小南の日記

プロフィール

Author:小南
誕生日:12/20
出身地:香港
現居地:東京

最近の記事＋コメント

月別アーカイブ

07 06 05 04 03 02 01 12 11 10 09 08 07 06 05 04 03 02 01 12 11 10 09 08 07 06 05 04 03 02 01 12 11 10 09 08 07

ブログリスト

ブロとも申請フォーム

この人とブロともになる

Trick or Treat ： 2005.10.31[Mon]

呢排係萬聖節...我家最為食嘅囡囡...今日也要來個牛奶妹打扮:
（今日の茉莉ちゃんはペコちゃんに変身：）

茉莉: 今日我唔扮鬼, 我要扮牛奶妹~!
（Halloweenなのに、鬼ではない、ペコちゃんに変身！）

Image hosted by Photobucket.com

茉莉: 大家好嘛~! 咁耐冇見, 有冇掛住我呀?!
（みんな　お元気ですか？）

茉莉: 我要出去問人攞糖糖食喇~!
（茉莉ちゃんはたくさん飴をもらうために外出って）

點知茉莉行行吓...發現地下有一粒糖糖...
（途中...あ～！飴が見付かります！）

茉莉: 嘩~! 地上執到寶, 問天問地攞唔到~!
(ラッキですね！）

茉莉: 我最鍾意食糖糖~!
（わたし飴が大好き～！）

尋晚第一次試整呢個款嘅衫衫...(因為用牛奶妹布來整, 所以諗咗呢個款~!) 都唔算花太多時間去整...好開心一晚就可以完成到呢~! 本來想試吓用衣車整...但第一件都係用手聯試整咗先...如果用衣車整, 一定快好多呢! ^_^
（昨晩始めてこのスタイルの洋服に挑戦！よかったね！一晩でペコちゃんスタイルのドレスが出来上がり！ピンクのドレスだけ作る。＾０＾）

»» READ MORE

ブライス // コメント[5] // トラックバック[0] // Top

Mama Happy Birthday~! ： 2005.10.31[Mon]

前晚同一大班鄰居朋友一齊去食飯...慶祝我媽咪同另一個鄰居李太嘅生日(大家係呢幾日生日...夾埋一齊慶祝呢~!) kakakaa...兩位師奶一齊切呢一個大家買來嘅蛋糕:

街坊好友坐埋都有一圍大枱啊~! 真係好熱鬧嘅生日晚會~! ^0^

而今日才是我媽咪嘅正日生日...頭先都出咗街同埋一班媽咪果邊嘅親戚朋友食飯...媽咪生日快樂啊~! ^0^

尋日喉嚨作唔舒服...開始有啲發炎症狀...成個人都很累很累...(可能係因為呢個星期我都幾乎晚晚太夜瞓嘅關係吧~?! 唔夠精神, 個人可能會易病啲...) 食咗啲消炎藥, 今日都仲係呆呆地...-_- 不過今日出街食飯之前...因為食晚飯地點在九龍城...所以我都心思思, 幾咁累都好, 都要先落咗旺角一轉! 本來係好想去睇有冇得賣果隻新出細b "Wintery Wonder"架...點知去到度度都冇...只係响超人玩具見到有一隻display! 唉...等我專登出去但買唔到...>_< (唯有等下星期再去買過啦~!)

日常生活 // コメント[5] // トラックバック[0] // Top

好開心...又响自己個草原撿到寶物喇~! ： 2005.10.28[Fri]

剛才好幸運的响自己個草原撿到彩色花種子呢~! 而且係搵到比さくらちゃん嘅第一粒稀有品種...真係夜媽媽執到寶啊~! *0*

呵呵呵...即時轉一轉先...轉咗之後就可以睇到彩色花花了~! ^0^

Super super sleepy now...go to sleep lu...z z z z z z z z

Mero // コメント[1] // トラックバック[0] // Top

10月27日私聚dinner ： 2005.10.28[Fri]

今晚約咗好耐冇見嘅阿Ming出來聚一聚...仲有糖糖 & Carly呢~! ^0^

今晩は3人のブライス友達とカフェでdinnerしました。
みんなのブライス娘たち：

經過兩晚趕工...今晚終於可以交到呢套衫衫比阿Ming喇~! 來一張二人穿同一套衫衫嘅合照先~!

二晩続いて手縫いして、やっとゴスロリのOF出来上がった！友達のブライスはこのOF着て、わたしのブライスとゴスロリ二人写真を撮った：

今晚又大出血! >_<...藍南帶咗啲正嘢返來比姊妹們~! 藍南叫埋飄飄出來齊齊試穿新鞋~! ^0^

今晩、ブライスの洋服店でとてもかわいい靴を買った！うちのブライス娘たちは新しい靴をもらって、すぐ履いてみます。^0^

藍南ちゃん(AB)と飄飄ちゃん(SD)

茉莉: 我鍾意粉紅色呢對呢~!

茉莉ちゃん：わたしこれがすきだね～！（ピンク大好きだから）

ブライス // コメント[8] // トラックバック[0] // Top

So tired & sleepy...but happy too~! ： 2005.10.27[Thu]

I'm really so tired...tired...tired...& sleepy now...but I'm working in office...(wanna sleep at home ne~!) >_<

These two nights I was making the gothic-loli dress(Neo version of the Petite Cassandra Black's dress set) for one of my friend "Ah Ming"(she made this special order a few months ago! hahhaaa...but I was so lazy to start making...)

so I promised her to give her the dress set tonight!(as we're going to have a private dinner together with other VIP blythe friends) finally last night 3am I almost finished making...still have the black ribbons to be added on the dress today...-_-|||

The end of April, after I bought the petite, I got this idea to make one similar dress for my blythe:

Nam Nam: Hello~!

and now I got the second one for my friend...kekekeke...so happy ah~! tonight I'll take photos of two girls wearing the same dress ne~! ^0^

ブライス // コメント[3] // トラックバック[0] // Top

終於收到男友寄來的CD喇~! ： 2005.10.25[Tue]

等咗咁多日...今晚終於收到旅行相相的CD喇~! ^0^

一返到來就開始睇相, 揀相同埋執相...其實冇特別執過...只係縮小個尺寸同埋加名...再upload上網, 都搞到而家2點半喇! 真係累透呢~! 但都仲有最後兩日嘅相相未執! 不過唔得喇~! 我對眼真係好辛苦...坐响度咁耐亦都好累...真係要去瞓覺呢~! >_< (總共差不多800張相相...執到七百張都算係咁喇~!)

希望聽晚放工返來執埋啲相之後可以開始整衫啦...答應咗星期四晚交比阿Ming呢...真係拖咗好幾個月了...-_-|||

日常生活 // コメント[2] // トラックバック[0] // Top

シンダレラの姫様夢... ： 2005.10.23[Sun]

シンダレラ物語の中、妖精がシンダレラの前に現せています。

妖精(白雪飾): お姫様の様子になりたいですか？　

シンダレラ(阿妙飾): わたし、本当に姫様になれますか？*0*

本当だね！夢ではない～！

シンダレラ: うれしいですわ～！^0^ でも、どうしてこんなカボチャドレスだか?!...黒くて...>_<

先週、久しぶりにうちのブライス娘に洋服作ってあげました。最近買ったかわいいカボチャの布で、Halloweenのテーマにして、こんなドレスを作りました。暇があれば、またHalloweenテーマのブライス服装をたくさん作りたいんですね。^_^

ブライス // コメント[3] // トラックバック[0] // Top

Kinki Kids D-Album ： 2005.10.23[Sun]

今日無聊在家...搵返一啲收埋好耐嘅舊CD來聽...搵到呢一隻D-Album:

哈哈...曾幾何時, 我都係幾鍾意堂本剛呢~! 不過果陣冇小椒鍾意光一嘅程度咁深! 我就冇買晒佢哋所有CD喇...只係呢一隻, 同埋A-Album! ^_^

今日放返呢隻CD出來聽...仍然好鍾意佢哋果隻"夏の王様"!!! ^0^

人大了...冇再特別鍾意邊個歌星明星...只要係好聽的歌, 我都鍾意聽啊! ^0^

音楽 // コメント[0] // トラックバック[0] // Top

尋日放工後又同小椒去咗"發花邊" ： 2005.10.23[Sun]

星期六放1點, 平時最好就係呢一日嘅半日去行街~! 尋日放工後, 本來冇特別節目的...又唔打算返屋企住...我就行經維園過去銅鑼灣...見到正在舉行嘅日本祭~! 行過時八掛望入去睇吓...原來都冇咩特別嘢睇...更加冇特別場景可以影相! 有的只係一個又一個嘅流動販賣小店, 小食店, 日本傳統遊戲等...另外有個中央大台, 某一啲時間會有表演節目...雖然好似係場地不太大, 又好似冇咩特別嘢睇...不過仍見好多日本人一家大細入場呢~! (大部份係香港在住嘅日本人家庭吧~!) 幸好我冇花$20入場費入去...

呢個時候, 突然好想打電話比小椒, 呢排真係好耐冇見佢浮上網, 令人心掛掛呢~! >_< 想問吓佢放工未...忙完未...同埋之後有冇節目?! 原來佢打算放工後去深水埗買花邊 & 白色布...呵呵呵...咁我哋兩個又再去"發花邊"喇~! 行完深水埗, 我哋再行旺角油麻地...行到腳仔軟先去搵一間樓上cafe dinner! 大家都有少少收穫呢~! 今日影返尋日的小小收穫:

好開心抽到粉紅色正面樣嘅Pingu!

買咗一盒牛奶妹食玩, 抽到一條好可愛嘅粉紅色手巾仔~!

尋晚我哋叫咗set dinner之外...仲叫咗兩個藍莓cheese cake! 兩個都各有各特色, 一樣好好味呢~!

返到屋企, 已經係深夜11:45喇...男友一直在等我上網同佢msn傾計~! 佢同我講...出年3月公司又要佢去Sydney幾日...呢次會係去study~! 之後我哋傾到大家嘅假期...來緊12月尾係一個不錯的放假日子...因為香港呢邊有幾日紅字假期, 而日本果邊12月尾至1月頭有差不多一個星期公眾假期呢~! 如無意外, 我都仲可以攞到大假嘅...但如果12月尾真係放假, 那我就出年1月至8月都未必再可以攞假了...不過佢覺得都係12月我過去放假好啲...所以佢上網睇吓有冇機位(都係打算用佢啲里數換機票)...NW冇位了...但UA仲有位! 哈哈...雖然我都未同公司講, 話想12月尾又請假, 但今次都係先斬後奏...所以...佢幫我訂咗機位喇~! 平安夜果朝早機飛東京呢~! 1月3日夜機返來...^0^ 可能今次去, 要帶定一啲囡囡過去先呢...否則日後真係唔知點樣安全的運晒佢哋過去?! >_<

日常生活 // コメント[3] // トラックバック[0] // Top

ブライスblog同盟： 2005.10.22[Sat]

今晩は　＜ブライスblog同盟＞参加しました。
日本のブライスファン...ブライス大好きのみなさま...
はじめまして　よろしくね～！^0^

それでは、がんばって日本語でブライスの日記を書きますね！^_^

ブライス // コメント[2] // トラックバック[0] // Top

今晚又延續撿寶物小記： 2005.10.22[Sat]

剛收到男友電話, 原來佢1個鐘之前返到屋企...但因為返到屋企都仲有公司嘢要做...要send email聯絡外國啲客...所以忙完先打比我...

尋晚佢又係做到好夜先返屋企, 所以可以出公司數搭的士! 由青山區嘅公司返到八王子市嘅屋企, 的士費真係超勁貴! 佢話要15000日元呢~! *0* 雖然係出公司數, 但我都係覺得太貴喇~! 果度可以買到好多嘢...(包括一個blythe啦...wakakkakaka) 我係咁同佢講架...講完之後大家都笑咗一笑...唔知佢聽到我咁講會唔會以為我又想買新囡呢~?! 不過我都應承咗佢唔再買架喇...>_<

我就冇佢咁忙...平時如果冇咩特別趕嘅project, 都算係可以準時6點放工嘅...大概7點就可以返到屋企喇~! ^0^ 今晚都係咁...返到屋企食完晚飯就上網睇吓嘢...呵呵~! 好幸運地我又撿到種子喇~! (都係在朋友嘅blog內撿到呢~!) 先係在Anmary嘅blog見到第一粒:

好開心...係藍色小花種子呢~! 我係第一次撿到小花種子啊~! ^0^

之後在Nana嘅blog見到第二粒:

(之前已經撿到紅色 & 黃色) 今晚撿埋白色鬱金香種子! ^0^

兩次踏足Anmary & Nana嘅blog而撿到Item, 真係好有緣呢~! ^_^

最後...在一個日本blog見到第三樣嘢:

好開心~好開心呢~! 係可愛嘅黃色水壺啊! *0*
嘻嘻...估唔到繼尋晚"從天而降"得到藍色水壺之後, 今晚又好幸運地見到黃色水壺!!! Yeah~! 可以開埋粉紅色牽牛花喇~! ^0^

今晚好彩地撿到3個Item之後...目前Item List有:

hohoho...比起之前真係多咗好多呢~! ^0^

Mero // コメント[5] // トラックバック[0] // Top

撿寶物小記： 2005.10.20[Thu]

一直我都好少特別去幫さくらちゃん撿種子嘅...當我第一次在Nana嘅blog撿到第一個Item, 係一頂可以令草原開出太陽花嘅帽子之後, 果陣真係超開心呢~! 因為本來咩花都冇嘅草原, 終於有花開啦~! ^0^

當我撿到第一樣嘢之後, 冇幾耐mero park嘅撿Item方法突然轉咗...之後就冇得好似以往咁, 可以去其他人嘅blog撿到嘢...果陣仲諗...可能真係唯有靠自己好彩撿到啦~?!(就好似今日咁, 無啦啦話自己撿到Item! *0*) 直到最近...10月13日夜晚返到屋企, 一上mero park就發現到佢個撿Item機能再開~!!! 真係好消息呢~! 咁我就試吓去其他人嘅blog睇吓撿唔撿到寶物...嘻嘻...我都係第一次去其他唔識嘅人嘅blog度睇...主要真係去搵寶物~! 果一晚都算好幸運呀...我撿到3種Item啊~!^0^

先係撿到蝴蝶! (蝴蝶令さくらちゃん嘅草原開出靚靚白色小花呢~!)

之後撿到第一粒種子! (係紅色鬱金香種子呢~!)

在Anmary嘅blog撿到第二粒種子! (今次到黃色鬱金香種子~!)

過咗幾日...撿到蝸牛呢~!

最近, 响自己個草原首次發現到Item, 係蜜蜂啊~! 超開心~! *0*

呵呵呵...さくらちゃん嘅草原可以有好多唔同種類嘅花花開喇~! ^0^
期待日後再撿到其他Item呢~!

Mero // コメント[0] // トラックバック[0] // Top

久しぶりのさくらちゃんの成長日記： 2005.10.20[Thu]

さくらちゃん　もうすぐ思春期ね～！＾０＾

今日は超ラーキ！ジョロジョウロ54号をひろってきましたね！*0*
（ジョロジョウロ54号は　ハッピースマイルが自慢。色々なアサガオを咲かせる。）

じゃ、今晩はさくらちゃんの草原にアサガオが咲き乱れますようにね！

最近覚えた言葉一覧
■送る
■拍
■特
■周年
■念
■理
■頭上
■資料
■附近
■一間
■布
■別墅
■人
■櫻
■排
■居然
■正
■中部
■看る
■物語

»» READ MORE

Mero // コメント[0] // トラックバック[0] // Top

Happy Anniversary & Birthday~! ^0^ ： 2005.10.18[Tue]

今日係我同男友嘅4周年拍拖紀念日...4年前嘅今日, 我哋响日本呢...仲一齊去東京迪士尼樂園玩~! ^0^ 唔經唔覺已經4年喇...上年男友10月頭送咗心心比我...揀咗响呢一個特別日子出世...今晚放工返到屋企, 特地為心心影咗呢一輯相相:

心心: 今日我生日啊~! (一歲大了~!) ^0^

心心發現到佢嘅生日禮物!...之後急不及待要穿新衫...

頭帶有心型圖案啊~!

心心: 好開心啊~! 你哋覺得靚唔靚呀~?!

心心: 呢隻小白熊係媽咪最近帶返來架...佢好可愛啊~!

似乎小白熊都好鍾意同心心一齊玩啊~!

小白熊鍚鍚心心~! chu~! (0^v^0)

ブライス // コメント[7] // トラックバック[0] // Top

尋日約咗Carly... ： 2005.10.16[Sun]

尋日係星期六, 1點就放工喇~! 雖然手頭上有未完成嘅圖仲要畫, 不過我都唔理咁多, 1點正即走~! 呵呵...因為約咗Carly 1點幾响公司附近嘅地鐵站等, 之後我哋又係去咗深水埗睇布呢~! (我哋每次見面, 多數都係睇布...或者B聚影相...) 去完一轉深水埗, 大家都有不少收穫...4點幾去到一間店, 買完嘢之後咁啱巧遇Vicky~! 哈哈...我哋同佢講, 人哋準備關店喇~! (果間嘢關店真係快, 5點就關店...所以之前我就算行開果頭, 都唔見有呢一間店呢~!...因為去到佢已經關咗喇!) 不過我响果間店買到少少正嘢啊~! ^0^

我哋3個一齊响深水埗再逛多一兩間lace店, 之後就搭巴士去黃埔喇~! 就係我同Carly呢日主要想去嘅地方: 吉之島...(我哋又係為咗去睇布啊~!) 我哋3個都各自買咗啲布, 果度地方雖然唔算大, 但都有幾多唔同嘅花布選擇, 真係可以話有排揀~! 我哋都逗留咗好耐先走呢~! 7點左右, 我哋返家了...因為我同Vicky係住同區, 所以一齊搭車返家喇~! 有機會都想再有多啲時間同Vicky傾計呢~! ^_^

期待下星期六可能一齊去嘅日本祭B聚呢~! ^0^

日常生活 // コメント[2] // トラックバック[0] // Top

遲來的日記之 10月13日dinner ： 2005.10.16[Sun]

星期四晚約咗Kitty & Minnie, 因為大家都係放工之後出來, 所以揀返响港島區dinner, 我哋去咗中環嘅一間Spaghetti House, 叫咗一個set, 有雞翼, Pizza & 意粉, 仲有湯同埋飲品...雖然話呢個係二人餐, 但我哋三個人都食唔晒呢~! 我覺得自己真係唔可以日日食西餐, 可能係唔習慣食得太肥膩, 太多cream嘅嘢...果晚一食完1.5件Pizza, 喉嚨嘅唔舒服感覺又發作喇~! (第二日即刻食返清啲, 食多啲菜...)

過咗三個月, 都未送生日禮物比Kitty, 呢一晚終於送返一份小小心意比佢...係一個食玩出品嘅餅櫃 (我自己都好鍾意呢個餅櫃呢~!) 好開心見到佢都鍾意呢~! ^_^

一邊傾計聚舊一邊食嘢, 時間話咁快就過...9點左右我哋就返家了~! 下次再同佢哋見面, 唔知Cecilia會唔會返來香港join我哋呢~?! ^0^

日常生活 // コメント[0] // トラックバック[0] // Top

遲來的日記之 10月8日版聚： 2005.10.16[Sun]

10月8日(上星期六)放工後, 去尖沙咀會合版聚朋友仔~! 由於果日响公司突然有圖要趕住完成...所以我搞到3點先放工...-_-|||

我去到尖沙咀已經係4點喇...去到上次我哋BH B聚去過嘅樓上Cafe "Sitting Room" 已經見到一班朋友仔, 大部份都見過面...而第一次見面嘅係娜娜女王~! ^_^ (佢哋2點幾去到...都坐咗好耐喇~! 大家都食完嘢呢~!) 我叫咗一個好似係lunch set/dinner set? 嘅set...有菜湯, 吉列魚salad, 飲品...佢哋話我好好彩呢, 有多啲食物選擇! (因為佢哋來嘅時候, 冇呢啲咁正嘅set, 所以佢哋都係叫tea/cake set果啲...) 食完嘢之後, 我哋一行人就去版聚第一個節目: 行街喇~!

第一站我哋去咗美麗華, 原本想去行新開果間UNIQLO, 可惜多人多到排大長龍...有排都未等到我哋入架喇~! 所以我哋決定"走為上著"...到第二站, 我哋都係去一間新開嘅店, 就係尖東SOGO! 另一個可惜, 就係冇大家想行嘅日本書/玩具/精品等部門, 而超市又極之細...而且呢一日係週末同埋新開張關係, 真係人頭湧湧...我哋行咗一陣, 兜個圈就出返來喇~!

之後我哋去第二個節目: 太空館...訂票睇天象廳節目! 我哋去到嘅時間, 已經過咗6點幾果部片嘅開始時間, 所以我哋買咗7點果部片嘅票(係一部以40分鐘講述整個人體嘅奇妙奧秘短片)...買完票距離開場時間都仲有40分鐘, 咁我哋就行去海港城果頭睇嘢, 順便去睇睇ketu介紹果間日本料理店有冇得訂位...去到問, 原來果晚已經full...即係我哋睇完短片之後就要另外搵地方dinner喇~!

天象廳...真係好耐冇入去喇~! 再入去坐底睇片, 真係令我突然之間"想當年"...(果陣我係去睇夜空星星介紹呢~!) 可能果日放工之後都覺得幾累, 有啲驚自己入到去坐坐吓會瞓咗覺...不過果部片都算幾有趣, 我都睇得晒全套短片~! ^_^

睇完之後, 我哋响太空館附近影咗一張大合照之後, 小bea要走先喇~! 而我哋一行7人就去搵地方dinner! 好不容易, 終於搵到地方可以容納8人喇~!(啲餐廳果個時間好多都話冇位...未有咁大張枱之類...) 因為已經9點, 大家坐底之後, 都即刻睇menu叫嘢食~! (好肚餓呢!) 我哋一邊食一邊等另一個來緊, 第一次來出席我哋版聚活動嘅新朋友Anmary~! 果日我有帶美女出街呢...dinner時同佢影咗少少相:

壽司亭嘅食物大會集

一張影得好矇嘅大合照

版聚真係好開心...期待下個月再見大家呢~! ^0^

日常生活 // コメント[0] // トラックバック[0] // Top

今晚突然好興致... ： 2005.10.13[Thu]

放工一返來就動手整衫衫~! 好耐冇再認真整衫衫喇...(今次係用前日在公司附近買返來嘅新布來整呢! 嘻嘻...整起咗先比大家睇啦~!) ^_^

今日一返公司...就收到上海公司那邊來的傳真資料...我又要開始趕圖喇~! (今次又係畫一間別墅嘅所有立面圖...多到想死...真係有排畫~! 但老闆又話趕住要啲圖紙見客...死未~?!) 聽日都係要早啲返公司趕工! >_<

約咗Kitty & Minnie聽晚放工去中環果頭dinner...我哋幾個月冇見喇~! 我打算帶相機去影相相呢~! 呢幾日都忙著做其他嘢...(唉~! 上星期六版聚啲相相...-_-|||) 由於我都未得閒將相機入面啲相過入電腦度, 所以希望聽晚返來, 可以"一次過"將呢一兩日影嘅相相"一次過"入機啦~! (我有時都覺得自己响"將相相過入電腦"呢方面都幾懶得去整呢...哈哈!)

日常生活 // コメント[1] // トラックバック[0] // Top

2005年澳洲之旅第一日遊記： 2005.10.11[Tue]

澳洲, 我們來了~!

2005年9月23日晚...6點下班後收到男友的來電, 說他已經來到公司附近的地鐵站等我了~! 很開心...終於又再可以見到他! (當日他乘早機由東京飛來香港...他說想來接我下班...嘻嘻...然後我們一起回家拿我的行李, 吃過晚飯才去機場呢~!)

我是香港在住的香港人, 而他是東京在住的日本人...所以我們每一次去旅行, 都是自遊行方式的呢~! (一來我們這情況很難跟團, 二來他也不喜歡跟團式的旅遊...另外...他不懂廣東話...hahaha!) 今次我們選乘國泰航空公司的航機, 所以他就可以停留香港...然後我們一起由香港直飛澳洲了!

他帶來的行李早已在東京寄艙(會直接到澳洲), 所以他來接我的時候沒有帶重重的行李, 很輕便的! 很開心他沒有把送我的小熊囡囡也一同寄艙呢~! 當我來到地鐵站, 見到他...及他手上拿著的大紙袋, 是我期待已久的新囡囡, 真的十分開心啊~! ^0^

在家附近的茶餐廳吃過晚飯, 很快便回家拿行李...另外趁他在我家為他的隨身手提電腦充電之際(同時他也在check email呢!...他的工作很忙, 時常都要用email與公司同事/客人聯絡及跟進公事...), 我就急不及待為我的新囡囡出世而拍照! 呵呵呵...今次我決定要帶兩個囡囡去旅行, 在出發之前很想拍下她們的出發前照片呢~! 匆匆忙忙的拍完幾張照片...他也check完email, 我們就出發去機場了~! 兩個有幸被選中去旅行的囡囡, 同家中其他囡囡說: "再見~ 我們出發喇!"

出發前仍在猶豫好不好帶埋GG細b & 美女momoko一齊去旅行...因為怕照顧不到這麼多小朋友啊! (而且我的隨身手袋已經放了太多東西吧!) 不過最後都是決定帶同一齊去...雖然我唔擔保會有足夠時間為她們影相呢~! (哈哈...我家的neo blythe小姐們的地位依然係至高無上呢~!)

晚上10點幾我們到達機場, check-in過後便入了禁區...在no.31閘口前的長椅上坐下來等待上機...(待續)

有關第一日遊記嘅囡囡相相, 可以去forum睇啦~! ^0^
http://www.blythe-house.com/html/modules/ipboard/index.php?showtopic=2358&s=6fb24516fd55751f4576b67638335ab7

旅行 // コメント[6] // トラックバック[0] // Top

幾年前以Clamp同人畫為主的個人網站： 2005.10.11[Tue]

嘻嘻...荒廢咗好耐都冇再update la...-_-||| (不過居然個網仲响度...冇唔見咗!!! 我仲以為咁耐, 已經會被server delete咗喇...哈哈!)

記得整呢個網站果陣...仲係播緊小櫻卡通片...果排勁鍾意呢套卡通&漫畫, 所以一有時間一有靈感就不停畫畫畫...所有作品都係scan咗之後, 放咗上呢個網站:
http://ccsstudio.users3.50megs.com/

to 小積: 呢個網站入面...我嘅Profile內, 畫作用具果度...有我設計果張發光玻璃凳嘅相相啊~! 妳可以去果度睇到呢~! ^0^

歡迎大家來看啊~! ^_^

アート・漫画 // コメント[0] // トラックバック[0] // Top

Azusa的12日東歐之旅： 2005.10.11[Tue]

話說9月中...我家三囡Azusa跟咗Sandy姨姨去東歐旅行呢~! 响去旅行之前...我同Sandy幫Azusa揀衫, 我仲整咗一啲服飾配搭嘅圖~! 未睇過嘅可以去返呢度睇:
http://www.blythe-house.com/html/modules/ipboard/index.php?showtopic=2058&s=27ead3611e621a9e2493edcaa4421614

9月尾我已經收到Sandy幫Azusa影嘅相相喇~! (真係影咗好多呢~!) 但今晚我先抽到時間執好相相 & 放上網上相簿呢~!

請大家到以下呢個相簿睇啦:
http://www.gfoto.com/UserAlbum.asp?uid=826113461B874878ABA09F87841B5A39&alid=103083

大家可以先click入"Azusa01"果張相...之後响右上方按"Start Slideshow"...咁就可以由第一張開始自動播放來睇架喇~!　

今次係Sandy啱啱買咗一部新相機(Manual數碼機)之後...第一次試影的...嘻嘻...雖然佢話覺得自己唔係影得咁好, 冇佢心目中咁理想...不過我都好開心睇到佢幫Azusa影咗咁多靚相返來啊~! 同埋...好多相相我都好鍾意呀~! 謝謝Sandy呢~! ^3^

另外...其中有一張相影到有人訪問緊Sandy朋友...原來佢哋係奧地利嘅電視台記者呢! Sandy話, 之前佢哋見到佢拎住Azusa影相, 就走去訪問佢...問點解同blythe影相呀?! blythe個名係咩呀?...開唔開心呀?...之類...(呢個時候, Sandy話佢哋個拍攝鏡頭係zoom埋去Azusa果度嘅...kakakakaaa) 呵呵呵...有可能在奧地利嘅新聞節目時段會見到Azusa出現呢~! ^0^

ブライス // コメント[3] // トラックバック[0] // Top

在世界中心(澳洲中部)的一張相相： 2005.10.10[Mon]

今晚男友開始有時間執返我哋去旅行影啲相相...係按日期來改相相的檔名呢...哈哈! 差不多成千張真係有排改呀~! 正當佢執相相之際...我都有同佢msn傾計, 我問咗佢先攞一啲相相(因為我正在寫澳洲旅行遊記呢~!)...咁佢就响msn send咗第一日影嘅少少相比我喇~!

即將會在此同大家分享第一日嘅遊記~! 請大家耐心等待啊...我需要啲時間執埋啲相相呢~! (唉...尋日去版聚嘅相都未執呀...>_< )

另外, 佢仲send咗呢一張比我:

係我在澳洲中部嘅Ululu(Ayers Rock)前影嘅一張相呢~! 而家我响msn嘅大頭照都轉咗用呢一張喇~! ^0^

旅行 // コメント[3] // トラックバック[0] // Top

我的小小畫作 Velvet Minuet x St.Tail ： 2005.10.09[Sun]

上年手痕...畫咗幾張以blythe crossover卡通人物為主題嘅得意畫...呢一張係幾張畫之中...感覺畫得最似blythe的~! 自己好喜歡呢張~! ^0^

アート・漫画 // コメント[3] // トラックバック[0] // Top

我的小小畫作 Mondrian x Mikako ： 2005.10.09[Sun]

新增一個category...about my art & comic drawing! ^0^

給喜歡blythe或近所物語的朋友:

特別給Carly看的一幅上年之畫作...^_^
嘻嘻...記得上次同妳傾計, 講開近所物語呢~!

呢一張係畫Mondrian crossover 實果子呢!

アート・漫画 // コメント[5] // トラックバック[0] // Top

さくらちゃんの成長日記： 2005.10.08[Sat]

成長のあしあと
2005/10/07 ■新しいアクションを覚えました。
2005/10/05 ■小些些とお友達になりました。
2005/10/04 ■新しいアクションを覚えました。
2005/09/21 ■新しいアクションを覚えました。
2005/09/19 ■さらに大きく成長しました。
2005/09/13 ■新しいアクションを覚えました。
2005/09/07 ■新しいアクションを覚えました。
2005/09/01 ■blueとお友達になりました。
2005/09/01 ■blueがお友達になりたがっています。
2005/08/27 ■新しいアクションを覚えました。

最近覚えた言葉一覧
■心情
■動
■心心 (哈哈...佢記得心心個名呢! ^0^)
■扮
■爾
■妹
■我先
■要
■少少
■最後
■大洋
■由
■面
■坐る
■完
■累
■飯
■潮
■我執
■工作

»» READ MORE

Mero // コメント[2] // トラックバック[0] // Top

尋晚約咗孖女行街食飯...^0^ ： 2005.10.08[Sat]

放工後...約咗孖女(姊:巴布華 & 妹:莉莉人)一齊出旺角行街食飯...呢次係我去完旅行返來香港之後第一次見返佢哋呢~! 我哋三個都情迷娃娃, 一出到旺角當然例必去逛娃店喇~! 我嘅首站係瓊華(莉莉人已經在瓊華逛咗一陣了!)...去到果度我同佢會合再一齊入去cctoy! (哈哈...呢次嘅目的, 都係有少少想去睇新出嘅momoko呢!) 最後我都係敵不過心魔嘅引誘, 買咗一個新出嘅毛毛球小姐返來~! 佢就係"Good Night, Cherry"喇! 佢個髮型好似我最喜歡的知世呢~! 好靚女...呵呵呵~!!! ^0^

之後巴布華都來到瓊華會合我哋...大家都各自買咗少少嘢(我可是大出血呢! >_< )...之後我哋去兆萬再繼續逛! 晚飯都唔食住, 逛埋其他店先算! 呵呵呵! 去到兆萬, 我哋都一定會去地庫果間娃衣店B*Haute Couture同兩位男性老闆傾計(行過見到, 點都會同佢哋打招呼嘅!)...嘻嘻...另外都有睇吓有冇新衫! (哈哈...有時我去果度真係只係傾吓計咋...未必次次都會買嘢! 不過佢哋好好人, 同佢哋傾計好開心呢~! ^_^) 佢哋出啲衫衫手工好好啊! 莉莉人就即時買咗一套新出嘅紅色可愛裙仔~! 而我想睇/比較喜歡果啲衫衫款...啱啱已經sold out...>_< (下次先再睇過啦...)

逛完之後, 我哋去咗家樂商場對面大廈嘅一間新開嘅樓上cafe食晚飯! 果間店個名有啲搞笑...其實我哋都只係因為响登打士街口諗緊去邊度dinner之際, 見到佢嘅"袋熊出沒注意"嘅大廣告招紙, 就被吸引咗上去喇~! 去到見到cafe內有好多嘅黃色路牌 "Wombat Next xx km"(指示會有袋熊出沒)...即時就令我想起剛到過嘅澳洲啊~! ^_^

晚飯之後, 由於孖女都要在旺角逗留多一陣...才會合佢哋嘅男友...咁我哋三個又再到兆萬逛其他玩具店! 在一樓的龍之城, 我買到打算送比朋友的生日禮物(很開心!)...正打算走出店之際, 比我巧遇到一位b媽小玎(我記得在一次聚會同佢第一次見過面呢!)...嘻嘻...其實我唔係同佢好熟呢, 而且只係依稀在印象中有佢個樣/名, 都唔太肯定係小玎...見佢果陣仲係同朋友講緊電話...其實都唔係太想打擾佢嘅(另外, 萬一認錯人就"魚"了, 哈哈!) 不過我都本著好奇心之下...走去問佢係唔係小玎! 呵呵呵...我的直覺果然沒錯, 真係小玎啊! *0*

原來...果兩個男性老闆打電話比佢(小玎應該係佢哋熟客), 問佢會唔會考慮買Kozy呢! 小玎當時心大心細...雖然Kozy係佢嘅dream b...但又唔想好似花太多$去玩娃...所以當時佢都諗咗一陣...我哋三個見到佢咁樣, 其實都唔係好比到意見佢, 買唔買呢啲嘢, 真係要佢自己去決定呢~! 不過我哋都認為$2xxx買一隻幾乎全新嘅Kozy...以市價來說真係好抵買啊~! (上年我買小光的時候都係差不多呢個價!) 最後, 小玎都係決定咗落去佢哋間店度睇睇先再作考慮...而我都陪小玎一齊去睇吓...順便都可以幫佢睇吓果隻Kozy嘅condition! (而孖女就夠鐘要會合男友了...所以佢哋冇一齊去睇...) 到最後...小玎係下定決心買嘅! 呵呵呵...恭喜小玎終於生到佢嘅dream b喇~! ^0^

而我呢...呢一晚可真是大大大出血啊~! >_<

日常生活 // コメント[2] // トラックバック[0] // Top