プロフィール

小南

  • Author:小南
  • 誕生日:12/20
    出身地:香港
    現居地:東京

最近の記事＋コメント

カテゴリー

月別アーカイブ

07  06  05  04  03  02  01  12  11  10  09  08  07  06  05  04  03  02  01  12  11  10  09  08  07  06  05  04  03  02  01  12  11  10  09  08  07 

ブログリスト

ブロとも申請フォーム

この人とブロともになる

4月27日 與日本朋友見面 ： 2006.04.30[Sun]

4月27日下午, 隔咗一年冇見的來自神戶的b媽朋友Masami小姐再次來到香港, 今次佢同朋友Kaoru小姐一齊來旅行5日4夜, 27日晚上我應佢哋邀請, 同佢哋一齊去尖沙咀一間叫做"霸王山莊"嘅上海料理店食晚飯!

因為同Masami小姐見面嘅原故, 當晚我也認識了另外幾位香港人朋友! 一位係Masami小姐&Kaoru小姐在神戶認識的香港人朋友Cali小姐(過了日本嘅神戶&東京工作3年幾, 由起初完全唔識日文, 到而家日文講得好流利, 真係好�匈�呢~! 好值得學習啊~!), 另外兩位男士Ricky & Simon係Cali小姐嘅舊同事(好多謝佢哋當晚請食飯啊!)...仲有食完飯之後我哋去咗厚福街嘅"甜蜜蜜"食甜品時才會合我哋嘅Kaoru小姐嘅香港人朋友(佢在早排去大阪半年遊學期間, 曾經當過Kaoru小姐的廣東話老師)...能夠認識大家真係好開心呢~! 將來過到東京住時, 就可以同Cali小姐再見面了~! ^0^

由於當日我冇預先準備會同日本朋友見面, 所以冇帶到相機出街, 那就唯有等Masami小姐返到神戶之後email當晚影嘅相相來比我了~! ^_^
日常生活 // コメント[2] // トラックバック[0] // Top

中文Blogpet Miniworld ： 2006.04.27[Thu]

話說上星期在小倩的blog已經見過她介紹了台灣最近(4月13日開始)推出的中文Blogpet遊戲:"Miniworld"...當時我已經對佢果啲可愛動物好有興趣...極想養返一隻小熊來玩吓!(當時我見到有得揀啡色小熊, 還在想:為何沒有白熊比我揀~?!) 不過當時它好像仍在測試階段, 而且你先要send email address比管理人, 收到驗證email之後才可以登入成為會員 & 揀寵物(共有6款動物: mini兔, mini狗, mini剌蝟, mini貓, mini鳥, mini熊)...當時我冇時間慢慢研究, 見佢冇得揀白熊所以我都冇申請登記了, 於是將呢樣嘢放低咗又不了了之...^_^|||

到今日在娜娜女王的blog內見到呢個新Blogpet介紹, 見到娜娜女王養了一隻小貓, 好可愛呢~!(和我家小熊仔仔做好友好嗎~?!) 而且睇到娜娜女王寫了的少少介紹:
吸引之處是可以改版面的背景，也可以親自餵牠們吃東西, 而吃什麼東西會影響牠們的顏色
睇到呢一個point即時令我對Miniworld重拾興趣!!! 我想養小白熊啊!!! 唔理咁多, 剛才申請咗了...養咗一隻啡色小熊...今晚返家時要慢慢研究一下點樣幫佢美白, 變成小白熊先得! 呵呵呵! *^0^*

題外話: 好開心剛才收到日本b媽朋友Masami小姐的電話, 今天下午佢由家鄉神戶飛到來香港了! 佢來香港5日4夜旅行呢~! 早幾日收到佢email...都知道佢會再來香港, 已經好期待大家可以隔咗一年之後再見面了! (我同佢係上年5月第一次在香港見過面, 一齊食過晚飯...不過可惜當時挾唔到時間, 帶唔到佢去行街睇blythe嘢...我知佢好想去買啲嘢比囡囡呢!) 今次本來我打算只係約佢星期六/日來個小b聚, 順便帶佢去旺角行街睇玩具...都冇想過佢今晚會約我去食晚飯啊! 雖然今日我冇事先準備, 相機呀, 囡囡呀...�彭�冇帶出來! 不過佢話唔緊要呢...佢有相機可以影相 & send返比我! (不過我覺得始終都係用自己相機影嘢比較好, 返家時又可以好方便咁當晚放相相上日記呢度...不過難得佢約我同佢朋友一齊食飯, 都好期待又好開心呢~!) *^0^*
日常生活 // コメント[5] // トラックバック[0] // Top

4月23日 做衫樂meeting ： 2006.04.25[Tue]

昨天真係好開心啊...因為可以同幾位b媽好友一齊來個"做衫樂"meeting! 首先謝謝GG班班長Peggie熱心搞meeting, GG班同學仔Carol借出佢在樂富嘅私家補習社地方作聚會場地及提供做衫材料, Carly提供做衫材料及幫忙做導師, 由加拿大來港嘅Iris(kittymiffy88)提供零食, 同埋我嘅�蟒�好友Annie嘅熱烈參加, 令大家都有一個第一次咁多人一齊做衫衫比囡囡嘅難忙小聚~! 另外, 好開心初次和Iris見面呢~! 以前我還一直以為佢係香港人...昨日才知道原來佢本身係在加拿大住嘅台灣人, 但佢啲廣東話講得好好啊~! (嘻嘻...可能同佢老公仔係香港人都好有關係吧~?! 唔知Iris同老公仔平時係唔係以廣東話溝通嘅呢~?!)...今次難得佢返一返來香港, 班長Peggie就安排定一啲meeting, 等各GG班同學仔有得見面&交流一下~! Peggie作為班長真係好稱職呢~! (唉...相比上來, 我負責的DD班真係好少咁熱鬧呢~! hahaha...^_^|||) 本來另一位同學仔Carmen都打算參加今次活動...但佢因為屋企突然有急事, 所以來唔到...後來今日才知道原來係佢爸爸突然有事入急証室, 佢要陪家人呢...在此祝Carmen爸爸早日康復啦! 昨日meeting完之後, 大家都好有興致咁plan定下次再一齊做衫嘅事情...嘻嘻...預好時間的話, 相信都好快搞得成...所以今次來唔到嘅朋友仔, 可以期待下一次嘅聚會啊~! *^0^* (不過...Carol借出嘅場地最多只容納7個人...到時要預一預人數先得喇~!)

今次得到班長Peggie點名...所以我來幫忙作為大家嘅小導師啦~! 謝謝大家接受我嘅提議, 今次一齊做我最近完成好比Nova試穿過嘅裙仔款式, 同埋用我帶來嘅布料, 絲帶, 小花等材料來做衫...難得Carly都有帶來好多靚布呢~! 不過因為大家打算一齊用同一款布料來整衫, 所以揀咗我帶來比較大塊嘅黃色花花布...足夠分比大家用...^_^ 原本我想過大家一齊自製布邊來作裙腳(不過呢個步驟都要花啲時間)...幸好後來決定用Carly帶來嘅靚靚花邊來作裙腳圍邊...節省不少時間呢~! 而且, 整出來嘅效果都好好睇啊~! ^0^

另外, Carol原來真係有拎咗佢屋企部衣車出來(好�匈�啊~! 咁重都拎來, 真係辛苦晒呢!)...不過今次大家想一齊享受親手做衫過程嘅樂趣, 所以最後都係齊齊用手縫! 在今次嘅做衫過程中, 教咗一啲手縫心得比大家, 希望令大家日後在手縫衫衫上有些少幫忙啦~! (哈哈...雖然用衣車會比較快及方便...不過當好似我咁, 家中冇一部好衣車嘅情況之下, 都係要依靠最原始嘅手縫方法去做衫喇~! ^_^)

昨日meeting時間大約由3點左右開始, 在meeting之前, 我同Carly, Carol & Iris早少少約好在樂富一齊食lunch...我哋在Pokka Cafe坐咗近一個鐘...一齊食吓嘢傾吓計感覺真好~! meeting開始之後, 我哋大家分工合作幫忙準備紙樣, 剪布等...時間過得好快...當我哋差不多完成一條裙仔時不經不覺已經6點幾7點喇~! 哈哈...全部人完成晒一條裙仔之後, 齊齊比囡囡試穿溫暖牌裙仔&影大合照! (左起: Annie嘅T42, Peggie嘅GG, Iris嘅KB, Carly嘅SDM, 我家Nova, Carol嘅GG)

雖然我本身唔係GG班同學仔, 但感覺上係GG班嘅活動, 而我都有GG, 所以就帶咗Nova出來喇~! ^0^

今次第一次見到Lati Doll真身...真係細細粒又可愛呢~! *^0^*

Iris囡囡 & Carly囡囡


Nova: 多謝Peggie姨姨送嘅米奇公仔啊~! ^0^
(Nova其實係一個玩具收集迷呢~!)

昨日meeting完之後大約7點幾8點, 大家各自返家了...而我就去咗美孚同家人&朋友一齊到酒樓食晚飯...昨晚返到家已經11點了! Nova跟咗我出街一整日, 佢返到屋企時都好累呢...哈哈, 話咁快就睡著了:


好期待下一次再見Iris(趁佢返加拿大之前), 同埋下次大家又一齊出來meeting呢~! (0^v^0)
ブライス // コメント[15] // トラックバック[0] // Top

復活節假期(一) ： 2006.04.24[Mon]

今晚先來寫返剛放完嘅復活節假期嘅日記...^_^|||

復活節假期的第一日, 下午2點左右我去咗機場接男友, 今次佢乘搭日航機呢...所以下午時間到達香港! 今年的復活節, 由於就唔啱日本公眾假期, 所以佢要專登向公司請咗星期五&星期一兩日假, 飛過來香港陪我...嘻嘻...其實今次咁啱遇正日航做緊里數promotion, 佢見到呢段時間內有一個只用15000里數就可以兌換來回香港機票嘅優惠, 而且佢都要來一來陪我搞香港呢邊婚禮嘅事情, 所以就好快咁決定要來香港了~! 又可以同佢見面真係好開心啊~! *^0^*

到步後我哋先返屋企放低行李...然後我就帶佢去我已經訂咗酒席嘅沙田美心酒樓果度視察環境...嘻嘻...因為佢未去過果度, 所以話想去睇吓現場實景呢~! 之後, 我哋一家人就出去九龍城同舅父家人食晚飯...媽媽在西田買咗一支日本出產嘅藍莓酒, 未上菜之前大家一齊開呢支酒來飲, 平時我對酒嘅味道不太喜歡呢...不過我都覺得呢隻藍莓酒好好飲啊~! ^0^

海兒推介比大家試吓嘅Blueberry Wine!


海兒: 爸爸又用新嘅Motorola PDA Phone來check email喇~!

男友平時工作好忙, 每日公事上都有好多email要check, 最近公司出咗一部新款嘅手提電話比員工, 所以佢現在有咗呢個新手機, 就可以隨時隨地(就算在海外)都可以接收到公司內部及客人嘅email喇~! 而且, 就算身在海外都一樣可以打IDD(由公司付電話費) 真係超級方便呢~!

復活節假期的第二日, 我哋全家人一早起身, 就出發去黃金海岸啊~! 男友都係第一次去果度呢~! 我哋一到達黃金海岸, 就去麥記會合表哥家族&幾家朋友家族...當中有朋友的仔仔, 表哥嘅囡囡(都係3歲幾嘅小朋友)...另外妹妹嘅bb仔浠浠...共3位小朋友呢! 因為帶住小朋友, 大家都只係去附近行吓, 睇吓嘢...首先一行人去咗黃金海岸酒店內, 大人就同啲小朋友們影相! (其實主要上都係在酒店大堂內行吓座吓傾吓計) 而我同男友就坐在一邊影相...難得山長水遠帶咗海兒出街, 我就同海兒影咗少少相~! ^_^

海兒@黃金海岸酒店內




我哋去咗黃金海岸廣場內嘅一間地中海餐廳內享用午餐, 我同男友分別叫咗兩個唔同嘅set lunch, 大家share來食: 銀鱈魚豬扒配薯菜, 西冷牛肉配飯...平均要$7X一個餐, 所以好大份...好在男友大食啲, 就算我食唔晒佢都可以清埋啲嘢食~! (嘻嘻...基本上一向我同佢去食嘢時, 都會係咁嘅情況呢~!) ^_^



Lunch之後已經係2點幾3點...由於當日都有啲清涼, 凍凍地...家人朋友佢哋決定唔帶小朋友去海灘果邊吹風了...所以一行人就搭車去表哥屋企開枱! (哈哈..."打麻將"真係典型嘅香港成年人假日節目呢~! 不過我不喜歡打麻將賭錢呢...) 當日下午, 我就同男友由黃金海岸直接搭車去荃灣愉景新城商場, 目的係去睇婚紗展覽~! 好友小mo嘅妹妹搞嘅婚紗店在復活節假日在果度擺展覽...由於我打算在佢果度訂婚紗...於是帶男友去展覽會睇吓佢哋嘅新款禮服~! 早在3月頭我已經去過佢店舖內揀衫試衫...所以今次主要想帶男友去揀衫...但遇正佢哋要擺展覽, 會場內有得睇但冇得試...男友只係睇相, 都決定唔到揀邊套衫好呢?! 小mo妹妹好好人呢...佢知道男友專登來香港, 冇�彁�間嘅呢個情況...於是安排我哋翌日一早上去佢店舖內揀衫&試衫啊~! 星期日下午原來佢有另一個客人想去試妝...所以佢自己就打算一個人留在店舖內serve我哋&那個客人, 其他女同事就去展覽會場打點一切~!

寫到呢度...現時已經深夜2點半...今日出咗成日街, 有點累呢~! 今日嘅精彩記事都要留返明日先寫了! 嘻嘻...明天待續啦~! ^_^
日常生活 // コメント[3] // トラックバック[0] // Top

kanaさん, どうもありがとうね〜！ ： 2006.04.21[Fri]

今日は日本からの小包が届きました。これは、Pinky Heartのkanaさんからのプレゼントです！(0^v^0)



茉莉ちゃんはMarieが大好きですね！^0^


茉莉ちゃん：かわいいものいっぱいだね！


kanaさん、どうもありがとうございました！*^0^*
kanaさん作ったOFも、生地も、バラのボタンも、すごく素敵で、そして手紙も送っていただいて、本当にうれしかったんですよね！（こちらは、明日プレゼントをお送りします。こんなに遅くなって、ごめんなさい！）


茉莉ちゃん：kanaさん、ありがとうね〜！この洋服はとてもかわいくて大好きだよ〜！大切にして〜ます！^0^

今日工作好忙又累呢...幸好返到來家時發現收到日本寄來的小郵包...早前提及過同一位日本b媽有個交換會...而呢份就係佢送來的"交換禮物"啊~! 突然間開心晒~! 嘻嘻...好多謝kana san呢! 佢送比我的禮物有一條整得好靚嘅裙仔(佢真係車得好好呀!), 有幾塊好靚嘅布, 有一粒玫瑰花鈕, 另外仲有一封親筆寫嘅信...不得不讚日本人整嘅嘢...真係好美觀, 亦都好有心思...當我拆開郵包時真係有"嘩!"咗出來架~! 因為真係太開心, 亦都好驚喜, 收到咁多咁靚嘅禮物啊~! *^0^*
ブライス // コメント[9] // トラックバック[1] // Top

4月9日 小豬生日會+K聚 ： 2006.04.21[Fri]

今晚補寫返上兩個星期日的日記...哈哈...最近真係太多嘢整, 遲遲都未寫返呢一日嘅日記呢~! 當日我哋一行8人(我, 小豬, 小嘉, 娜娜女王, KETU, Cassidy, Nana, 加埋第一次出席我哋一大班女仔版聚活動嘅Nana老公Jason)...去咗尖東港晶Neway K-Lunch...一上到正門入口, 大家就發現一個好大嘅Unazukin照相佈景版啊~! 呵呵呵...大家都即時興起, 齊齊影相相...呢一張係Cassidy, Nana & 壽星女小豬的合照:

(正好有一個生日版Unazukin在正中間, 特別留返呢個位置給壽星女小豬呢!) Happy Birthday to 小豬~! *^0^*

由於係Lunch time K聚, 所以我哋由12點唱到3點...小bea2點幾才來到...而Anmary更是差不多3點才來到呢! 呢一次版聚...Nana好有心思專登預先帶咗親自整的生日蛋糕來...當侍應先生捧住生日蛋糕入來時, 真係比咗大家一個驚喜呢~! 因為Nana整的生日蛋糕賣相真係好好啊...好似在店舖賣果啲咁樣! 起初我仲以為係Neway送的蛋糕呢~!(因為通常如果客人當中有人生日的話, 佢哋都會送一枝香檳 & 一個生日蛋糕) 哈哈...記得上年12月K聚時, 又係在呢一間Neway, 當時佢哋送咗一個士多啤梨慕絲蛋糕...而今次Nana整呢個...係一個咖啡 + 朱古力層層蛋糕, 所以其實當時我在想 "點解今次呢個蛋糕好似有啲唔同嘅?! 定係佢哋不同時間會轉不同款式嘅蛋糕呢~?!" kakakak...後來大家才知道係Nana整的, 真係夠驚喜啊~! 謝謝Nana的心思...個蛋糕雖然好似食落有少少硬身, 但味道不錯呀~! 嘻嘻...本身我不太好咖啡 & 朱古力, 但我都食咗自己果件蛋糕嘅一大部份啊~!(如果我整的話...真係唔敢想像會唔會食得落肚喇...哈哈!)

在切蛋糕時, 有少少有趣事...大家講開一個同切蛋糕有關嘅傳聞, 小豬一直都唔知有呢一個傳聞 (其實我都係第一次聽見呢一個傳聞呢~!): 原來當自己生日要切蛋糕時, 唔可以一刀切到蛋糕嘅餅底架! 因為聽聞話...如果咁樣, 女仔就好似冇姻緣/桃花運咁喎~!(哈哈...就係因為咁, 小豬話唔怪之得咁多年都冇�彭躄岷�啦...因為佢以往都係一刀切到餅底...) 不過, 今次佢只係切咗少少...kekekek...小豬放心啦~! 今年桃花運應該會好返架喇~! *^0^*

3點K聚完之後...大家在Neway樓下企咗好耐都唔願走咁...因為大家都掛住傾計呢~! 其實唱K時, 又真係比較難一齊傾計嘅...而今次難得Cassidy又返咗來香港再同大家見面...所以都好多嘢傾呢~! 本來呢次K聚, 如果蚊子得�緑堙�, 就可以大家一齊為佢搞個歡送會嘅...相信如果蚊子也在場的話, 大家一定會傾得更多呢~! ^_^

由於當我哋在Neway差不多唱完K時, Anmary才來到join我哋...而我聽見佢到晚上才約朋友, 所以3點幾至7點呢段時間可以話係冇特別節目...難得佢果日出來同大家見面...而我之後又係冇特別節目...所以我同佢兩個人傾傾吓, 就打算再去第二場下午K聚~! 呵呵呵...不過呢次就係去Neway隔離冇幾遠果間, 有得唱日文歌的DoReMi Karaoke! 好開心小bea同小嘉都有興趣一齊同我哋再戰第二場呢~! 聽小bea說, 銅鑼灣有一間唱日文歌的Karaoke, 已經有得唱NANA電影版中島美嘉唱果首主題歌...所以我哋去到DoReMi時, 就睇吓佢果度嘅日文歌書有�弯群稜刑�, 發現都有呢首歌, 嘻嘻...真係好期待快啲唱啊~! 終於, 我哋入到房第一時間都係點咗呢首歌仔來唱...唉...誰不知...果首歌嘅MV真係太爆笑了...入面果個女仔真係打扮得令人好汗呢!!! (我同小bea一邊唱時, 又一邊同小嘉 & Anmary一齊笑) 個人認為呢個MV實在太過嚇人...影響晒唱呢首歌時嘅感覺呢~! -_-||| (哈哈...唔知大家有冇興趣下次再去時點來睇吓?! kakkakaka) 另外, 好開心發現到WaT的歌! 我點咗"僕のキモチ"來唱呢! 小嘉同Anmary就好開心發現到好多其他Karaoke都冇得唱嘅台灣歌...簡直好似發現新大陸咁...佢哋更笑說, 下次一定要推介比大家去果度唱K呢~! (唯一好可惜係NANA電影嘅另一首歌"Endless Story"冇得唱! 說真的, 我比較喜歡呢首歌呢~!)

7點第二場K聚完了之後, 小bea & Anmary都有事走了...我就同小嘉繼續一邊行街一邊傾計, 又一齊dinner, 謝謝小嘉陪我傾咗好耐呢~! 當日走咗兩場K, 我哋都飲咗4杯檸檬茶/檸蜜等等...hahah...就連dinner果時大家都係飲檸檬茶! 雖說檸檬飲品飲得多對胃不太好, 不過我同小嘉都一樣比較喜歡飲檸檬茶呢~! 除咗檸檬茶之外, 我嘅另一最愛係冇糖熱奶茶...不過聽說飲得多都係對胃唔好...^_^|||
日常生活 // コメント[4] // トラックバック[0] // Top

Happy Easter~! ： 2006.04.16[Sun]

4月13日、一晩で新しい洋服出来上がった！これは、Pinky Heartのkanaさんと交換会のために作った洋服です。モデルはNovaちゃんです。

4月13日晚, 一晚時間完成另一條新裙仔...今次第一次試整呢個款呢! 最近同一位日本b媽(Pinky Heart的kana san)決定大家來個交換會...今次大家都會親自整衫衫來作交換小禮物...另外也會交換少少布料...嘻嘻, 好開心又好期待啊~! 因為13日一早已經收到佢的email message, 說呢一兩日可以寄出小禮物過來給我, 所以當晚我決定快手啲完成好一條新裙仔來送比佢~! 因為佢似乎最喜歡粉紅色, 所以我揀咗呢一塊布來整衫仔~! 希望佢喜歡啦! *^0^*

（はじめてこんなデザインなワンピースを作ってみました！）




みなさん、Happy Easter~! *^0^*

この四日間、彼氏は東京から香港に来た。もうすぐお出かけします。だから、あまり記事を書く時間がないですが...（笑）それでは、またね！

男友在14日下午來了香港...呢幾日復活節假期都同佢一齊去睇結婚有關嘅嘢...一陣又要出街了...所以呢幾日冇太多時間寫日記呢~! (不過遲啲一定會補返啲日記嘅...因為我有帶海兒出街影相啊~!) 復活節快樂啊! ^0^
ブライス // コメント[11] // トラックバック[0] // Top

いちごちゃんの成長日記 ： 2006.04.16[Sun]

４月１３日、いちごちゃんはおさなごになった！(0^v^0)




10種類なアイテムをもらった：


友達KETUちゃんのメロ、梓ちゃんの草原にかわいいアイテムをもらってよかったね！*^0^*


いちごちゃんは自分のなまえも覚えましたよね！^0^


また、新しいアクションを覚えました：
Mero // コメント[0] // トラックバック[0] // Top

水玉ワンピース ： 2006.04.13[Thu]

今晩、またまた新作ワンピース出来上がった！最近買ったみどりx白い水玉と杏色の生地で、白いレスとピンクの花のボタンに合わせて、こんな簡単なワンピースを作ってみました。モデルは海兒ちゃんです。*^v^*






海兒ちゃん：バイバイ〜！

最近做咗熟手女工呢~!(笑) 哈哈...今晚又完成一條新裙仔啊! 今次係比較簡單的直身裙款, 拼了兩款新買的布, 再加上新買的可愛花花衫鈕配白色小花邊...完成品由海兒試穿~! 海兒頭髮顏色比較特別, 有時覺得幾難同佢襯衫呢! 今次新衫呢組顏色, 個人認為幾襯佢, 所以就搵佢做model喇~! (0^v^0)
ブライス // コメント[7] // トラックバック[0] // Top

イチゴ大好き! ： 2006.04.11[Tue]

さっきもうひとつ洋服出来上がった！最近買った大好きなイチゴか？さくらんぼか？小さい柄の生地で使って作ってました。昨日のモデルはSkate Dateの飄飄ちゃんでしたが、今晩のモデルはSuperior Skateの冰冰ちゃんにしてます！(0^v^0)


冰冰ちゃん：イチゴはおいしい〜！*^0^*
（冰冰ちゃんはイチゴ大好きだもん？！）




飄飄ちゃん: いっしょにイチゴ食べましょう？！

昨晚除了完成飄飄嘅新裙仔之外, 亦都整咗另一條新裙仔嘅一部份, 今晚放工返來抽少少時間完成好了~! 今次由冰冰做model...佢同飄飄兩個拍埋一齊影相似唔似�蠍�仔呢~?! 嘻嘻...最近真係好喜歡用呢隻花布做衫衫呢~! 好可愛啊~! *^0^*
ブライス // コメント[9] // トラックバック[0] // Top

三段フリルドレス ： 2006.04.11[Tue]

先週の土曜日夜、また、新しい三段フリルドレスを作りたくて、一晩で一番大変なスカット部分を手縫いして作りました。

上星期六晚突然好想用新買返來的布整新衫...於是花咗近4個鐘, 先完成層層裙的裙子部份...嘻嘻...今晚比飄飄當咗帽子咁試戴呢~! 睇睇吓, 又真係可以用來整帽子啊~! 呵呵! ^0^


飄飄ちゃん: お久しぶりですね！
（実はこのスカット部分もボンネットのフリルになれるかもね？！）

今晩、続いてほかの部分も作って...

今晚放工返家再繼續剩餘未完成的部份...


やっと２番目の三段フリルドレス出来上がった！うれしかったです！^0^


後ろは、こんなデザインです。今回はりかちゃんの型紙本からの型紙を使って、この洋服を作りました。^_^


完成品由可愛的飄飄試穿~! 今次同上次第一次整的層層裙在設計上有些少分別...今次試用另一款Licca紙樣而整成呢個效果~! 今次亦都冇上次咁多位置要縫(雖然都縫咗好耐...哈哈!) 今晚可以完成到第二條層層裙真係好開心呢~! *^0^*
ブライス // コメント[13] // トラックバック[0] // Top

4月8日 深水埗半日行 ： 2006.04.11[Tue]

上星期六因為想去買紅色絲帶...於是放工後決定要落深水埗行一趟...未去深水埗之前, 先落銅鑼灣宇宙船睇吓有冇特別嘢...最後我都係冇買到新細b就走了...行經SOGO門口, 見到有人拍嘢...細心看之下就見到�蟷�Soler啊~! 唔...佢哋真人好似唔係太高...同埋佢哋真係好似樣! (相反我的�蟒�好友Annie&莉莉人, 唔知點解我覺得佢哋唔係真係太似樣呢~!) 經過時只係望一望, 冇特別停低八掛...就再行去總統商場睇吓...點知果間賣Blythe店未開...anyway, 果間嘢賣的Blythe都頗貴...八掛一吓就走了~!

下午一個人行深水埗, 今次主要在南昌街一帶逛...行咗差不多兩個鐘都有不少收穫...買完嘢先返屋企附近食tea-lunch...果陣已經4點幾了...嘻嘻...有時一行起街上來, 好似可以連肚餓都忘了呢~! ^_^|||

星期六當日影咗一張最近的收穫相相:

(當中有啲係再早幾日之前响公司附近一間手工藝店買到的材料)

當晚我更用了其中一塊自己最近好喜歡的布來試整新衫呢~! (0^v^0)
日常生活 // コメント[6] // トラックバック[0] // Top

六合彩 ： 2006.04.10[Mon]

大家有冇買六合彩的習慣呢?! 我就一時時, 記得/有特別日子先會去買...唔記得/唔行開去馬會時就唔買...另外, 平時都會買開一些特定號碼(如自己生日, 男友生日等) 通常都係買6個字$5一注呢~! 剛才lunch time出去食飯, 行開去馬會投注站, 又買咗5期自選6個字的彩票...買5期係因為我懶得要次次行去馬會...^_^

話說上星期五適逢係復活節金多寶日子...頭獎如一注中就會有$3300萬啊~! 上星期四我就專登行去馬會買咗兩張電腦票, 一條買開的6個字($5), 另一條自選7個字($35)...係我, 媽媽, 妹妹&浠浠的生日號碼呢~! 當晚在家用電腦上網時, 聽到電視播中獎號碼時...發現原來我有一條中咗4個字啊~! 我好少咁幸運呢...以前最多都只係中過3個半字...

頭獎原來有3注中咗...不過冇我份...哈哈! 但每一次去買六合彩時, 我都仍抱有一個幻想, 可能今次會係到自己中了~! ^0^

因為我用智能咭投注的關係, 中獎的錢都可以在智能咭機睇返...其實我都唔係好知中咗4個字有幾多錢收返...因為我係第一次中4個字呢~! 哈哈! 後來睇返才知如果買$5而中4個字, 就會收返$320! 好幸運地, 中4個字的彩票正係我買咗的$35的7個字自選號碼...原來...買7個字而中4個字的話, 會有多啲獎金啊~! 剛才就係去馬會睇返中咗幾多錢...嘻嘻...真係好開心...一生人入面第一次中過千...有$1040呢~! *^0^*

我打算買一份復活節禮物送比浠浠...另外會請媽媽, 妹妹食飯...嘻嘻...因為中咗4個字就係佢哋3個的生日號碼呢~! 其餘的錢, 就撥入結婚基金啦~! ^_^
日常生活 // コメント[4] // トラックバック[0] // Top

3色鬱金香 ： 2006.04.10[Mon]

呵呵呵...剛在Sakura的草原拾到3色鬱金香種子比Ichigo啊~! 即時在Ichigo草原上轉為3色鬱金香花花先~! *^0^*

上個weekend都好忙, 好多節目...今晚放工返家才補寫日記啦~! ^_^

另外, 今日係糖糖 & 堂本剛的生日...Happy Birthday啊~! ^0^


Mero // コメント[1] // トラックバック[0] // Top

2007年香港公眾假期 ： 2006.04.07[Fri]

剛在yahoo網上新聞睇到一段明報新聞, 今日政府公布2007年香港公眾假期...其中清明節與復活節可連放五日呢~! 嘻嘻...雖然對於今年年尾會移居東京的我來說, 可能香港公眾假期已經沒以往一樣咁重要...但身為香港人, 就算身在海外, 點都要留意返香港啲大小事情嘅~! ^_^

以下資料來自hk yahoo明報網上新聞:

2007年主要紅日公眾假期

１月１日(１月１日,星期一)

農曆年初一之前一日(２月１７日,星期六)

農曆年初二(２月１９日,星期一)

農曆年初三(２月２０日,星期二)

清明節(４月５日,星期四)

耶穌受難節(４月６日,星期五)

耶穌受難節翌日(４月７日,星期六)

復活節星期一(４月９日,星期一)

勞動節(５月１日,星期二)

佛誕(５月２４日,星期四)

端午節(６月１９日,星期二)

香港特別行政區成立紀念日翌日(７月２日,星期一)

中秋節翌日(９月２６日,星期三)

國慶日(１０月１日,星期一)

重陽節(１０月１９日,星期五)

聖誕節(１２月２５日,星期二)

聖誕節後第一個周日(１２月２６日,星期三)

政府發言人說，由於二○○七年的農曆年初一適逢在星期日，因而將農曆年初一之前一日訂為�疂筝�眾假期；另由於二○○七年的香港特別行政區成立紀念日亦適逢在星期日，因而將翌日訂為�疂筝�眾假期。
日常生活 // コメント[7] // トラックバック[0] // Top

いちごちゃんの成長日記 ： 2006.04.07[Fri]

いちごちゃんは４月１日生まれてから、今日さらに大きく成長しました！*^0^*













»» READ MORE

Mero // コメント[2] // トラックバック[0] // Top

妹妹的bb仔"浠浠" ： 2006.04.06[Thu]

早排收到妹妹朋友為浠浠影的相相...佢部相機真係好得, 可以捕捉到浠浠的一舉一動...又喊又笑的樣子...都影得好清楚~! 雖然係2個多月前影嘅相相...不過睇返都覺得浠浠個樣冇�忱�...笑容一樣咁可愛~! 呢一張係我最喜歡的:

佢已經出咗8隻牙仔喇~!

呢幾日開始發覺佢可以自己起到身喇! 嘻嘻...第一次見佢自己站立起來一陣(都有幾秒架!), 突然間覺得好開心呢~! 佢腳仔都算幾有力, 呢幾日時常見佢自己用自己力量去企起身...不過佢仲未可以自己行路...(除非扶住梳化邊, 又或者我哋有人扶住佢手仔去行啦, 咁佢就可以行得好快!) 今日雖然係清明假期, 但我哋冇出街呢...全家人成日都陪佢玩...又叫佢"起身啦"! 哈, 佢一聽到我哋叫佢起身, 佢就好開心咁起身, 之後仲拍掌仔呢~! (嘻嘻...因為大家都讚佢叻叻, 起到身又企到...所以每當佢做到企身動作之後大家都會拍掌讚佢!) 而佢好似知道大家讚佢叻叻, 自己都好開心咁啊~! 佢自己都拍掌仔拍埋一份呢~! 1歲兩個多月嘅人仔, 已經不停講好多BB話...又爬來爬去, 有時扶住嘢企身行...相信佢好快就可以學識講嘢同埋自己行到喇~!

講少少趣事比大家知丫...佢最鍾意睇"瞬間看地球"啊! 其實好耐之前已經發現呢件事喇...總之每次電視一播, 佢就一定望實電視機!(最近仲會用手指指吓電視, 話比人知做緊呢個節目咁...) 試過有一次阿妹專登企在佢面前阻住佢望電視嘅視線...但佢聽到呢個節目嘅音樂, 知道電視在播, 所以佢點都要爬到去一個望到電視嘅地方去睇...哈哈! 真有趣! 不過有次阿妹朋友個手機鈴聲正係"瞬間看地球"音樂, 我哋起初以為佢一定會好鍾意聽架?! 點知...佢反而顯得好驚, 仲突然喊起上來呢~! 嘻嘻...唔知佢係唔係因為驚手機嘅"震"機, 定係佢唔接受到只得音樂而冇畫面呢~?!
日常生活 // コメント[5] // トラックバック[0] // Top

三段フリルワンピース ： 2006.04.03[Mon]

先月ドール・コーディネイト・レシピ２を買ったから、"いつか型紙を使って洋服を作りたいなぁ~!"っと思ったけど、ずっと本を眺めてるだけです。今日は初めて本の中の型紙を使って、今朝１０時から夜８時まで頑張って手縫いして、やっと難しそうな三段フリルのワンピ出来上がった！*^0^*

手縫い派仲間の涼花さんは、"このワンピ、手縫いだとちょっと大変でしたが, 出来上がった時はすごく嬉しかったですし, 着せた時はすごく良くて感動しましたよ〜"っと言いました。今晩は、わたしも涼花さんと同じようなうれしさと感動を感じましたね〜！一日中頑張って手縫いしたから、体と手がどんなに疲れちゃったけど、完成品を見るだけや、ブラちゃんに着せると、すごく満足で、うれしかったよね！^0^

Vanillaちゃんに着せてみます:






早排買咗紙樣書, 見今日得�虜濂�, 就試吓用書內嘅紙樣來做新衫仔! 整日由朝早10點幾開始整到夜晚8點(當然間中都有抖吓, 去食吓嘢), 終於完成好呢一條層層裙~! 真係好多嘢要聯...所以手聯整條裙都幾攞命! 我想整完一條就算喇...短期內都唔想整多條...>_< (哈哈...其實如果有衣車用來車裙邊果啲長邊線, 就真係會好好多喇~!) 不過完成果陣, 真係好開心呢~! 實在好有滿足感啊~! 呵呵呵~! ^0^ (呢條連身裙, 我自己改咗少少款, 就係冇用衫袖, 另外心口位置部份亦都冇跟書內嘅作品一樣, 而係改成自己心目中想整嘅呢個效果)

今次找來Vanilla試穿新裙...順便找來昨天買的一個小小復活節裝飾品(係一個籃入面有幾隻可愛小雞仔)作小道具, 一齊影相相啦~! 復活節都快來了...到時男友會來香港呀...嘻嘻...所以果幾日我未必有時間寫日記呢~! 而家寫定先, 祝大家有個開心復活節啊~! *^0^*
ブライス // コメント[20] // トラックバック[0] // Top

さくらちゃんの妹 いちごちゃん！ ： 2006.04.01[Sat]

今日はさくらちゃんの妹いちごちゃんの誕生日です! *^0^*


我が家のブライス"アリスちゃん"(I love you it's true)と"いちごちゃん"(Dottie Dot)も２年前の今日（４月１日）にお迎えしたんでしたね〜！"同じ誕生日だから、同じ名前でいいかなぁ?!"と思って、そして"かわいい赤いメロリンちゃんはおいしい苺みたいじゃない？！"（笑）とも思ってから、じゃ...さくらちゃんの妹ちゃんの名前が"いちごちゃん"に決めましたよね！^0^

いちごちゃんはひとりだちになる時、どんな姿になるのかなぁ〜？！遠い未来の話だけと、今もお楽しみです〜！ちなみにわたしは熊耳の姿が一番大好きですよ！


さくらちゃんも、いちごちゃんもお友達募集中です〜！みなさん、これからもよろしくね〜！

今日さくらちゃん多咗個妹妹啊~! 佢叫いちごちゃん...同我家DD囡囡"草莓"係同名 & 同一日生日呢~! 嘻嘻...我唔捨得把さくらちゃん二代進化...但又好想養到熊仔耳款mero...咁就唯有加多一個新成員, 希望佢將來可以變成我心愛嘅熊仔耳款啦~! 呵呵呵~! *^0^*
Mero // コメント[5] // トラックバック[0] // Top