡眼"~! (這個可是我第一次的嘗試...) 果然係笨手笨腳的我...還以為差點兒就成功勾到果條連住眼睛的彈弓之際...彈弓反而係跌咗入去個細細的洞口果度...-_-||| 害我花咗唔少時間先可以成功勾返佢出來...(幸好打得通小椒的電話...謝謝佢嘅"技術支援"解答...冇佢嘅方法我怕我搞唔掂呢條彈弓呢!) 好不容易搵到一條繩...穿好之後...囡囡終於可以安靜地睡喇~! 呵呵呵...影返一張睡覺相先:


第一個比我作第一次試驗嘅...就係Nova喇~! ^_^

(另外...笨笨的我唔知道原來條繩穿住條彈弓, 只係用來勾住彈弓, 等我可以方便拉到出來整睡眼...但如果要轉眼時...係要將條彈弓個扣勾返洞口位原本果條柱仔架...哈哈...真係要多謝糖糖嘅"指點迷津"呢~!) ^_^

聽晚就飛了...今晚只係抽到少少時間影咗啲相相...比大家睇吓我幫兩位小姐揀咗啲�怺苓� & 配件啦~! ^0^




(另一位小姐係新囡熊熊b, 佢要聽日先到步呀...所以搵檸檸代替住先~!)
ブライス // コメント[4] // トラックバック[0] // Top

幸福的一天 ： 2005.09.21[Wed]

中秋幾日假期, 話咁快就過咗...今日又係返工日喇...不過今日過得好開心呢~! 今日响公司嘅工作都唔算太忙...時間真係好快過呀~!

今日中午收到Carly嘅電話...(原來佢帶咗親自縫製嘅一套衫衫出來送比我啊~! ^0^) 我哋就約咗夜晚放工之後出來dinner...好開心收到佢送比我家囡囡嘅心血作品呢!!! 係一套好可愛嘅紅色裙仔, 連埋一頂娃娃帽...囡囡穿起一定超可愛~! *0* (早幾日响Carly個日記度睇到佢個SDM囡囡示範穿呢套衫衫, 已經覺得好靚喇~!) Carly~ 真係好多謝妳呢~! ^3^

我打算等埋熊熊b星期五來到香港之後...先同佢影相相啊~! 到時會係影開盒...連埋穿新衫嘅相相呢! (不過...要等我去完旅行返來之後先會post相相上來喇~!) 佢可以收到Carly姨姨送比佢嘅靚衫, 真幸福呀~! ^0^

今晚同Carly一齊去咗銅鑼灣世貿嘅魚一丁食晚飯, 我哋叫咗冷麵沙律, 陶板牛肉粒燒, 意式三文魚...同埋一個甜品係�冀秬�糕連紅豆(一個福餅咁樣嘅)...食日本嘢幾好...因為唔太油膩感覺...但我哋食晒呢幾樣嘢已經覺得好飽呢~! 同埋我今晚飲咗好多茶...可能一邊食, 一邊傾計, 講咗太多嘢感到口乾吧~?! 傾吓傾吓...唔經唔覺已經10點幾了...哈哈!

返到屋企...收到Sandy嘅email...(佢尋日去完旅行, 由東歐返咗來了~!)好開心睇到佢同Sharon帶我家三囡Azusa去東歐旅行影嘅靚相呢~! ^0^

唉~! 今晚唯一一樣不幸嘅事...可能係我開始作病了...感到喉嚨有啲不適, 好似有啲發炎...頭先啱啱食咗消炎藥...而家開始覺得眼瞓, 好累...好想去瞓覺喇...所以, 今晚都係整唔到相相放上來了...>_<
日常生活 // コメント[3] // トラックバック[0] // Top

中秋節...人月兩團圓 ： 2005.09.18[Sun]

今日係中秋節...好開心睇到さくらちゃん都有個滿月興中秋呢~!


我都好開心...今晚可以同男友一齊過中秋呢~! ^0^

呢幾日都好多節目...先係前晚同我一個識咗好耐嘅日本朋友 久美子 一齊去打邊爐...(久美子都係前日來到香港呢...佢來4日3夜旅遊!) 果晚我仲約埋小椒 & 小bea一齊出來dinner呢~! 其實影咗啲相相...不過仲未得�倫殕�...遲啲再放上來~! ^0^

尋日我就一早去醫院抽血(因為10月頭去睇醫生果陣要驗血報告...所以早兩星期前要去抽定血化驗)...之後約咗Annie去旺角行街(本來想帶啲囡出來影相嘅...可惜天公不造美, 下午勁落雨...所以我哋只係行街同埋响室內影咗少少相)...到6點左右, 我就搭機場巴士去機場喇~! 因為男友搭果班機預定係6點左右到港呢~! 機場巴士都幾快...6點半左右我已經去到機場喇...但係...佢果班機仲未到! 睇到果個航班抵港顯示牌...原來佢班機要7點20分先預計到達...就咁...我就响B出口附近坐响度睇漫畫, 一邊睇一邊等到佢出來...(果日啱啱買咗"NANA"第13期單行本) ^_^

佢啱啱早幾日去完法國工幹...所以來到香港, 見佢都幾累...今日我哋瞓到中午先起身呢~! 時差關係影響吧...佢而家都小睡中...嘻嘻~! 所以我而家可以有時間响度打日記~! 聽日下午3點, 佢會飛返日本喇~! 雖然會好掛住佢...不過下星期五又會再見到佢呢...呵呵呵...

希望聽日我可以的起心肝執吓嘢啦...哈哈...�彭毀ぜ�...
阿囡啲行李亦都未執...-_-||
Mero // コメント[4] // トラックバック[0] // Top

9月12日 香港迪士尼樂園開幕喇~! ： 2005.09.13[Tue]

尋晚响屋企冇�彳段�嘢做, 都一如以往的開住電視機...得�僚≒�吓電視節目咁...話說尋晚有個迪士尼show, 我都有間唔中睇吓(另外啲時間走咗去上網)...整體來說呢個節目有歌聽, 有樂園介紹都幾好嘅...之不過當睇到欣宜扮白雪公主果一幕就真係有點汗...-_-||| (心想, 莫非冇另一個更合適嘅人選扮白雪公主嗎~!?)

今日香港迪士尼終於開幕了~!...其實我唔係一個disney迷...迪士尼樂園, 我都只係5年前去東京旅行果陣, 同男友一齊去過東京果個disneyland玩過一次咁多(果陣仲係男友個朋友送咗兩張入場卷比我哋才去玩呢!...畢竟入場費又真係頗貴啊~! 而且男友又唔太好去啲樂園玩)...不過我記得自己細細個果時, 都有買過小小米妮嘢嘅(記得我有一個米妮公仔背包)...同埋果陣好似都幾鍾意唐老鴨~! kakkakakakaka....大個啲之後冇�彳段夢矩�, 又冇話好鍾意果隻...但我就一定係絕對地好唔鍾意Winnie the Pooh!(雖然佢係熊仔, 但我覺得佢完全唔似一隻靚熊仔, 所以唔鍾意...wakakkakakka...pooh迷唔好嬲喎~!) 而最近呢幾年, 我就開始咗鍾意果隻好可愛嘅白色貓仔Marie!(佢係disney入面我現時最鍾意果個character)

今日中午去開郵局幫公司寄信...咁啱比我見到有迪士尼開幕嘅紀念郵票賣...果陣啲首日封, 套摺, 咭片呀果啲都已經賣晒喇...剩餘一啲款式仲有得賣...哈哈! 我都唔知點解, 又唔係特別好呢樣嘢, 都買返一啲來紀念呢~! (仲趁今日有個紀念蓋印, 我就走去文具店買咗啲長信封來貼上紀念郵票, 再去返郵局蓋個印呢~!) 另外仲買多一份, 打算16日果晚送比會來香港幾日旅行嘅日本朋友"久美子"作為紀念品呢~!(尋晚同佢傾過電話, 約時間出來食飯見面, 問到佢會去邊到玩...先知道原來佢17日會去香港迪士尼玩呢~!) 今晚返來屋企本來都想影迪士尼紀念郵票相相...不過我又係冇�弯款�, 同埋主要係人懶...所以未影到相相住...搵日得��啲先影...kakakakaa ^_^

最好笑係頭先同男友net-meeting果陣, 佢問我18日(今個星期日)去唔去迪士尼玩?! (佢係打english: "maybe we'll go there on 18th?!") 真係想像唔到佢會問我呢個問題!!! (而且佢都話佢唔太特別想去玩架...不過都問吓我...) 唔通佢真係咁覺得我好想好想去果度玩嗎?! 哈哈...最後我都係答佢, 打算遲啲先去果度, 因為一開幕呢段日子, 真係太多太多人喇~! 最怕同人迫呢~! 嘻嘻...不過我都覺得好開心啊...因為我感到佢可能係想趁來香港時陪我去玩, 大家過一個開開心心嘅日子咁啦~! 其實只要佢來到, 同佢一齊, 去邊都冇所謂, 就算係留响屋企都可以好開心呢~!

聽日(星期二)佢就會飛去法國工幹喇~! 今次係佢第二次飛去果度工幹...不過今次比上次行程短啲, 只逗留三日...由於佢又係揀咗搭國泰, 所以星期六下午佢又會飛到來香港...之後到下星期一下午先飛返東京喇~!(咁啱9月19日日本果邊又係公衆假期呢~!) kekekeke...好期待呢...今年可以同佢一齊過中秋節啊~! ^0^
日常生活 // コメント[3] // トラックバック[0] // Top

上星期買咗一本雜誌返來...有一個目的... ： 2005.09.13[Tue]


首先用佢做背景, 搵我家美女影返一張相相...kakkakkaa....
(美女仲收到最近我响Angela果度買比佢嘅新衫衫呢~!)

kekekekee....其實主要目的係...

»» READ MORE

ブライス // コメント[0] // トラックバック[0] // Top

9月3日 BH B聚 (Momoko 篇) ： 2005.09.12[Mon]


美女: 終於可以出來曬太陽喇~!



糖糖借咗一件靚靚森林妖精feel長裙比我家美女穿~!
伊明穿�竸�, 美女穿橙色 ^0^

難得公園有一大片草地...就幫兩位靚女影返一啲飄逸feel相相~!






呢張要扮到佢好似好sexy咁....wakakkakakaaa

同Blythe篇一樣...更多相相在forum:
http://www.blythe-house.com/html/modules/ipboard/index.php?s=&showtopic=2137
ももこ // コメント[0] // トラックバック[0] // Top

9月3日 BH B聚 (Blythe 篇) ： 2005.09.12[Mon]

kekekek...懶懶的我今晚先update返日記呢度...其實之前已經post咗响BH喇~! 想睇全部內容, 請到forum睇啦~! ^0^
http://www.blythe-house.com/html/modules/ipboard/index.php?s=&showtopic=2136


9.03 BH B聚大合照

B聚果日我帶咗飄飄出去影相~! ^_^

九龍公園開始準備花燈了~!


飄飄: 好味嘅Tiramisu啊~!


中間果個係�蟒�朋友Annie响日本九州旅行時買返來嘅可愛嘅鬱金香公仔呢~!
ブライス // コメント[0] // トラックバック[0] // Top

今日中午去咗大家樂買外賣lunch... ： 2005.09.09[Fri]

hohoho...主要係因為佢(買嘢食加$18可以換一隻連一支Qoo飲品):


Qoo仔: 咦~ 呢度係邊度來呢~?! (佢係今日初來步到的Qoo仔)


海兒: 嘩~! 好可愛嘅兔仔呀~!!! ^0^


海兒: 小兔仔, 等我救你出來啦~!

嘻嘻嘻...


Qoo仔: 搶嘢呀~搶嘢呀~!!!
海兒: 我來救你...等你冇咁熱嘛~! (大熱天時仲笠住頂咁嘅帽!)

點知...轉個頭...

»» READ MORE

ブライス // コメント[3] // トラックバック[0] // Top

9月4日 約咗Vincy去沙田 ： 2005.09.07[Wed]

其實自上星期四夜晚私聚之後...上個週末都有出街...都有影相相, 之後呢幾日返工又多嘢做...成個人好累...返到屋企都唔願執相相...今晚都有影幾張相相...而家順便一次過入落電腦, 執埋之前啲相喇~!

9月3日BH嘅B聚相相未得�寮綾�...太多了...或者聽日先寫返日記啦~! 而家整返星期日同Vincy出街果陣影的相相先~! ^_^

由於星期六晚玩得太夜...12點幾返到屋企...2點左右先去sleep...所以第二朝瞓到下午1點呢~!!! (哈哈...仲要係Vincy打電話比我約時間) 之後約咗Vincy2點响沙田等...一齊去食lunch...我哋去咗新城市廣場7樓新開的一間日本料理食set lunch(kakkakaa...唔係好記得個店名添~!), 果間店來自日本大阪, 主要賣雞肉有關的料理, 我叫咗一個雞肉Sukiyaki定食, Vincy就叫咗一個魚生飯烏冬定食!

之後我哋行街...(雖然我住沙田區, 但都好少時間去沙田行街呢~!) 行到西田果頭...啱啱果日新城市廣場第三期有活動, 主要係賣Thomas嘢, 亦有一啲遊戲玩...在會場一角, 竟然比我發現到有一邊有Pingu嘢賣...唔單只咁...仲比我見到大大隻人扮嘅Pingu呢~! *0*

一於唔理咁多, 叫Vincy幫我拿相機同Pingu影返張相相先~! ^0^

(起初我以為Vincy唔太識用我部相機, 以為佢影唔到...之後係咁遠距離同佢講, 叫佢要按button半吓, focus到之後先大力按下去...先會拍到...點知搞吓搞吓多咗時間同Pingu企埋一齊影相, 而最搞笑係後來睇返, 先發現佢之前果啲係影到架!!!哈哈...所以無啦啦多咗幾張同Pingu嘅合照...)

之後我哋去仙跡岩飲台灣嘢...响果度影返呢一張相相:

呢個兔仔化妝袋係送比Vincy嘅生日禮物呢~!(9月2日生日)
其實Vincy最鍾意嘅兔仔係Peter Rabbit, 不過最近見到呢個日本品牌"Animal Logic"入面嘅兔仔好可愛, 估佢都會鍾意...所以我就買咗呢樣嘢做生日禮物喇~!(好開心...雖然佢係第一次見呢隻兔仔, 但佢都好鍾意呢~! 特別係圖入面果隻兔仔男朋友...因為佢拎住咁多盒嘢個樣好得意啊~!)


果日我帶咗一個細囡小小兔出來~! ^0^

寫到呢度...而家已經深夜3點喇...都係去瞓覺喇~!
tmr continue writing diary la...kakakakkaa
日常生活 // コメント[5] // トラックバック[0] // Top

呢個星期都係忙緊計劃行程... ： 2005.09.02[Fri]

上星期訂咗去澳洲嘅機票...煩惱完第一樣嘢之後...
今個星期就開始煩惱第二樣嘢...就係計劃行程喇~!
我同男友每次去旅行, 都係自遊行...唔會跟團去...
所以次次都要計劃吓行程先得呀! hahaaaa~!

今次我哋去澳洲, 主要有幾日時間想去澳洲中部的Ayers Rock...其他時間就留在墨爾本玩...上網睇過...原來Ayers Rock距離墨爾本都好遠吓...如果搭內陸嘅直航機, 都要差不多3個鐘先到果度呢~!

首先係搵內陸機航班資料, check時間&價錢...上網搵...只係搵到澳航有合適嘅航班...之後就係夜晚同佢net-meeting果陣傾返...因為要商量一吓搭唔搭飛機/定係火車等等...其實原本佢想租車, 不過太遠喇...所以唔打算花時間由墨爾本駕車到中部(可能要花上1-2日呢!)...另外我哋搵過火車資料, 原來火車價錢好貴呢~! 臥位要AUD680(每位)!!!...所以最後我哋都係揀咗搭內陸機喇...既平啲, 又可以最快時間去到!

呢幾日佢已經响澳航嘅網站訂咗我哋嘅內陸機位喇~!
另外我哋都傾好咗大約行程...總算9日行程都定好喇...好開心呢~!

我哋計劃咗嘅行程如下:

9月23日 佢由東京飛來香港, 果晚我哋會搭深夜航機
9月24日 朝早到達墨爾本, 在市中心逛街
9月25日 租車去墨爾本近郊逛, 會去Phillips Island睇企鵝/樹熊等動物
9月26日 一早搭飛機去澳洲中部Ayers Rock, 在當地join local tour
9月27日 在Ayers Rock
9月28日 在Ayers Rock/附近地方
9月29日 會到達Alice Springs, 之後搭飛機去Adelaide
9月30日 在Adelaide, 搭火車返去墨爾本
10月1日 在墨爾本
10月2日 一早搭飛機返香港

去旅行最煩惱嘅事, 係計劃好行程, 訂好晒啲嘢先得...雖然呢啲事真係好令人頭痛(呢個星期我就一直都係花啲時間去搵資料, 又去書店睇過啲旅遊書介紹...又上網搵資料等等...所以都冇�彁�間寫日記呢~!) 不過, 自遊行最大嘅好處, 就係自己安排自己嘅旅程, 唔會好似跟團咁限晒啲時間, 可以話, 想去邊就去邊, 自由度大啲呢~! ^_^

而家真係好期待9月尾呢~! ^0^
旅行 // コメント[2] // トラックバック[0] // Top

Azusa去咗Sandy姨姨家 ： 2005.09.02[Fri]

我家三囡Azusa已經在Sandy姨姨家了~! 9月8日佢會跟Sandy姨姨去東歐嘅奧地利&捷克旅行呢!(佢真係幸福喇...我都未去過東歐呢!)

上星期六晚Sandy來了我家接Azusa...果晚我哋揀衫衫&配件比佢去旅行用...點知一揀就揀咗成晚...我哋通宵玩襯衫衫Mix & Match, 之後仲影埋相相呢~!執埋相相, 搞到清晨5-6點先去瞓覺呢~! 哈哈!

上星期日, Sandy走咗之後, 我整個下午就响屋企整Graphic!
因為我想將Azusa的12日旅行的服飾配搭展示出來...所以就整咗幾張好似時裝雜誌入面果啲穿衣介紹咁樣嘅Mix & Match嘅平面設計圖喇~!
整咗成日...其實真係幾花時間 + 心機架...不過真係好想試吓整...
同埋整完出來之後睇返, 都覺得好開心呢~! ^0^
(另外, 可以方便Sandy呀!...print出來就可以帶埋去旅行作參考用啊!)

設計圖好大張...唔post在呢度喇~!
想睇嘅就去forum睇啦~! ^_^
http://www.blythe-house.com/html/modules/ipboard/index.php?s=&showtopic=2058

好期待睇到Sandy & Azusa旅行啲靚相相呢~! ^0^
ブライス // コメント[1] // トラックバック[0] // Top