プロフィール

小南

  • Author:小南
  • 誕生日:12/20
    出身地:香港
    現居地:東京

最近の記事＋コメント

カテゴリー

月別アーカイブ

07  06  05  04  03  02  01  12  11  10  09  08  07  06  05  04  03  02  01  12  11  10  09  08  07  06  05  04  03  02  01  12  11  10  09  08  07 

ブログリスト

ブロとも申請フォーム

この人とブロともになる

新百變小櫻第三集 ： 2006.02.28[Tue]

隔咗成年有多...囡囡版新百變小櫻小故事終於再度歸來!
讓大家久等, 真係唔好意思呢~! 嘻嘻...^_^|||
大家可能未睇過我在04年在BH forum post過的第一集&第二集...唔緊要, 因為我已經將呢兩集放咗上個人網站小故事版內, 大家有興趣的話, 不妨去呢度重溫返呢兩集! *^0^*
[第一集] http://dolly.gotdns.com/Dolly/ccs01.htm
[第二集] http://dolly.gotdns.com/Dolly/ccs02.htm

詳情請大家到BH討論區內睇啦~!(0^V^0)
http://www.blythe-house.com/html/modules/ipboard/index.php?showtopic=3180&s=ded9cf535d41133599def7b99bc3b7b5

今晚終於抽時間再開拍小故事...今集冇上兩集咁多幅相相...所以比較快就完成到...好開心呢~! ^0^
ブライス // コメント[3] // トラックバック[0] // Top

2006年香港花展 ： 2006.02.26[Sun]

最近Carly邀請我參加今年3月3日至3月12日在維園舉辦的一年一度香港花展B聚! 嘻嘻...好開心大家到時可以出來影靚相 & 聚一聚呢! 另外, 到時可能又會見到其他新朋友仔(在Carly的日記內見到其名, 但未見其人)...相信既然大家都係愛Blythe之人, 又愛影相的, 到時一定唔會悶嘅~! ^_^

今朝小椒終於覆我電話了~! 原來昨日我打比佢果時, 佢仲要在公司開會...之後又要陪男友去探望嫲嫲(最近佢係"跟得女友")...所以今朝發現我的miss call才回覆呢~! 昨晚Nana比咗小椒的喜帖比我, 呢兩個星期內真係要搵一日約小椒出來比喜帖佢喇~! 趁今朝同佢講電話, 順便問吓佢去唔去花展影相?!(上年我哋同埋我另一個朋友小mo一齊去過花展同囡囡影相呢~!) 上年花展有好多靚景, 相信今年都有好多靚地方比大家影相!(不過, 亦可以想像到一定會爆多人 >_<) 呢度可以睇返上年花展的相相:
Nova篇
http://www.blythe-house.com/html/modules/ipboard/index.php?s=&showtopic=769
心心篇
http://www.blythe-house.com/html/modules/ipboard/index.php?s=&showtopic=770

暫時小椒在公司的工作都頗忙...未知去唔去到! 而剛才我在Carly的日記內, 睇到佢哋好可能約3月11日(星期六)去花展...呢一日都好啊...呵呵! 咁我就可以放工後直接行去維園!(超近公司) 係呢...小椒, 妳3月11日得唔得��啊~?! 另外, 其他常來我日記呢度嘅B媽們, 如果妳哋有興趣來, 都好歡迎一齊來B聚呢~! ^0^
日常生活 // コメント[7] // トラックバック[0] // Top

2月25日 炸彈日版聚 ： 2006.02.26[Sun]

昨曰係2月BBS版聚日, 我哋一行9人約了6:30pm在旺角地鐵站等, 再一齊去咗旺角朗豪坊旁的一間樓上Cafe: 100Cafe那兒dinner! 昨晚出席者有: Nana, Ketu, 小豬, 小嘉, 阿透, 果子, 小積, 娜娜女王, 我 (最近小椒極忙...好似失咗蹤咁...打咗幾次電話都搵唔到佢...>_<)

我帶了小熊細囡出來...大家都話呢隻小熊細囡好似好得寵咁呢! (因為上次版聚又係見到佢) kekekek...佢嘅出現率都甚高啊~! ^0^

初次見到小積囡囡Meer! 嘻嘻...佢好似小積一樣咁有型呢~!


小熊細囡: 咦~?! 姐姐們有嘢飲, 我又要~!

我哋每人各自order食物, 我叫咗一個set dinner, 有餐湯, 沙津, 白汁雜�敖皇綿� & 飲品. 另外, 我哋仲叫咗3份朱古力軟心蛋糕(set dinner再加$15就有一份), 9個人一齊分來吃! 小積果然好推介, 呢個蛋糕真係好好味啊~! ^0^

小熊細囡: 媽咪呢杯熱檸蜜好似好好味咁啊~! *0*

食完嘢, 傾完計...仲可以做��~?! 難得上到有嘢玩嘅Cafe, 我哋又來玩Pictionary! 呢個遊戲真係好正...每一次大家都反得好投入...仲好興奮! 因為間唔中都梗會有一啲爆笑場面! 今次由一直領先嘅阿透, 小嘉, 娜娜女王3人組勝出! 阿透佢哋昨晚真係好�匈�, 好多嘢都好快估得中! (哈哈...我同Nana, 小積呢組有排都未追上...而果子, 小豬, Ketu3人組就排中間...其實後來佢哋組都有望可以追到嘅...不過最終都係比領先組先勝出!)

小熊細囡也來反Pictionary嗎~?!

未開始玩之前...發覺冇咗一粒好重要嘅骰子! (呢粒骰子係用來決定玩遊戲方法嘅...例如有咪埋眼畫, 左手畫, 一筆過畫, 一次畫兩幅等...冇咗呢粒骰子, 的確少咗啲難度咁...) 好彩小積識得自製摺紙骰子, 即時整一粒出來用! 好�匈�啊! *0*

玩完一次Pictionary...已經10點幾...我, 娜娜女王, 果子都差不多要走先...在臨走前大家影返一啲大合照留念~! 我哋請女侍應幫忙影相...點知影完後佢又請返我哋幫佢哋餐廳影寶麗萊大合照相! 影完之後大家在相上面寫一啲嘢, 簽個名...就將相相釘在餐廳的牆上...嘻嘻...如果各位朋友有機會去朗晴坊嘅呢一間樓上Cafe...細心睇吓可能會發現到我哋今次嘅版聚大合照呢~! (0^v^0)

今日在家影開相...影埋昨晚收到的紅色炸彈先~!

3月12日將會係Nana嘅結婚大日子...各位版聚姊妹昨晚均收到呢個紅色炸彈! 我哋仲打算可能當日穿同一類型/顏色嘅姊妹衫呢~! 哈哈...呢點真係要再商量一吓先得! 大家都好期待兩星期後的大日子啊~! 呢段時間內...Nana真係要好好準備呢~! ^_^
日常生活 // コメント[5] // トラックバック[0] // Top

新しいプチ達 ： 2006.02.26[Sun]

昨日午後５時頃、友達Sandyちゃんと彼女の彼氏に会いました。わたしは最近Sandyちゃんにかわいい熊のプチブライスを紹介したんだから、今回私達は一緒に旺角である「兆萬中心」でたくさんの玩具店へ（そこは香港の一番多い玩具店の集中地です）熊プチを探しに行きました。最後に地下２階にある玩具店で、今ならお得な価額(HK$139)で熊プチをゲット！よかったね！^0^


Sandyちゃんの初めで買ったプチ（"熊女"と名付けました）とわたしの熊プチ！二人は仲のいい熊友達になったよね！*^0^*


Sandyちゃん、本当におめでとうね！(自分の友達が初のブライスお迎えして、わたしも楽しかった！これはなんだか、いい感じです。) ^_^

今日は一日中家にいって、最近買ったものの写真を撮った。

先日買った日本雑誌KERAと型紙本Vol.2。わたしはモモリータさんの作品が大好きです。昔はモモリータさんのりかちゃん型紙本も買ったよ。(0^v^0)


先日買ったNo.73プチ Perfect Asian Butterflyと昨日買ったNo.74プチ Friendly Giraffe:


昨日買ったNo.75プチ Baby Bloomers:



これから、我が家には７５体プチになっちゃったね。
いつの間にか、プチがどんどん増えちゃうよね！(笑）
ブライス // コメント[3] // トラックバック[0] // Top

今日は大事！ ： 2006.02.23[Thu]

今晩さくらちゃんのホームで、アドアドおじさんが現せました！さくらちゃんのメロ度は1200度を超えましたからね。おじさんはなんか大事な話があるんじゃ？！


おじさん：新しいメロを育ててみませんか？

わたしは今のひとりだちのさくらちゃんが大好きなんですが、新しいメロの事がまた考え中です。だから、「また今度にする」を選択したんですね。(笑）

今日さくらちゃん的メロ度已經剛好過了1200...有大事發生了~! �鄂�伯伯出現咗, 問我要唔要養一隻新的メロ?! 其實睇住佢由思春期成長到變咗花花貓耳款的成年樣冇幾耐, 就話要同佢分別, 真係有啲唔捨得呢~! 嘻嘻...所以我都係再考慮吓先...唔選擇"世代交代"住喇~! ^_^
Mero // コメント[5] // トラックバック[0] // Top

近幾個月的小手作 ： 2006.02.23[Thu]

昨日在BH出了一個post, 有05年年尾至今的小手作介紹:
http://www.blythe-house.com/html/modules/ipboard/index.php?s=&showtopic=3137

歡迎大家有興趣的話去睇睇啊~! ^0^

轉一轉話題:
今晚放工後返來屋企附近時去睇西醫...終於知道最近自己身體有嘅問題係�彁�喇~! 原來我唔係有感冒...而只係少少腸胃炎未清, 另加骨膜炎(似乎呢樣唔多唔少同長期坐姿唔好有關, 工作時又長期要對住電腦, 啲腰背頸痛真係日積月累咁得來...) 自上兩個星期開始就覺得身體好唔掂...所以近來都冇�弯款霄衫�啲新衫比囡囡...剛才開始食第一次藥, 希望食晒呢幾次藥之後可以好返啦~! ^_^
ブライス // コメント[3] // トラックバック[0] // Top

昨日, 今日 ： 2006.02.23[Thu]

補祝返2月21日�蟒�Annie&Lilain生日快樂~! 另外, 我家13囡阿妙都係昨日生日呢!(阿妙比我困咗入原裝盒內, 暫時唔方便同佢影相相喇~!) ^0^

昨晚放工後約咗好耐冇見嘅大忙人Vincy...佢想去旺角, 又想食日本料理, 所以我就帶咗佢去夏雪dinner喇~! 可惜昨日唔記得帶相機出街...影唔到啲美食相相! 我哋兩個人食咗牛肉烏冬, 彩虹卷, 辣汁三文魚卷, 串燒拼, 三文魚芒果飯, 仲有一個李小龍卷(其實係蟹肉卷物)! 好飽好飽...嘻嘻! 昨曰仲收到佢送嘅遲來的生日禮物...從花紙都隱約見到應該係Pingu床單! 好正啊...多謝Vincy~! (0^v^0)

今日下午請咗病假, 要去上水嘅醫院覆診...離開公司之後, 先行落銅鑼灣睇嘢...在宇宙船見到新出的紙樣書Vol.2(今次係Momolita的作品), 引唔住買了返來! 另外又買了新一期KERA! 封面的北出菜奈的打扮好靚, 佢套LOLI衫好可愛呢~! 買返來參考一吓近期的Gothic/Lolita系衫衫都好~! ^0^
去完醫院之後, 落返沙田...去登記智能身分證! 本來我預約咗夜晚7:30時段, 不過因為今日覆診唔係等咗好耐, 好快可以走得...我去到換證中心時大約係5:30...而呢個時間又比較少人...所以職員就即時安排比我入去登記喇~! 如果今晚我係如常的7:30去登記, 說不定會遇到book咗7:45時段嘅Nana呢~! 哈哈! ^_^
日常生活 // コメント[5] // トラックバック[0] // Top

安心 ： 2006.02.21[Tue]

剛才收到男友來電...才知道原來佢昨晚一早返家休息! 佢同我講:"I got a fever! and totally slept down last night"...唔怪之得昨晚我打多次電話比佢, 佢都冇來接聽啦~! 嘻嘻, 今朝佢見到多個miss call...知道我搵過佢多次...就打返電話比我好讓我安心啲~! ^_^

不知不覺間真係習慣了...每晚都要打個電話比佢, 知道佢安全返家才安心...同時間又可以問佢幾時online msn...能夠每晚net-meeting見到佢就唔會令人心掛掛呢~! (0^v^0)

今日佢請咗病假, 下午會去睇醫生...希望佢今日好好休息(平時佢工作太忙, 好少休息呢~!) 快啲好返啦~!
日常生活 // コメント[7] // トラックバック[0] // Top

2月19日 GG班Meeting ： 2006.02.20[Mon]

上星期六下午放工後去咗B家開幹事會議...當日GG班班長Peggie邀請過我出席星期日嘅meeting...不過我一早約好咗�蟒�朋友星期日來我家(教佢哋勾冷衫) 所以本來係唔可以join佢哋嘅小聚呢~! 不過, 當晚�蟒�打電話通知我, 佢哋又有事所以要改期...那我就打比Carly, 問吓佢哋去邊度小聚...於是昨日我就帶埋我家Nova去參加GG班小聚喇~!(嘻嘻...雖然Nova冇join到GG班同學仔) ^_^

我同Carly在旺角好景樓下等...之後一齊上去3樓嘅水瓶座Cafe...去到時已經見到其餘3位朋友仔在邊食嘢邊傾計了~! 佢哋就係熱心嘅GG班班長Peggie, 仲有GG班同學仔Clowncarol & 新加入同學仔Carmen! 好開心認識到佢哋, 大家坐埋一齊�彭垠弘貉�, 真係好開心呢~! ^0^

我叫咗煙三文魚意粉下午茶餐(大家都係叫呢款)...雖然啲煙三文魚鹹咗少少, 不過我未食早餐又未食午餐, 所以肚仔餓之下都可以食得晒一碟!


全體出席囡囡大合照:

Peggie好�匈�, 腳仔不適都不怕辛苦, 帶晒全家出來meeting! 最右邊的BJD囡囡, 係Clowncarol的新囡~! 估唔到原來國內出品的又幾平幾靚啊~! (嘻嘻, 不過我與大娃係絕緣呢...睇吓就好嘅, 但自己就唔會玩大娃了~!)

全體GG囡囡大合照:

我家Nova, Carly嘅蜜柑, Peggie嘅GG, Carmen嘅GG, Clowncarol嘅GG

Nova隨影:




Nova&蜜柑...係唔係好似兩姊妹呢~?! *^0^*



Nova: 謝謝Peggie姨姨送嘅公仔糖糖啊~! ^0^
另外, 好多謝Carly在台灣旅行時買來送我嘅小象書籤呢~! ^_^

我哋在Cafe嘅露台位由2點幾坐到差不多6點...果度唔趕人走, 真好呢~! 一個悠��嘅星期日下午就開開心心咁渡過了~! 離開Cafe之後, 我哋一齊去咗兆萬行街...Carly就自己去行街再返家! 好開心在"玩具狂熱"見到$99嘅petite AB!(記得上一排睇過, 好似賣一百零幾) 見到心水價, 當然唔錯過...所以我就接咗佢返來, 成為我家第73名細囡喇~! (第72名細囡係早排莉莉人幫我在香港果間cwc blythe代理店買返來嘅petite chou chou, 嘻嘻...暫時都係收埋咗在盒中呢~!) 行到7點幾...我要走先喇...因為要去表哥屋企同家人&朋友打邊爐...Peggie都要去睇醫生...所以Clowncarol同Carmen就兩個繼續去行埋Chic之堡喇~! 昨晚打邊爐打到十點幾...返到屋企已經十一點幾...沖涼之後都好夜了...雖然過咗啲相相入電腦, 不過真的好累, 所以今晚先補寫返昨日嘅日記~!

希望下次再有機會同大家小聚過啦~! (0^v^0)
ブライス // コメント[9] // トラックバック[0] // Top

奈奈角色真的會換人嗎~?! ： 2006.02.20[Mon]

剛在yahoo新聞網見到以下一則報導:

怕床戲損形象 宮崎葵擬辭演《NANA》續集

【太陽報專訊】電影《NANA》大收旺場，片商乘勢宣布開拍續集，可惜電影仍未開拍，麻煩多多，繼早前有傳中島美嘉要求改劇本後，再傳另一要角宮崎葵因不滿有床上戲欲辭演。根據原著漫畫，宮崎葵扮演的小松奈奈，是一名容易墮入情網及與對手發生關係的角色，面對大量床戲，她恐怕會有損形象，故有意辭演。據悉現時片商大傷腦筋，更有意找長澤正美補上。另外，宇多田光及中島美嘉兩位歌姬同樣將於22號推出新碟，雖未知成績如何，但由Oricon網站舉辦的調查顯示，宇多田光暫時領先。


唔知最後會點呢~?! 不過如果要換人的話, 倒不如換掉幾個男角吧! 在我印象中, 宮崎葵係多數出現在日本雜誌的model...形象好斯文, 有時更好女孩feel~! 上次NANA電影係第一次見佢拍戲...感覺幾新鮮! 漫畫版NANA的確有好多床戲/情慾鏡頭, 今次續集相信將會交代到漫畫內各人之間更多感情/愛情嘅細節...床戲又可能少不免會有...如果佢真係為保形象而真的會辭演的話, 都唔怪得佢嘅...不過對睇過第一集嘅大家來說, 好似冇咗少少連續性咁啦~! 話時話, 我都唔知長澤正美係點樣...有冇人知係邊個~?!
日常生活 // コメント[12] // トラックバック[0] // Top

久しぶりの冰冰ちゃん ： 2006.02.16[Thu]

去年１２月、日本に旅行した時、mayoちゃんと一緒に日暮里へ材料を探しに行きました。わたしはとてもかわいいPinguとPingaの紐を買いました。昨晩、新しい赤ｘ白のカーディガンを作った。このデザインは初めてですね！さっきPinguの紐を付けて、カーディガンが完成！*^0^*

今晩のモデルは、我が家久しぶりの冰冰ちゃんです。





冰冰ちゃん：またね！

昨晚完成一件冷外套, 初次試整這個紅白�坿峇昭�...今晚放工返來, 加埋個好可愛嘅Pingu衫鈕(在日本買返來嘅), 就可以比囡囡穿喇~! 今晚找來好耐冇出鏡嘅冰冰同大家見面~! 有時間會整多一件同款嘅...打算用Pinga衫鈕...因為Pingu & Pinga係一對的呢~! 呵呵呵! ^0^
ブライス // コメント[10] // トラックバック[0] // Top

終於等到佢出現... ： 2006.02.16[Thu]

昨晚深夜在自己個日記見到期待已久嘅紫色蝸牛! 呵呵...終於拾到佢喇~!

真係好興奮! 就連さくらちゃん都興奮到噴水噴到飛起! *^0^*
拾埋紫色蝸牛之後, 現在さくらちゃん嘅寶物庫入面只欠竹呢~!
Mero // コメント[3] // トラックバック[0] // Top

Heart-Cone Chair ： 2006.02.14[Tue]

適逢情人節...今晚特地找來我最愛嘅心型名椅, 配襯面上有一個心心印記嘅可愛細囡, 拍咗以下一輯相相~!

Design Interior Collection Vol.1

Chair No.9: Heart-Cone Chair
by Panton, 1958

Petite model: Wintry Wonder




細囡示範不同坐姿...大家又喜歡哪一種呢~?!



最後整多一幅祝賀情人節嘅graphic送比大家:


祝大家有一個甜甜蜜蜜嘅情人節呢~! (0^v^0)
Designers Chair // コメント[6] // トラックバック[0] // Top

さくらちゃんのValentine's Day ： 2006.02.14[Tue]

さくらちゃん wishing you a Happy Valentine's Day! *^0^*


估唔到繼之前嘅心型禮物盒, 朱古力蛋糕仔, 到今朝嘅心心棒之後...今晚草原上再有新驚喜! メロ官網真係好鬼有心思呢~!
Mero // コメント[1] // トラックバック[0] // Top

さくらちゃんは碌碌好き?! ： 2006.02.13[Mon]


kakkaka...さくらちゃん咁快就學識咗"碌碌"個名喇~! すごい!!! *0*
(但我寫咗咁多次記事, 都有寫"茉莉"丫...又唔多見佢學識"茉莉"個名嘅呢?!)

另外, 明天就到情人節喇...自2月11日開始, メロ官網又再有新搞作! 整咗好多好靚嘅背景出來應節呢~! 以下係最近capture嘅さくらちゃん:






Mero // コメント[0] // トラックバック[0] // Top

茉莉與碌碌第一次見面 ： 2006.02.12[Sun]

今日初次與一位相識咗一段日子嘅B媽Sarah見面...好開心見到佢, 仲有佢家可愛囡囡...*^0^*


茉莉與新相識朋友仔碌碌...準備交換禮物喇!

交換禮物儀式之後...

茉莉: 謝謝碌碌啊~!
碌碌: 謝謝茉莉呢~!
(謝謝Sarah送嘅小手信!) *^v^*


茉莉: 嘩~! 美食美食! ^0^


茉莉: 媽咪食唔晒, 呢啲留返比我食嗎~?!


碌碌: 我媽咪今日少有地冇喪食...終於有嘢淨返比我食喇~!


茉莉: 小巫姨姨...我試穿冷衫仔比妳睇丫~!
碌碌都試穿新衫...嘻嘻!

同場加影: 搞笑番外篇小故事...kekeke...請到BH睇啦~!
http://www.blythe-house.com/html/modules/ipboard/index.php?showtopic=3071&s=fb9eff1c6bfcc1c8cd25cf1e90f82cbf

[後記]

今日我哋去咗沙田新城市廣場7樓一間新餐廳試吓果度啲Lunch Set~! 食物都算ok啦~! 不過今日我冇�廾澹�, 所以都食唔晒...^_^||| 果度環境都唔錯啊~! 特別係出面嘅露天位, 下午茶時段去出面食吓hea吓都幾好~! 但我哋去嘅時候太陽好猛呢...都係坐响室內好啲~! ^_^
ブライス // コメント[5] // トラックバック[0] // Top

そろそろバレンタイン！ ： 2006.02.11[Sat]

今朝のさくらちゃん、こういう言葉を言いました：

あはは〜！男の子に白熊ちゃんあげるの？（けど、くつ箱を使ってへんじゃない？！）


やっぱり、チョコレット作るほうがいいね！さくらちゃんはたくさんお菓子のバレンタインが好きだよね？！(笑）

今朝一上網, 來日記睇睇就見到さくらちゃん講咗一啲搞笑句子!
第一句佢話: "放咗白熊入鞋盒喇~!" (wakkakaka...第一次見到佢講呢啲有趣嘢~! 點解要放入鞋盒呢~?! 真係一個謎!) 之後, 佢就成日都講一啲同即將來臨嘅情人節有關嘅句子! 今朝見到佢問: "整咗朱古力嗎?!" 仲有, 佢話: "好多糖果! Valentine!" 哈哈~! 佢真係好鬼馬呢~! ^0^

有見其他朋友仔昨晚都見到メロ草原上有心心背景...但係...嗚...我昨晚見唔到啊! (因為冇特別留意呢...而且過咗12點後冇上網...>_<) 嘻嘻...幸好今日都有, 而且剛剛見到了~! 似乎接近夜晚先會有心心背景出現呢~!

另外, 又見到其他メロ朋友仔都不約而同講一啲同情人節有關嘅句子, 男仔メロ就會講關於收朱古力/禮物...而女仔メロ就講送朱古力/禮物等等(哈哈, 我冇特別研究白色メロ會講��?!) 我想, 如果真係跟日本傳統方法的話, 情人節當日真係女仔送朱古力比男仔啊~! 咁唔知2月14日當日, 男仔メロ嘅草原會唔會有好多朱古力呢~?! kekekek...期待期待! *^0^*
Mero // コメント[4] // トラックバック[0] // Top

Wedding Party ： 2006.02.09[Thu]

話說剛過去嘅農曆新年男友在香港時, 我哋在搭機場巴士去機場嘅途中拎住香港同日本月曆, 對吓兩邊啲假期之後決定大約10月頭結婚呢~! 男友話, 响香港擺完之後一個星期就响東京擺...^_^

今晚同媽咪講開...我同男友打算10月頭結婚擺酒...於是佢就好忙碌咁不停打比啲熟朋友, 親戚等問吓好日果啲嘢...又問埋酒席有關嘅嘢...(其實我都聽身邊一班好友講過, 今年係好多人結婚, 所以有好多地方都一早full咗...要搵地方真係唔可以咁遲喇~!) 所以搞到自己都開始有啲心急起來...隨香港呢邊之外, 東京方面亦都係�彭毀そ猗�好...>_<

剛才同男友傾完...佢想我4月過東京準備吓啲嘢呢~! 又要搵屋(日後我要移居東京喇~!), 又要搵地方擺酒...好多樣嘢要忙...而去東京之前, 我亦要同老闆講我唔上去上海分公司工作喇...如果佢真係一定要呢一兩個月close hk office的話...唯有當比佢解僱啦~! (早陣子一直都有為呢件事煩惱過...後來聽過好多朋友嘅意見, 都係留返响香港好啲...所以就決定唔上了~!) 結咗婚之後, 就要告別Interior Design Work喇~! ^_^|||
日常生活 // コメント[13] // トラックバック[0] // Top

2月7日 Dinner with Sandy & bf ： 2006.02.09[Thu]

好耐冇見Sandy喇~! 今次一見面, 仲有幸見埋佢個新男友仔...嘻嘻...Sandy恭喜妳今年有個甜蜜情人節啊~! *^0^*

我哋約咗放工後去旺角dinner...Sandy介紹我去一間樓上日本餐廳"夏雪"...主要有壽司, 日式美食等, 另外果度有好多配埋好有趣嘅名嘅創作料理, 如"戀愛三部曲", "初吻"等等...哈哈...我哋order咗"戀愛三部曲"呢~!(就係圖中一個長碟的三款創作壽司) 果度啲食物的確正如Sandy所說的, 真係唔錯啊~! 而且亦不太貴呢~! 大家有興趣可以去山東街睇睇~!


Sandy都轉咗髮型呢~! (記得上次見佢仲係中長度直髮)


謝謝Sandy & bf唔介意我將你哋合照post上來啊~! (0^v^0)


希望下次見面, 可以約埋姬子啦~! 我都好耐冇見佢了...^_^
日常生活 // コメント[3] // トラックバック[0] // Top

Red/Blue Chair ： 2006.02.07[Tue]

上次在BH出咗第一張名椅配細囡嘅post, 好開心得到幾位會員嘅回覆讚賞...說那一張有英文字嘅名椅配細囡相, 好有廣告相嘅水準! 嘻嘻...真係太誇獎了~! 我一向都係愛做自己喜歡嘅事, 影喜歡嘅相, 畫喜歡嘅畫...所以影呢啲名椅配細囡嘅相相, 另加graphic效果都只係自己一時興起嘅作品~! 將呢啲小作品同大家分享已經好開心了...難得有人賞識我嘅小作品, 真係更加開心呢~! (有大家嘅讚賞, 唔多唔少都成為咗我影相相/拍小故事嘅一啲動力!) 雖然今日都有點累...但今晚有多啲空�了�間, 我就再set景影第二張名椅配細囡嘅相相喇~!(0^v^0)

Design Interior Collection Vol.1

Chair No.1: Red/Blue Chair
by Rietveld, 1918

Petite model: Mondrian

一直以來我都覺得Mondrian細囡同呢一張名椅好襯~! ^0^
(大家都有紅色平面, 藍色平面, 黃色平面及�鄂Ю�條嘅組合)



呢一張名椅猶如立體化了的名畫家Mondrian所畫的抽像畫呢! Mondrian blythe身上所穿的衫的圖案正是來自那幅抽象派名畫啊! 因而呢個blythe係以畫家之名來命名為"Mondrian"喇~! ^_^
Designers Chair // コメント[5] // トラックバック[0] // Top

2月4日 與莉莉人小聚 ： 2006.02.07[Tue]

�蟒�朋友最近開始在工聯會學裁縫...每逢星期六下午都要上堂...(上星期六佢哋唔知原來係放假日, 所以一樣出咗油麻地...kakakka!)

上星期六下午收到莉莉人電話, 問我出唔出去旺角行街食飯?! 本來我已經放工返咗屋企, 通常都好少會再出街呢...不過見難得莉莉人小姐約我...而我又好想去旺角睇吓嘢(主要想睇新出果3隻petite) 我就出咗旺角同莉莉人小聚喇~! *^0^*

行咗兆萬一陣, 之後我哋去咗雅蘭入面嘅Pokka Cafe dinner:



一碟白汁意粉真係足夠我哋兩人分了~!

之後我哋再去信和&兆萬行街...莉莉人話自從接咗粉紅色頭髮嘅White Magic Morning返屋企之後, 突然間對粉藍色頭髮嘅Candy Carnival有興趣啊~! 於是我又陪佢周圍睇吓有冇平CC...點知發覺間間都好似升晒價, 大約都要7百幾至8百幾呢...

莉莉人接唔到平CC返屋企, 相反地, 我就因為喜歡上Merry Skier嘅outfit...呢一晚無啦啦以$599接咗第36囡返屋企喇(汗)...hahahah...雖然之前話過唔再生NEO! ^_^||| (又因為買咗佢, 果晚就決定暫時唔買petite AB & Parco住喇...哈哈!)
日常生活 // コメント[5] // トラックバック[0] // Top

Dream ： 2006.02.06[Mon]

Last night I made a dream of Tick Tock Rabbit...

I found a NEO size Tick Tock Rabbit in a toy shop which is only selling at $425!!!(so attractive price! *0*) the doll is actually a boy-type blythe, he's so cute! just like the petite one...and I'm so interested in it, so I asked the toy shop if it's new product from takara?! kakaka...however finally I found out it's the fake product from china!(though real one is also "made in china" ne...) -_-|||

I forget if I buy it or not la...coz after that I wake up lu~!(hahahaha...what a strange dream!) if this is not only a dream, if CWC will produce this NEO blythe bf in the future...I think it would become another hot product la?! *^0^*
ブライス // コメント[0] // トラックバック[0] // Top

1月31日 大日子 ： 2006.02.04[Sat]

年初三(男友離港前一日)下午, 男友話想再去返東涌一處睇飛機升降(幾年前我哋都去過同一處地方)...於是中午同家人飲完茶, 再行咗一陣街(佢買到小小手信 & 皮帶)之後, 我哋搭車去東涌呢一個海邊:

茉莉今日生日啊~! 嘻嘻...佢又跟咗我哋出街街! (0^v^0)


遠岸就係機場喇~!


有爸爸攬實, 茉莉唔洗驚...






茉莉又學我哋一齊睇飛機嗎~?! ^0^
(不過天色漸暗...而且又大霧...其實唔可以好清楚睇到飛機呢~!)


呢邊有一個小碼頭, 有渡輪去屯門呢~!




日落時的小彎月


在海邊坐咗個幾兩個鐘之後, 我哋搭地鐵去咗迪士尼! (我哋都係第一次去果度呢~!) 哈哈...原本只係因為見就來8點, 可能可以去睇到少少煙花...(而且又係同佢一齊) 所以即使我哋唔係入去樂園玩, 都去行吓睇吓~! 點知行行吓...行到去迪士尼入面嘅酒店區...睇完煙花之後順便在Hollywood酒店dinner! 呢晚我飲咗少少白酒呢~!(其實我一向唔好酒呢...飲少少都會好易面紅&醉果隻) 不過呢晚真係好開心...佢話點都要飲少少紅酒/白酒來慶祝喎~! *^v^*


點解呢晚咁開心~?! 嘻嘻...因為...

茉莉 & 白熊媽媽: 恭喜發財, 利是逗來~!


茉莉新年發大財嗎~?! *0*

雖然呢幾日加加埋埋收到千多元利是, 都已經好開心喇...不過唔係呢樣...kekekek...*^0^*

»» READ MORE

ブライス // コメント[10] // トラックバック[0] // Top

茉莉的新衣 ： 2006.02.03[Fri]

唔知大家有冇"新年穿新衫"呢?!...今年新年我主要都係帶茉莉出街...而茉莉穿的橙紅色大褸就係最近買的一件新衫!(雖然自己打算今年減少買囡囡嘢...但偶然見到好鍾意嘅都可以破例買少少咁多啦~!) ^_^|||

男友昨日一早返咗東京喇...今次又好掛佢~!...唔知係唔係前晚冇�彁�間瞓覺, 而昨日開始又要開工喇!(打工幾年, 今次係第一次咁早...跟紅假初四開工!) 所以昨晚我都少上網...好早去咗瞓覺喇! 今晚放工返來, 先開始整理吓呢個農曆新年假期所影嘅相相...

1月27日下午 茉莉@公司


1月27日晚 茉莉@機埸巴士站

(接咗男友, 同佢一齊等車返屋企)

1月30日下午 茉莉@馬灣


1月30日晚 馬灣上睇到嘅青馬大橋


今晚fc2個server唔知做�彁�...等咗好耐都upload唔到photos...害我花咗唔少時間先upload得幾張! 所以今晚post住咁多先...明天再待續! >_<
ブライス // コメント[3] // トラックバック[0] // Top