小南の日記

プロフィール

Author:小南
誕生日:12/20
出身地:香港
現居地:東京

最近の記事＋コメント

月別アーカイブ

07 06 05 04 03 02 01 12 11 10 09 08 07 06 05 04 03 02 01 12 11 10 09 08 07 06 05 04 03 02 01 12 11 10 09 08 07

ブログリスト

ブロとも申請フォーム

この人とブロともになる

7月22日與Carly小聚： 2006.07.31[Mon]

前一個星期六中午放工後相約咗Carly一齊去銅鑼灣食tea & 行街~! 嘻嘻...小狼同朋友仔Lumi又可以見面了~! ^_^

小狼: 阿媽今日帶我出街歎下午茶啊~!

小狼: Carly姨姨的美食好似好好味呢~! *0*

小狼: 呢隻小白兔, 係我由日本嘅動物園帶返來香港架~! 係送比Carly姨姨嘅生日禮物呢~! ^0^

kekeke...Carly睇得太多漫畫了...佢可以即場作咗一個小故事:

原來呢隻小白兔係識得使用魔法呢~! *0*

轉個頭...小狼同Lumi都大叫: OH MY GOD!!! >_<

呵呵呵~! 原來小白兔貪得意, 施咗魔法作弄佢哋!

於是, 佢哋兩個就跪地請求小白兔幫佢哋還元!

最後, 小白兔見佢哋咁有誠意, 就完成佢哋心願喇~! kakaka XD

P.S. 我哋發現戴咗男仔頭假髮嘅Lumi, 好有潛質扮男仔呢~! *0*

心理壓力病： 2006.07.31[Mon]

真係唔好意思...本來今日要公佈1周年記念抽獎結果嘅...但由於呢個星期開始, 一直感覺呼吸困難...而昨晚更突然發作到好辛苦...搞到要家人陪同去屋企附近一間私家醫院睇24小時門診...經過護士check過血壓, 血氧等等, 以及醫生同我作少少檢查之後...佢比我嘅答案係: 心理壓力病! 而唔係身體真係有病...(但我真係有那種呼吸困難嘅感覺呢!) -_-|||

好彩昨晚去醫院時係半夜二點幾, 醫院內冇其他門診病人...所以那位醫生都好好人, 陪我傾咗好耐呢~! 佢話佢以前學醫時都有學心理病...佢問咗我好多問題, 我有大部份答案都中晒啲病徵...而之前護士幫我檢查時, 機器所顯示的數據都證明我身體上冇問題...所以醫生就幾乎100%斷定我係心理壓力影響之下, 令身體內部發出一種signal, 引致有呼吸困難感覺...

因為就算住院, 都唔會有咩幫助...而為咗令我安心去睡...醫生就提議, 開啲幫我放鬆精神及易睡嘅藥(我估係安眠藥吧?!) 等我返屋企可以食咗藥就安心睡...等第二朝起身時再睇吓情況會唔會好轉?! 由於佢話呢個係我嘅心理問題, 所以要為自己減壓及唔好想太多, 如果搵到壓力來源, 下次覆診時可以同佢講, 另外佢都比埋卡片我, 話如果我幾時有問題想搵佢傾都可以打電話去搵佢~! 感覺上, 聽過醫生的專業分析之後, 我都有少少安心咗啲...(因為之前一直擔心自己身體出現其他暗病) 不過由於呢個心理病可以話係冇藥食咗就冇事的, 所以一定要靠自己! 最搞笑係醫生話, 我未致於精神病咁嚴重, 因為起碼我知道自己有事...會識去睇醫生! (有嚴重病的人係可能會害怕出街, 整日收埋自己在家呢~!) 另外, 醫生都問過我一個問題...關於會唔會有時感到唔想繼續做人?! 哈哈...雖然近排我真係受到呢方面困擾, 令自己有時情緒低落...但我唔會走去自殺嘅~!

好多謝今日聽過我電話, 在msn聽過我傾訴的好友...好多謝大家比我嘅意見! 希望我可以慢慢冇事啦! 我會盡力好好生活, 希望每一天都開開心心~!

其實今朝起身之後, 感覺好返啲喇...而今日下午都有舉行到抽獎, 由我妹妹幫忙抽獎, 我負責影相做紀錄呢~! 不過, 之後跟咗家人去朋友家食飯(佢哋怕我自己一個人在家會有事) 所以返來之後都未有時間執相相...所以就留待明天晚上才公佈得獎結果啦~! ^0^

みなさん、ごめんね！昨晩は突然に病気があって、今日もあまり元気がなかったんですが、元々今日は１周年記念の結果をお知らせするけど、そんな原因で今日はお知らせできなくなって...でも、明日の夜にはお知らせするつもりです。待っててね！^_^

日常生活 // コメント[20] // トラックバック[0] // Top

メロ小狼くんの誕生日： 2006.07.28[Fri]

世代交代のために、新しいメロを育つことにしたくなってから...
今日はメロ小狼くんの誕生日にします!（≧∇≦）

みなさん、小狼くんと友達になってください~!

一直都有想過養多一隻mero(不是紅色mero)...打算用來玩"世代交代"嘅~! 嘻嘻...雖然係遲咗啲...但今日終於都決定養一隻新的藍色mero, 改名為"小狼"啊! (kekeke...佢係mero版小狼呢!) 歡迎大家同小狼做朋友仔啊! #^∇^#

btw, 其實呢個決定都幾突然...嘻嘻~! 話說今朝在小透的日記睇完佢家新生mero"肥豆"的記事之後...我就決定揀日不如撞日, 就今日養多隻mero啦?! 所以小狼同肥豆都係今日生日呢! kakaka XD

Mero // コメント[6] // トラックバック[0] // Top

momoko Doll as GAINAX Girls ： 2006.07.26[Wed]

好耐冇逛momoko官網了...最近一逛, 就發現到8月將會有以下呢3個crossover GAINAX系列嘅momoko登場! 由於momoko官網內嘅相相太細...於是我就八掛走去GAINAX官網睇, 搵到呢張大相:

1. ノノ（トップをねらえ2！）
2. 綾波レイ（新世紀エヴァンゲリオン）
3. ナディア（ふしぎの海のナディア）

仕様：身長約27ｃｍ・植毛・可動式ボディ・布製服
価格：各16,800円（税込）
発売日：2006年8月20日　ワンダーフェスティバル2006夏会場にて先行発売
資料來源: GAINAX官網

3個入面, 我覺得娜汀亞最似樣啊! 服飾及動物同伴公仔都造得好正呢! 真係好搶鏡~! *0* (不過16800yen就真係貴咗啲...-_-|||)

ももこ // コメント[10] // トラックバック[0] // Top

配音員： 2006.07.26[Wed]

今朝聽電台節目時, 得知香港的一位資深配音員於幾日前離世...原來那位就係陪伴咗全香港咁多叮噹迷十幾年, 為大雄配音嘅盧素娟女士...(之後我上網睇新聞就睇到有關報導) 而為叮噹配音的林保全先生, 聽見這位多年來嘅拍檔先要離去, 被問及感受時, 佢就感觸地說: "有點唏噓，大家已經合作了那麼多年，相信再為多啦A夢配音時，一定會懷念這位好拍檔!"

其實早前叮噹要改名做多啦A夢...那時都覺得感覺怪怪的(雖然原本佢在日本的名稱真係叫Doraemon) 而咁多年來, 聽慣咗佢哋兩把聲配大雄和叮噹...如果將來由另外一個人來配大雄把聲...可能感覺更怪吧?! 雖然如此, 其實這對我來說又不是好大問題嘅...因為自從返工之後都好少機會睇到在早上/下午才會在電視上播的多啦A夢了~! 反而現在逢星期六晚深夜播的動畫, 我就有機會在家睇到~! :P (btw, 唔知最新那套多啦A夢大動畫, 由邊個為大雄配音呢~?!)

自小已經好喜歡睇日本卡通片...細細個果陣, 隨咗因為喜歡睇卡通片而發展咗畫公仔嘅興趣及喜歡上日文之外, 那時我也曾想過, 大個之後有機會做吓配音員都唔錯啊~?! 如果可以配到一個自己喜歡嘅卡通角色, 真係一件好興奮嘅事呢~! (妄想中) 當然...最後只係得個"想"字啦~! 因為我覺得自己把聲冇咩大變化, 又冇咩聲氣...最重要係我唔可以好似專業配音員咁厲害, 可以扮聲呢! ^_^|||

相信和我一樣有相同集體回憶的叮噹迷...都會懷念這位大雄吧?!

[5pm New Update]
剛在網上睇到有關盧素娟女士曾配音的角色:

參考資料

睇返以上資料, 發覺除大雄之外, 當中其他動畫角色如火野麗, 柯南, 風見車人, 杜拉格斯, 遙大地, 姆明, Pasu等等...我都好喜歡呢!

日常生活 // コメント[10] // トラックバック[0] // Top

矢澤家族漫畫版(草稿完成圖) ： 2006.07.24[Mon]

剛剛畫埋其他家族成員入畫...暫時算係完成了呢一幅漫畫版矢澤家族大合照嘅草稿! 嘻嘻...大家再來估吓邊個係邊個?! ^0^

唔知將來會唔會再有新成員加入我哋這個大家族呢?!

這一張A4白紙入面已經畫滿了一大部份...不過最上面仍有一行空位...如有需要的話, 都可以再加多一行人嘅~! :P

アート・漫画 // コメント[17] // トラックバック[0] // Top

日式禮服： 2006.07.24[Mon]

今晚終於收到男友send來的其他相相喇~! 由於動物園的相相太多了, 所以遲啲先執吧?! 嘻嘻...今晚就暫時執住7月15日所試穿嘅日式禮服嘅相相, 放上來同大家分享一下啦~! (0^v^0)

當日試穿過5-6款"白無垢"...呢件櫻花圖案的"白無垢", 係第一件試穿, 亦都係最後揀咗的那一件呢~! 幫我試身的staff小姐, 覺得可愛的款式比較和我合襯, 所以佢第一件就推介呢件比我喇~! 雖然男友阿媽說另一件個圖案好睇啲(其實那件都好靚, 但我又覺得那件有點成熟感覺), 不過相比之下, 我覺得都係櫻花圖案可愛啲! 所以揀來揀去, 最後都係揀咗呢一件! 嘻嘻...男友都係最喜歡呢一件呢~! #^_^#

btw...和服真係好重呢~! 第一次試穿上身, 感覺好像"咩"住一張棉胎咁重呀~! 雖然我揀咗呢套"白無垢"已經算係咁多件之中最輕的了...但都有點擔心正式婚禮當日穿住和服行路時, 會有不小心場面呢~! ^_^|||

之前都提及過...我哋在神社訂結婚package時, 已包括埋禮服的...而其實原本package內只係包括兩套免費禮服啊~! (新郎及新娘都係有日式及西式各一套) 當日揀衫時, 由於佢父母都有在場比意見...就係因為咁...我就無啦啦多咗一套額外的日式禮服喇~! 因為佢媽咪話, 記得之前佢哥哥結婚時, 早上在神社行禮的時候, 阿嫂就穿"白無垢", 而在中午宴會開始時, 阿嫂進場果陣就改穿住一套彩色和服出來呢! 佢媽咪認為多穿一套彩色和服, 好像冇只係得兩套都係白色的禮服咁單調...所以即使另外加租多一套和服係要花多啲錢, 都值得咁話喎~! ^_^

試過好幾套彩色和服...最後揀咗呢套紅色的, 好喜歡佢嘅圖案呢~! ^0^

其實當我睇到啲禮服上面嘅牌子, 真係有點嚇親啊~! 雖然一早都估到和服係好貴...但竟然連西式禮服都唔弱! (一套婚紗平均都要二十多萬日元租金呢~!) 不過論最貴嘅...都非彩色和服莫屬喇! 呢套彩色和服嘅牌子上面寫住, 一日嘅租金係大約五十幾萬日元! 幾萬元租一套和服...真係想像唔到如果要買的話會係幾錢喇~! 哈哈! ^_^|||

幸好先前我揀咗嘅"白無垢", 租金係呢套彩色的大約一半...所以那位staff小姐就說, 可以將彩色呢套當係package內的免費禮服, 而我哋只須要另外付"白無垢"的一半租金就可以喇~! (因為佢哋公司可以比客人50%折扣於額外加租禮服上) 這真係太好了~! 但雖然如此, "白無垢"的一半租金都要十萬日元呢~! >_<

最後送上當日試穿過的其他和服嘅相相:

每次試穿之後, 男友都為我拍照留念呢~! ^_^

P.S. 今次只係好簡單咁試穿和服, 仍未配戴埋其他配件啊! (如腰帶, 頭飾等等) 期待8月尾再去神社時, 可以試穿整套和服及拍照啦~! ^0^

日常生活 // コメント[29] // トラックバック[0] // Top

思春期のいちごちゃん： 2006.07.22[Sat]

前に思ったとおり、いちごちゃんの色が変えなかったんですね！赤はいちご色だから！〈笑）

如我所料...いちごちゃん真係keep返紅色! (襯晒佢個名"草莓"呢~! :P)

Mero // コメント[0] // トラックバック[0] // Top

矢澤家族漫畫版?! ： 2006.07.21[Fri]

好耐冇畫公仔了...難得今日有心情, 就花啲時間起草稿畫吓嘢~!

送比大家睇吓我今日嘅手痕之作...未完成版嘅矢澤家族:

嘻嘻...大家估唔估到邊個係邊個~?! btw...仍有幾位矢澤家族成員未入畫呢~! :P (P.S. Click入去就會見到大圖...建議大家將大圖save在電腦之後再打開來睇, 會睇得比較清楚呢! ^_^)

日後有時間我會完成埋呢幅畫...到時再送上完成版比大家睇啦~! 不過未必畫得好似...所以請大家不要太期待啊! kakaka XD

アート・漫画 // コメント[7] // トラックバック[0] // Top

さくらちゃんの1st Birthday! ： 2006.07.20[Thu]

さくらちゃん今日一歲大了~! 嘻嘻...今日收到官網特別送來的信...祝賀佢一歲生日快樂啊! 唔知大家的mero幾時一歲生日呢~?! 在生日當日, 記得留意一下mero房間內嘅電視機啊! 會閃吓閃吓架! hohoho #^0^#

今日はさくらちゃんの誕生日だよね！１歳になったよ！
お誕生日おめでとうね～！(0^v^0)

さくらちゃんとキラキラのテレビ

Mero // コメント[2] // トラックバック[0] // Top

東京之旅的小收穫： 2006.07.20[Thu]

今次的東京之行...只有上星期五同mayo小姐出街當日有買過嘢之外, 其餘日子因為忙於搞結婚事情所以都冇特別去行街買嘢呢~! 起初同mayo小姐相約meeting去DisneySea嘅...後來上星期四晚到達男友家之後再check email, 收到佢reply說不如去距離大家居住地方近一點嘅"多麼動物園"那兒會比較好呢?! 我未去過那個動物園...所以都好期待動物園meeting啊! 因此, 上星期五我哋改咗去動物園喇! (to 糖糖: 唔好意思呀...因為冇去迪士尼, 所以幫唔到妳買那些頭飾啊~!) 動物園嘅相相正在男友嘅電腦內...又要等佢weekend得閒send過來比我, 才有得post比大家睇喇~! 當日在動物園內買咗一隻北極熊毛公仔, 打算送比妹妹嘅bb仔浠浠! 平時佢已經好喜歡拿我家中一隻北極熊毛公仔來玩架喇...今次多咗一隻...佢一見到就好開心呢~! (嘻嘻...舊果仔就變為bear-bear大哥...新來呢隻細少少, 成為bear-bear細佬) 另外都有買少少嘢...其中一樣係特別送比Carly嘅生日禮物~! hohoho #^0^#

由動物園搭火車回男友家, 真係好近及好快呢! 返到佢家附近的車站時大約5點幾6點了~! 由於男友當日去咗京都工幹, 要8點左右才返到家...所以佢當日早上就同我講, 如果我去完動物園之後, 就可以自己返家先, 而佢工幹完就會直接返家啊! (因為佢媽咪那個時間一定會在家...那就唔怕我返到去時摸門釘呢~!) 車站附近有一間小書店...我見時間尚早, 就在那書店逛逛...睇吓有冇新漫畫, 雜誌等等~! 就在入書店前, 發現咗書店門口有一部新奇嘅機...抽的東西竟然係新推出嘅NANA咭!!! (第一次見到扭"大咭"機呢~!) 咭的size大約係A5-size...咭內有一啲sticker...全套一共有4款(每抽一張要入200yen), 就係呢4款喇:

第一張先係抽到娜娜, 之後就到奈奈...第三張係BlackStones...最後係Trapnest! 哈哈! 我發覺佢好似係有規律性的排了4款咭的次序呢~! 所以我相信再抽第五張嘅時候, 應該會出返娜娜那款吧~?! 因為機身可以睇到全套4款咭嘅sample, 所以我抽完4張之後就冇繼續抽了~! (而且抽完之後, 銀包內的100yen硬幣都花光了呢~! :P) 好開心抽到呢幾張靚靚咭...之後入書店睇吓雜誌...臨走之前買咗一本新出嘅漫畫TSUBASA(第15期)! ^0^

當日玩到成身大汗, 返到家之後立即就去沖個涼~! 由於當日早上同男友一齊在行去車站時, 在趕時間之際...我又穿住涼鞋...唉~! 中途一不小心就跌倒在地(很久也未試過跌得咁厲害了!)...右邊褲腳的膝頭位附近穿咗一個洞...一看之下, 右邊膝頭附近係整損咗(有少少流血)...左腳膝頭都一樣損咗少少...就算貼咗膠布, 但當沖涼時啲水一流到傷口位置時, 真係覺得好痛呢! >_< (而家傷口埋咗, 不過仍有點痛, 但總算好返啲喇~!)

日常生活 // コメント[9] // トラックバック[0] // Top

7月15日 & 17日去神社揀禮服： 2006.07.20[Thu]

東京方面, 由於我哋訂咗舉行婚禮的地方"原宿東鄉神社"那兒的package係包括埋禮服的...而我哋最起碼要3個月之前去揀定禮服...所以今次去東京, 主要就係去揀禮服~! 我哋分咗兩日去, 每日大約都要花4個鐘時間揀衫及試身...15日就係我揀禮服(兩套和服及一件婚紗), 17日就係佢揀禮服(日式禮服及西裝各一)及那兒的staff小姐幫我set頭 + 配襯accessories! 嘻嘻...第一次在日本試身試咁耐呢~! 那邊的service的確好好啊~! 幫我哋試身的小姐都好nice呢~! ^_^

日本的婚紗好靚...但亦都好貴呢! (幸好package已經包埋~! :P) 嘻嘻...我先後試咗5-6件...最後揀咗一件係有一啲花紋圖案嘅! 因為身材高少少的話穿起婚紗上來好像比較好睇, 所以staff小姐拎咗一對有11cm高的白色高根鞋比我穿...真係第一次穿啲咁高嘅鞋...感覺幾唔慣! (其實真係好驚行行吓會不小心跌低呢~! ^_^|||) 男友揀衫就比較快...因為來來去去都係近似的西裝/禮服款...主要係揀顏色先...最後佢揀咗米白色!

當日我哋揀好禮服款式, 試穿禮服時那位staff小姐都有幫我哋影相啊! 後來我才知道, 原來佢哋公司在客人臨走之前, 隨咗負責的staff會同客人講解一吓禮服的事宜之外, 還會附送幾張當日影的相相比客人留念呢! 真係好細心嘅服務呀! 雖然我哋都有帶相機去影相...但我都好開心收到佢哋print出來送比我哋嘅相相呢~! (0^v^0)

P.S. 那兩套和服(白無垢及紅色和服)嘅相相...等男友在weekend得閒時send過來比我, 才再post上來啦~! #^v^#

日常生活 // コメント[34] // トラックバック[0] // Top

返來了! ： 2006.07.19[Wed]

昨晚返咗來香港了~! 今次6日的東京之行...真係好忙好忙呢~! 基本上只有上星期五一日, 有自由時間(當日我就同mayo小姐來個娃聚)...其他日子都係同佢一齊去搞結婚有關嘅嘢...如果只係同佢一齊都好啲! 可是連續幾日佢媽咪都跟埋一齊...有兩日就佢爸爸都一齊來...唉~! 某程度上都覺得有點不自在! 不過因為我哋呢幾日係去揀結婚禮服 & 睇屋...所以佢哋一齊來幫吓眼, 比意見都好正常嘅...但去睇屋果日, 大家都有不同意見...之後又發生咗小小事情, 而之後果一兩日佢媽咪成日都搵機會(當只有我同佢兩個一齊嘅時候)不停用日文來向我說教, 我覺得真係有點不耐煩! 聽唔明佢講咩都還好丫...可是我知道佢同我講咩, 所以感覺不太自在! >_< 哈哈...後來我同男友講起呢件事...佢就笑說: 都係唔好同佢哋一齊住比較好呢~! (其實男友一早就決定要搬出來住了!) :P

經過今次去睇屋之後, 突然強烈感覺到日本同香港在生活及文化上嘅不同...似乎日本人夢想嘅家, 都係有自己一間屋, 有小花園/車位...而且不太介意地點偏僻及寧靜...可是我絕對不習慣住在那些山丘上的偏僻小屋住宅群, 當我想像到自己單獨出街去買嘢的話, 真係超唔方便呢! (況且我不喜歡上落斜坡) 男友喜歡住屋...我卻習慣住大廈(而且要方便出入, 方便買嘢的)...可是日本普遍的居住環境, 如果要揀住屋的話, 都唔係我想像中咁方便呢! 幸好星期日當日一整日去睇過的十多間屋入面, 都冇咩理想的屋...隨咗有一間係所有之中比較好的...而且幾乎想買了! 可是最後在種種因素之下, 男友決定不買那屋了! 佢覺得那地方雖然都近東京都市中心, 返工都算方便, 可是地區是神奈川而不是東京都...還是在東京都另一個近市中心嘅地區搵過更適合的新居比較好呢! (嘻嘻! 佢始終都係喜歡東京都地區呢!) 我同男友說過, 我最注重地點方便問題...佢考慮過我可能未必適應到新生活, 所以最後改變主意...可能起初都係租apartment住先...日後搵到理想嘅屋才改住屋吧~?! 我笑說, 不如就在青山區(佢公司附近)搵新居吧~?! 那麼佢就可以晚晚返來一齊食晚飯, 就算公司工作好忙, 都可以抽到時間返一返來吃完飯再返回公司繼續工作都冇問題啊! (唉! 理想還理想...實際上市中心地區內比較大的apartment單位嘅月租都好貴的呢~!) 8月尾再去東京時...我哋又要再去搵新居了~!

今晚放工返家執好相相之後...再同大家分享我哋在東京揀結婚禮服當日, 試穿禮服時所影嘅相相啦~! (0^v^0)

日常生活 // コメント[12] // トラックバック[0] // Top

出發： 2006.07.13[Thu]

每次臨去東京之前那一晚...總係執行李執成晚(而且係通宵冇得瞓! >_<) 哈哈! 今晚又係咁...不過今晚好少少...而家3點, 已經執好晒! 都係去休息兩個幾鐘先, 之後5點幾起身就要搭車去機場喇~!

下星期二(18日)晚才返香港啊! 嘻嘻...大家不用掛我了~! 呢6日可能冇咩時間寫日記...因為始終唔太習慣用男友的手提電腦呢~! ^_^||| (不過間唔中都會上網睇吓嘅~! :P)

男友請咗半日假, 所以佢明天會來接機呢~! 不過星期五佢要返工...而且要出trip去京都見客...夜晚7-8點才返回東京! 雖然我都好想再去京都呀! 不過即日來回其實都好趕呢! 而且在佢見客期間, 我又要自己一個人...另外, 新幹線車費真係好貴啊! 所以我決定咗留在東京打發時間!

嘻嘻...好彩我在呢兩日內成功約到上次見過面嘅日本b媽mayo小姐一齊出來Blythe + Lati聚! 佢嘅Lati小朋友就係最早期嘅Special Coco(限量10個, 黑色裙仔那位)! 小狼好開心...因為又可以識到新朋友仔呢~! ^0^

小狼: 她約我去迪士尼啊~! #^v^#
(kekeke...我哋約咗星期五一齊去DisneySea呢~!)

明日また東京へ行きます！（7月18日までに東京にいます。）今回は、東京で結婚の準備のために行きますから、忙しくなるかもね～？！そして、金曜日には、お久しぶりにブラちゃん仲間mayoちゃんとプチオフ会遊びに行く予定ですね！とても楽しみですよ～！#^0^#

日常生活 // コメント[21] // トラックバック[0] // Top

ブログ1周年記念プレゼントのお知らせ： 2006.07.09[Sun]

「小南の日記」は去年の7月から始めまして、初記事は7月4日で書きました。　あっという間に、1周年を迎えるんですよね！ブログを開設してから、たくさんの香港や台湾や日本のブライス仲間と交流が出来て、本当に嬉しかったです！

いつも「小南の日記」応援していただいてる皆さん、どうもありがとうございました！今週は、そんな感謝の気持ちをこめて、1周年記念プレゼントが出来上がったよ！(0^v^0)

1周年記念プレゼント内容

受付日時：2006年7月9日～7月23日
結果発表：2006年7月30日

今回の手作りプレゼントは全部ワンピースです。（いつもワンピ作るばかり...笑）プライスやプチブライス、ももこやLati、それぞれのワンピ、そして、かわいいなプチグッズもご用意しました。好きなコースを選んで、応募してください～！^0^

Aコース - 1名
プライスワンピース1

Bコース - 1名
プライスワンピース2

Cコース - 1名
プチプライスワンピース

Dコース - 1名
ももこワンピース

Eコース - 1名
Lati (Yellow Line) ワンピース

Fコース - 1名
かわいい木製の小物入れ

残念賞 - 4名
アヒルちゃん

当選された方は合計10名です。

Aコース～Fコースの中に、ご希望の一つのコースを明記して、メールからご応募下さい！皆さんからのご応募お待ちしておりますよ～！^0^

唔經唔覺已經寫咗blog一年了~! 為咗多謝大家對本日記一直以來嘅支持...特此在今個月舉行一周年感謝抽獎活動! 以上為咗方便日本朋友了解詳情, 所以打日文為主先~! 現在寫返有關抽獎活動嘅中文詳細內容作少少補充! 相相不重post了, 請大家參照上面的相相及說明啦~! (嘻嘻...相信大家咁醒目, 一定明白嘅~!) ^_^

1周年紀念Presents ： 2006.07.09[Sun]

為咗本日記嘅1周年紀念...今次特別預備咗一個大抽獎活動來答謝大家一直有來支持及留言嘅朋友仔! 嘻嘻...呢個星期就每晚抽啲時間及今日全個下午+夜晚動工整衫...而今晚在睇波之前總算完成晒各個部門所有禮物~! (雖然唔算係特別嘅衫衫款式, 但希望大家喜歡呢份小小心意啦~!) ^_^

先來一張全體合照, 比大家預覽一下:

由我家仔囡做model, 示範比大家睇嘅各部門嘅禮物~! ^0^

勞動咗一整日去整衫衫, 加埋捱夜睇波...而家係時候去sleep喇~! 今日瞓醒覺之後, 才繼續開新記事同大家公佈呢次抽獎活動嘅細節啦~! :P

Blog周年紀念 // コメント[17] // トラックバック[0] // Top

半精彩的季軍賽： 2006.07.09[Sun]

剛剛睇完季軍賽, 德國3:1贏咗葡萄牙! YEAH!!! ^0^

點解我稱之為"半精彩"?! 哈哈...主要係因為今次係第一次上網睇波...但因為係國內網站CCTV, 講波的全都是講國語 (即時少咗一份投入感 & 有時更唔係好知佢哋講咩...^_^|||) 而且...那個直播嘅畫面係超細的! (同屋企嘅電視畫面相比上來, 細咗一大截) 雖然係睇得冇咁清楚...但總好過冇得睇咁啦~! 所以精彩度減咗一半! (re小嘉: 謝謝妳之前留言話我知ATV可能有得播呢場季軍賽...不過我開住ATV一直等到3點之後, 都唔見佢播...既然都等開, 所以放棄咗電視之後就試吓上網睇吓有冇得睇喇~! 嘻嘻...點知又真係搵到個網, 可以睇到呢場直播, 真係好開心呢~!)

總括來說, 呢場係一場精彩嘅比賽! 上半場大家打成0:0...而下半場十幾分鐘時, 就由德國隊7號仔在遠處射入咗一個靚波, 先打開紀錄! (佢在之後也射入咗第三球, 一樣係遠處靚波!) 而第二球就比較搞笑...因為係葡萄牙一個後衛在解圍時射入咗自己龍門嘅烏龍波...果球之後, 對葡萄牙來說可以話係幾大影響...因為在德國隊入咗第一球之後冇耐就出現呢個烏龍波, 令到比數在剎那間變為2:0...而當德國隊入埋第三球之後, 本來還以為葡萄牙隊就此都幾乎放棄的了, 點知睇見佢哋仍然好進取, 好積極去踢及去攻門 (唔係冇晒心機, 懶懶閒咁)...呢一刻我覺得其實佢哋都好落力呢! 呢種態度係好值得鼓勵嘅~! 佢哋嘅努力都冇白費到...在完場前冇耐之前, 就因為佢哋有一次把握到機會, 就令葡萄牙隊成功破蛋! (取得1球入球) 先唔好對其他本來不太喜歡的國家隊抱有偏見...就以今晚睇到佢哋咁比心機對待比賽, 已經令我有一點感動! (雖然我係心想: 哈哈! 既然德國隊都一定贏架喇...就比一球你哋追返都冇所謂啦!) 有時覺得, 比賽過程及球員那種對足球嘅熱愛及堅持, 相比起最終的輸贏, 來得更精彩更重要呢! ^_^

最開心臨尾有得睇埋頒獎禮! 見到全隊德國隊員及奇連士文上台領獎果一刻, 真係開心到好似自己上埋台一齊去領獎似的(笑)...好興幸今晚有上網睇直播呢! 嘻嘻...不過星期日晚都一樣會睇返電視播嘅精華片段啊~! :P

日常生活 // コメント[2] // トラックバック[0] // Top

七夕： 2006.07.08[Sat]

因為我家第一隻meroさくらちゃん係上年嘅7月20日生日, 所以上年我就錯過咗mero七夕了! 嘻嘻...好彩今年仍有靚靚嘅七夕背景呢! 整日都可見願望竹出現在草原上...而到了夜晚, 美麗嘅銀河就出現了~! 可是見唔到牛郎同織女啊! (唔知最大果兩粒紅色及藍色星星係唔係就已經代表咗佢哋呢~?!)

Mero官網真係多搞作! 今年嘅七夕, 就整多個集體許願活動:

大家可以隨意在願望竹上的紙條上寫上願望呢~! ^_^

Mero // コメント[2] // トラックバック[0] // Top

Klinsmann is the BEST! ： 2006.07.07[Fri]

最近在Anmary日記發現一個超正的奇連士文短片介紹! kekeke...我都忍唔住要轉貼在呢度同大家分享一下! 因為奇連士文係我第一個開始喜歡的球星呢! 計計埋埋都支持咗佢十幾年了~! ^0^

希望佢決定留任, 繼續做德國國家隊教練就好喇~!

日常生活 // コメント[0] // トラックバック[0] // Top

永遠支持德國隊! ： 2006.07.05[Wed]

昨晚通宵睇波...今早偷咗兩個幾三個鐘時間睡一睡...之後仍然要9點前彈返起身去返工! 至今仍然在呆呆滯滯 + 心情不佳的狀態...嘻嘻! 雖說有點想吃炒意粉來發洩一下(笑)...不過今日冇咩胃口...>_<

最近因為上網留意開世界杯新聞...間唔中都會在世界杯討論區八掛一下啲球迷傾嘅話題...其中感覺有好多人都好冇品, 講啲嘢都處處針對人/自己不喜歡嘅球隊...而今朝就見到一個新話題, 說什麼"德國隊收皮!"...未免太過份吧~?! 今場德國隊輸咗波, 都唔洗講啲咁風涼嘅說話吧~?! 冇品人真係討厭! 唔該大家睇吓德國隊員在今場輸波後的風度吧! 我絕對討厭果啲開心得來冇品嘅人!

我知道可能身邊好多朋友及網友都不喜歡/討厭德國隊及奇連士文...亦都有啲係忠心意大利球迷, 在今場贏波之後覺得好開心...在日記內或許都紛紛寫了對意大利贏波嘅喜悅...但我不會因為同朋友的立場不同, 而改變我的立場, 我依然係德國隊的小小忠心球迷...在遙遠的香港都仍然會默默支持佢哋的! 雖然...在睇到支持意大利的球迷們在熱烈慶祝意大利贏咗嘅同時...我都係仍然帶點不甘心及傷心...不過相信經過今次失敗之後, 德國隊可望有更美好嘅將來啊! 各位同我一樣都係德國球迷嘅朋友/網友, 世界杯還有季軍賽的...請一齊繼續支持德國隊吧!

~發洩完畢~ (笑)

btw, 今日逛小巫留言版時, 好開心發現原來小巫都係支持德國隊的~! :P
(不過真係估唔到小巫那麼不喜歡意大利隊呢! 佢有幾不喜歡?! 嘻嘻...去佢嘅留言版就知點解架喇~!)

P.S. 非常歡迎志同道合嘅德國球迷來留個言啊! ^0^

日常生活 // コメント[11] // トラックバック[0] // Top

冇喇...冇喇...>_< ： 2006.07.05[Wed]

竟然比意大利在最後幾分鐘射入! 唉...真係好傷心...(今晚又再一次為德國隊及奇連士文而傷心...>_<) 不過今場相方都好盡力, 大家都踢得好好架喇~! 絕對係一場精彩嘅賽事! 可恨德國隊未取得入球...(而且意大利最尾果球又真係射得好嘅...)

明日果場希望法國贏到啦! 咁之後總決賽係法國對意大利就會好睇喇! (到時邊一隊贏都冇所謂喇~!) 哈哈...葡萄牙就由德國來收拾吧! ^0^

德國隊, 2010年世界杯在南非再奮鬥過啦! 到時希望見到你哋以比今年更佳嘅狀態及表現上場...再次捧到世界杯啊!!!

日常生活 // コメント[5] // トラックバック[0] // Top

1周年紀念： 2006.07.04[Tue]

上年的7月4日..."小南の日記"嘅第一篇記事誕生了~! ^0^

其實當日之前一兩日, 我已經申請咗呢個日記啊! 不過當時我花咗一整晚時間, 慢慢研究呢個日記點樣運用...在成功搞掂好個版面(作少少customize) & 加入自己喜歡的blythe囡囡相作為blog top image之後才正式寫第一篇記事呢~! ^_^

日記開站至今, 得到越來越多朋友仔來留言...當中既有本身已認識嘅朋友, 亦都有完全不認識嘅朋友, 以及一眾香港及海外娃友...可以同大家透過呢個日記來傾計, 真係好開心呢~! 為咗答謝大家一直以來嘅支持...昨晚我就開始動工整嘢! (不過還未完成好呀! 未能影相及放相上來比大家睇! :P) kekeke...或者今個weekend就會公佈詳情, 請大家耐心等待呢~! 呵呵呵!

日常生活 // コメント[10] // トラックバック[0] // Top

プチ部オープン記念豪華プレゼント祭り： 2006.07.04[Tue]

プチ部オープン記念豪華プレゼント祭りの特設サイト、さっき公開しましたよ！サイトはこちら：

http://lemorina.moo.jp/petite_club/matsuri01/index.htm

とてもかわいいなサイトですよね！(0^v^0)

日本的Unofficial Petite Blythe Club "Petite部"自今年6月重新開站以來, 最近管理人Megyu小姐首次搞咗一個大型抽獎活動, 以慶祝新生"Petite部"重開! 獎品方面, 隨咗Megyu小姐會提供一部份之外, 其他的豐富獎品都係來自其他會員啊! (呢方面在較早之前佢已經在部內發表新聞公告, 招募獎品呢~!) 有興趣提供獎品的會員可以各自準備獎品...然後影一張獎品的相相email比Megyu小姐...以方便佢可以收集晒所有獎品的資料, 一次過在呢次抽獎活動開始時同大家公告! 而公告方法, 就係Megyu小姐特設咗一個website, 專門介紹所有獎品~! 嘻嘻...獎品真係好豐富呢! 有啲仲好吸引添! 不過呢個抽獎活動都係只限於已經參加咗"Petite部", 成為咗會員的朋友仔~! 大家有興趣可以去睇吓以上果條Link呢~! Megyu小姐整的website版面, 整得好可愛啊~! ^0^

ブライス // コメント[0] // トラックバック[0] // Top

小花豹來了! ： 2006.07.03[Mon]

昨晚我家其中一個細囡突然好開心喎! 因為太開心了...所以佢話要影返啲相相來賀一賀! kekeke ^0^

(點解開心?! 因為有新嘢用囉! 呵呵呵!)

»» READ MORE

ブライス // コメント[7] // トラックバック[0] // Top

預約註冊的小插曲： 2006.07.03[Mon]

上星期六我在網上辦理咗結婚註冊預約, 而今日就要send fax去確認登記...另外, 原來到兩個星期之後, 我要親自去婚姻註冊處進一步辦理登記手續, 揀婚禮舉行時間等等...哈哈! 不過昨日我係睇返預定註冊的"確認通知書"之時, 才知道兩星期之後要親身去註冊處嘅事! (呢件事好重要, 如果當日雙方都冇人可以去辨手續的話, 那麼預約就會被取消呢!) 之不過...7/15當日我正身在東京呀! ^_^|||

幸好今早我立即打電話去沙田的婚姻註冊處詢問...果度的職員及主任知道我有呢個情況, 經過一番商量之後, 最後佢哋批准我媽咪在7/15的預定時間內代表我去交我哋嘅個人身份證明副本及幫我哋揀定10/15的婚禮時間先...到我返到香港之後, 才親自再去果度辦理其他手續! 不過佢哋要我出示機票的copy來證明我當日不在香港呢~! 嘻嘻...幸好呢張機票係相比起上網預約日期之前, 一早在5月尾時已經confirm booking的呢~! 所以佢哋都接納我呢個特殊情況~! ^_^

太好了~! 而家真係安落晒! (其實昨晚我都為呢件事而有啲擔心呢~! 今次得到特別批准, 都算好好彩啊!) ^0^

日常生活 // コメント[9] // トラックバック[0] // Top

7月1日初次去Annie新居： 2006.07.03[Mon]

早幾日同孖女約定, 星期六下午我哋去Annie(孖女姊姊)新居果度反~! 因為之前果晚深夜Annie同佢未來老公在家睇世界杯...所以翌日就要中午過後才招待我同佢妹妹莉莉人上去佢哋新居呢~! 嘻嘻...其實之前果晚我都好夜才睡...所以第二朝瞓到2點半, 莉莉人打電話來果陣我才起身呢! ^_^|||

下午4點幾, 我約莉莉人在葵興地鐵站附近等...一齊搭小巴去Annie家...點知我同佢因為掛住傾計, 完全冇留意到小巴的行駛方向! 哈哈...所以我哋搭錯咗車(搭咗反方向)...幸好那位小巴司機好好人, 比我哋坐到反方向嘅總站之後, 可以沿車坐返回程(不另外收多一程車費)...之後我哋就成功落車, 而到達Annie家時已經5點了~! ^_^

因為Annie好想學寫blog, 所以昨日我去佢屋企大部份時間都係教佢寫blog~! 由於佢同莉莉人都覺得我用開嘅fc2真係唔錯, 所以佢就決定在fc2開blog喇~! 不過...Annie完全不懂日文, 而且又冇寫網頁/blog嘅經驗, 所以要由零開始慢慢教佢! (主要幫佢翻譯日文版面, 以及教佢寫blog必須要知的基本嘢...例如邊度寫記事, 邊度upload相相等等) 在幫佢申請新blog的同時, 順便幫佢搞掂埋啲template, 版面setting, 加入埋Mero等等...整咗一晚, 總算大功告成! 當Annie成功開咗個blog之後, 莉莉人都急不及待要一齊開個fc2 blog呢~! ^0^

昨晚真係謝謝Annie未來老公幫忙落街買外賣啊~! (我哋在屋企掛住整電腦嘢...都唔願落街食晚飯...kakaka!) 食過晚飯之後, 我同莉莉人再繼續教Annie執相相! 我哋在Annie家電腦搵到一個執相software(不是我用開的software)...研究咗一陣, 搵到縮小相相及壓縮file size的方法...經過簡單講解之後, Annie終於可以在家執到相相了! 佢真係好開心呢~! 嘻嘻...我同莉莉人都為佢開心...因為佢學識咗執相, 就可以將佢剛剛去完歐洲旅行時所影嘅相相執好, 然後放上blog了~! 好期待睇佢的旅行相相及記事呢~! ^0^

Annie新居小巧精緻, 粉藍色+白色及淺色木的配搭效果好靚! 最正就係客廳呢一個大玻璃櫃! 既可放書, 同時亦可放Annie心愛的娃娃! (0^v^0)

昨天我帶咗小狼及白熊細囡去Annie家反呢~! ^0^

Annie嘅Benny, 莉莉人嘅Lea, 我家小狼及白熊細囡

反到11點左右, Annie未來老公已經在客廳坐定定睇電視...因為英格蘭對葡萄牙之戰要開始了...而我同莉莉人都係時候要返家了~! 好多謝佢哋嘅招待呢~! 昨日反得好開心...kekeke...下次有時間再上去反過! ^0^

Lati Doll // コメント[5] // トラックバック[0] // Top

いちご好きなセート： 2006.07.02[Sun]

新生プチ部オープン記念のために、第１回のプレゼント企画「プチ部できちゃったよ！豪華プレゼント祭り！」はいよいよ開催！ドキドキしてますよね～！（今回のプレゼント祭りは7月3日から7月10日までです。このプレゼント企画は６月30日までに新生プチ部入部された方々を対象にしてます。）

今回はプチブライス本体、カスタムプチブライス、アウトフィットセット、食玩など、ものすごく豪華なプレゼントがあって、その中でわたしの提供するプレゼントがアウトフィットセットです。^_^

モデル：我が家のプチ白熊ちゃん

いちご好きなセート
セート内容：ワンピース、ヘッドドレス、いちごの3点セット

ヘッドドレスは昨晩に出来上がったばかりですね！ワンピースとセートになっていいでしょう？！

ブライス // コメント[0] // トラックバック[1] //

プロフィール

最近の記事＋コメント

カテゴリー

月別アーカイブ

ブログリスト

ブロとも申請フォーム

7月22日 與Carly小聚 ： 2006.07.31[Mon]

心理壓力病 ： 2006.07.31[Mon]

メロ小狼くんの誕生日 ： 2006.07.28[Fri]

momoko Doll as GAINAX Girls ： 2006.07.26[Wed]

配音員 ： 2006.07.26[Wed]

矢澤家族漫畫版(草稿完成圖) ： 2006.07.24[Mon]

日式禮服 ： 2006.07.24[Mon]

思春期のいちごちゃん ： 2006.07.22[Sat]

矢澤家族漫畫版?! ： 2006.07.21[Fri]

さくらちゃんの1st Birthday! ： 2006.07.20[Thu]

東京之旅的小收穫 ： 2006.07.20[Thu]

7月15日 & 17日 去神社揀禮服 ： 2006.07.20[Thu]