プロフィール

小南

  • Author:小南
  • 誕生日:12/20
    出身地:香港
    現居地:東京

最近の記事＋コメント

カテゴリー

月別アーカイブ

07  06  05  04  03  02  01  12  11  10  09  08  07  06  05  04  03  02  01  12  11  10  09  08  07  06  05  04  03  02  01  12  11  10  09  08  07 

ブログリスト

ブロとも申請フォーム

この人とブロともになる

很累呀! ： 2006.08.27[Sun]

今朝起身時已經覺得身體很疲倦...好唔想起身...但又唔可以唔返工, 所以就去咗灣仔的新office執嘢...今日都算好成功執好大部份嘢喇~! 其他事就留待下個星期去完日本旅行返來香港之後再處理了!

本來今日好想一返到家就休息一下...之不過早幾日前答應咗朋友幫佢畫一啲圖...那時我想: 既然有freelance做, 畫幾張圖都好丫! 由於呢個job都幾趕, 一定唔可以等我去完旅行返來才交貨...所以今日點都要改好幾份圖紙...至少明天去旅行之前可以交到貨比個客呢! 幸好, 只須要在電腦畫好咗, email files比佢就得喇! 所以我可以搞到最後一日...今晚半夜才交貨! 經過今晚的趕工, 剛才終於改好晒所有圖紙, 好彩仲趕得到啊! 而且仍然有少少時間比我執行李! (起初真係驚要畫到天光...^_^|||)

唉~! 次次臨去日本之前那一晚, 唔知點解都係超多嘢做的...忙到連睡覺的時間都冇了! >_< (唯有明天在飛機上小睡啦!) 都係唔講咁多喇...再唔開始執行李真係唔得掂呢! 今次我會去東京一個星期, 9/2晚才返香港...今次都係要去搞結婚有關嘅嘢...所以唔知有冇時間用男友電腦上網寫日記呢~?! :P
日常生活 // コメント[3] // トラックバック[0] // Top

Office在天后的Last Day ： 2006.08.25[Fri]

今個星期都係忙於處理公司搬Office的事...由於在香港的Office, 隨老闆娘之外, 可以話只得我一個人...所以基本上我係做到"一腳踢"! 其實早在7月開始, 我已經每日續啲續啲咁將公司入面嘅好多設計書籍, 雜誌, 設計圖紙, 文件等執拾好晒...有用的嘢就放入紙皮箱(大部份都會運去上海分公司)...冇用的嘢就一係掉咗佢, 一係就call返啲sales上來拎走啲材料樣板, catalogue等等! 自從上星期六, 一班好友上來幫忙清咗部份材料之後, 我都已經將公司內嘅嘢搞掂得七七八八...而呢幾日執嘅, 就係老闆及老闆娘房內的嘢...由於佢哋自己冇�恣攷銅�執嘢...所以, 最後都係我去幫佢哋pack晒所有房內嘅嘢...加加埋埋都廿幾箱啊! 日日都將啲文件, 書, 紙皮箱等搬來搬去...真係可以話完完全全地體力勞動咗咁多日! 所以今個星期每晚返到家都好累呢! >_<

今日公司終於要同天后區說聲再見了! 因為今日舊地方就還返比大廈租務部...昨日我哋就搬走咗要用的東西去灣仔區的新地方! 今朝返到天后區的舊地方時, 我都係幫手睇吓師傅來清拆場地, 另外又等物流公司來取30箱打算運去上海分公司嘅紙皮箱物品...到咗中午時順利將舊地方還原成為一個"空地方"(像5年前我哋公司搬進去之前一模一樣的一個空地) 歸還比租務部...搬Office呢件事都可以話係大功告成咗90%! 其餘那10%...就留待明天及9月頭等我由東京旅行完返來香港之後嘅幾日內, 幫老闆娘清理吓新地方嘅嘢! (本來老闆娘想我幫佢做埋整個8月嘅...不過我訂咗機票後日飛東京了! 所以佢提議, 等我返來才補回那幾日吧!) 其實佢係想有人幫佢手搬返啲文件入櫃, 清理吓啲雜物吧?! 哈哈! ^_^|||

明天要去新地方執嘢...又要體力勞動過喇! 所以寫完呢篇記事都係早啲去sleep呢! :P
日常生活 // コメント[1] // トラックバック[0] // Top

8月17日 糖糖家千夏出世之聚 ： 2006.08.23[Wed]

話說早前莉莉人幫糖糖訂的Summer Special Coco已經到咗香港...而大家為咗見證糖糖迎接第一個Lati囡囡, 就相約上星期四晚一齊出來dinner + Lati小聚喇! 當晚出席者有我, Carly, Hau Yee, 莉莉人, 小椒, 糖糖, 阿ming...嘻嘻! 難得當日中午才打電話約吓小椒, 而佢又可以晚上出來join我哋食飯啊! 雖然佢冇Lati, 但佢都帶咗新囡KB小姐來出席聚會, 好開心可以見吓佢家美美嘅KB小姐呢! ^0^

當晚放工後, 先約咗Carly同Hau Yee在金鐘mtr月台內等, 之後一齊去尖沙咀...到達後再打電話比莉莉人同糖糖, 最後大家決定咗去美麗華果頭搵地方dinner! 我, Carly & Hau Yee最先去到美麗華...我哋在那兒周圍逛吓, 又逛埋附近的一條食街...途中經過一間餐廳, 巧遇一位好nice嘅女士, 佢帶咗兩隻大狗一齊去dinner啊! (在餐廳入口附近的露天座位) 佢見到我哋三個企咗响餐枱附近望吓佢兩隻可愛嘅狗狗...先係主動問我哋係唔係想同狗狗影相?! 然後就說好歡迎我哋同狗狗影相/摸吓狗狗呢! 真係好好人啊! 雖然其中一隻狗狗白雪雪好可愛, 真係有啲似我最愛嘅北極熊...不過我始終比較怕太大隻的狗狗, 所以只係輕輕摸吓佢啲背毛就算了~! 而Carly就不怕, 所以佢可以攬住狗狗, 我同Hau Yee幫佢哋合照! ^_^

幫Carly同白色大狗狗"Teddy"影的相相:

Teddy成日郁來郁去, 好難影得好清楚呢! 最清楚果張, 都係要靠佢主人用食物引佢視線才影得成功啊! :P

行過食街之後, 我哋返入美麗華, 最後揀咗入去一間叫"名串"嘅日本餐廳內dinner! 因為我哋有7個人, 所以被安排坐入包廂內!

嘻嘻! 包廂很有趣呢! 可惜係包廂內比較暗, 影相就冇咁好喇!

我哋三個人最先入座, 一入到包廂就急不及待拎啲仔囡出來喇! :P

kekeke...小狼試戴Hau Yee家Benny仔嘅新wig! 另外, 好多謝Carly專登帶波鞋仔來送比小狼啊! 以後小狼有多一對鞋仔穿, 佢好開心呢~! ^0^

坐坐吓莉莉人及小椒都相繼來到...大家都齊齊影相...我就趁機會影吓小椒家新囡! (難得大忙人小椒肯出來, 點都要爭取機會影吓佢囡囡呢!)


最後糖糖同阿ming都來到...嘻嘻...糖糖迎接新囡嘅時刻來了! 點知糖糖好快手就開咗盒放咗佢家第一個Lati囡囡"千夏"出來...都冇影出盒過程喇! 反而就影咗好多出盒後嘅相相呢! ^_^

千夏 & 小狼嘅合照 (影呢兩張相相來比較光暗分別! 右手邊那張因為靠糖糖手機打嘅白光而夠光, 影出來效果好好呢!)

»» READ MORE

Lati Doll // コメント[7] // トラックバック[0] // Top

多摩動物公園プチオフ会 (2) ： 2006.08.22[Tue]

１時頃から、動物公園の中にただ一つのレストランでゆっくり食事しました。食事の前と途中にわたしたちは持っていた全員Dollたちも出しまして、たくさん写真を撮って、すごく楽しかったよね！^0^


小狠くん：スパゲッティおいしい〜！:P

mayo家のかわいいヒナちゃんは小狠くんの妹みたいですね！(0^v^0)


途中に...小狠くんとクララちゃんはなにをしましたか？！

»» READ MORE

旅行 // コメント[3] // トラックバック[0] // Top

多摩動物公園プチオフ会 (1) ： 2006.08.22[Tue]

先月東京へ旅行した時、７月１４日には久しぶりにブラちゃん友達mayoちゃんと多摩動物公園へプチオフ会遊びに行きました！（最近とても忙しくて、今晩やっと動物公園の写真をuploadしまして...こんなに遅くて記事を書いて...お楽しみしているみなさん、ごめんね！^_^|||） またmayoちゃんと会えて本当にうれしかったね！我が家の小狠くんも新しい友達と会えてすごくうれしかったよ！(0^v^0)


小狠くんとmayo家のクララちゃん：いっしょに動物公園へ行きましょう！

小狠くんはあの日初めて日本のかわいい友達クララちゃんとデート？！しましたから、ちょっと緊張してましたね！


ソラちゃんは本当に怖いですよね！〈笑）

小狠くん：俺は食べ物じゃないよ！>_<

とてもいい天気でした。

»» READ MORE

旅行 // コメント[2] // トラックバック[0] // Top

「里親探しラリー」と新しいメロ ： 2006.08.19[Sat]

大家有冇留意最近Mero官網又有新搞作呢~?! 嘻嘻...呢個名為「里親探しラリー」嘅夏季活動, 其實係Mero官網希望趁暑假來個催谷MeroMeroPark人氣嘅主意! 以大家介紹多啲朋友仔來認識MeroMeroPark及登錄成為新會員為目標! 為咗令活動更吸引大家去參與...Mero官網就推出咗三款特別禮物來作為"成功介紹新會員"的回禮! 如果大家成功介紹到朋友仔申請及登錄成為"里親"(MeroMeroPark會員)之後, 就會有獎賞啊! 有見其中一個獎賞實在太可愛了...而且佢同我家第二隻meroいちごちゃん好有緣咁...所以今日就特別登入いちごちゃん的房間內, 以佢身份來填寫"里親探し"的表格!(表格上行係填寫你想介紹的朋友仔email address, 下行就係填寫message)

話說我現在養緊嘅3隻mero, 都係用個人hotmail email address來登記嘅(因為hotmail可以顯示到日文字message, 所以當收到Mero官網寄來的message時, 都可以睇到內容啊!) 本來第一次我係嘗試填返我呢個hotmail email address作為介紹的朋友仔(因為我想: 自己填返自己方便啲...唔洗麻煩到朋友專登去申請Mero嘛! :P)...不過原來係唔可以填返自己同一個email address的! 即係: 我以呢個hotmail email address來申請咗いちごちゃん...就唔可以用同一個email address來作為介紹喇! hahaha...所以最後唯有填自己個香港yahoo嘅email address啦!(雖然收到email時完全亂晒碼, 睇唔到內容寫��...但照click入去條link, 都可以成功申請到會員喇!) 事出突然, 真係冇諗過上個月開始養咗小狼冇耐, 今個月再養多一隻新嘅! 由於未揀過白色, 今次就揀白色啦! 嘻嘻...改名為"白熊", 希望佢將來變得好好睇睇就very good喇~! ^_^

818, 白熊誕生了! :P


Save咗少少圖比大家參考一下呢個活動嘅情況:

»» READ MORE

日常生活 // コメント[2] // トラックバック[0] // Top

Natural & Sweet ： 2006.08.17[Thu]

先月ベージュリネン生地を買ってから、いつかリネンワンピースを作ってみたい〜！そして、先週末には暇があったから、はじめてリネンでワンピースを作ってみました。今回もわたしの大好きなレースをたくさん使ったね！ベージュ系レース ｘ ピンク系レースのコーディネイトだから、「Natural & Sweet」のテーマにします。


モデル： 美保ちゃん


モデル： 冰冰ちゃん


自從上個月買咗米色麻布返來之後, 一直都好想試吓整一啲Natural Style裙仔...趁住上星期六日留在家中比較得��, 我就用咗新買的麻布來整咗兩條裙仔! 哈哈...我發覺自己實在太喜歡花邊了...所以今次一邊整衫一邊諗個design時, 不知不覺又用咗幾款不同嘅花邊來襯托呢! 初次試用米色 + 粉紅色的配搭, 我覺得今次的完成品帶有一種少少Sweet的感覺...所以想到「Natural & Sweet」呢個主題名稱呢~! (0^v^0)
ブライス // コメント[15] // トラックバック[0] // Top

メロ小狼くんの成長日記 ： 2006.08.17[Thu]

今日のメロ小狼くんはさらに大きく成長しました！おさなごになりました。新しいアクションも覚えました。
Mero // コメント[0] // トラックバック[0] // Top

Greece ： 2006.08.16[Wed]

自昨日開始, 連續兩晚走遍各大旅行社...昨晚放工後直接落銅鑼灣, 今晚就返入沙田新城市...主要都係問吓10月中去希臘及土耳其嘅機票, 自由行package等價錢! 幾乎每次去旅行之前最令我覺得麻煩嘅都係決定機票問題...不過唔麻煩一下又唔得啊! (因為我哋係會比較吓價錢才決定訂機票呢!) 今次主要都係先check吓由香港去希臘, 再由土耳其返香港的機票價錢嘅...不過見問開去希臘及土耳其的問題...順便都問埋有冇一啲包住宿的自由行package?! 另外都拎咗一啲旅行社搞嘅希臘/土耳其旅行團單張睇吓(想睇吓旅行團會帶隊去邊啲地方玩?!)

今晚發生一件好搞笑嘅事...話說當我入到去"永安"問及去希臘旅遊的問題時...那位看似年輕的男staff問我打算幾時去希臘...我說10月中...佢就即時答: "吓?! 10月中冇團架喎! 因為來往雅典至各小島的高速船係會因為當時天氣及水漲問題而停止service的!" 佢更即時找來身邊一位聽說係帶希臘團的資深男同事來...同我講佢哋公司係唔會在10月帶希臘團的...如果有其他旅行社10月中出團去希臘...就真係出奇喇!(佢似乎在暗示其他公司的人不夠專業嗎~?!) 不過在言談間, 佢哋兩個比到我一個感覺: 都唔知係唔係間接笑埋我唔識嘢...問啲咁笨嘅問題?! 基本上我都感謝佢哋話我知有呢件咁嘅事, 但心底內有點好像被人偷笑的感覺...-_-|||

聽完那個冇高速船去小島嘅消息之後, 心想: 不是嘛?! 難道10月中真係去唔到希臘的小島?! 冇得去小島的話, 真係會很掃興呢! (因為超期待去小島欣賞美麗的風景啊!) 當時我在想, 會唔會有其他方法可以去到小島呢?! 因為自己未曾去過希臘...在未出發之前都想睇多啲有關當地的旅遊資料...所以今晚去完沙田的旅行社集中地之後, 順路行去對面的商務印書館睇吓啲有關去希臘旅遊嘅參考書...睇吓有關希臘旅遊的交通問題, 及10月中去希臘的話, 有冇其他方法去到小島等等...而返到家之後, 都上網睇吓有關問題...嘻嘻! 比我發現到原來係有一隻大船係會照開去小島的...或者唔搭大船的話, 都可以揀搭內陸機嘅! 唔...之後我在想: "永安"那兩位人兄點解同我講一定去唔到小島?! 其實係唔係只係佢哋旅行團安排唔到大船/內陸機嗎?! 真係奇怪! anyway...我本來都冇打算跟旅行團去的啦! 只係入到去八掛問吓有關資料而已! :P (嘻嘻! 很有趣地...未去"永安"之前我都有去"康泰"問過...那兒的staff說10月中有團出發去希臘喎!)

前年突然心思思 + 手痕...整咗呢一張合成相:

當年剛好買咗一個"聖鬥士星矢"內嘅雅典娜扭蛋膠公仔, 連埋呢一支權杖...我見佢個size都幾合petite用, 所以就忽然間有此奇想而整咗呢一張合成相喇! 近日突然間問返自己: "究竟我係幾時開始喜歡上希臘呢?!" 嘻嘻! 想想吓...其實可能就係因為小時候迷上"聖鬥士星矢"...睇咗佢哋打"黃道十二宮"篇之後的事呢! 那時更幻想過, 會唔會真係有"十二宮"?! (有就真係搞笑啊!) 不過就算冇幻想中的"十二宮", 我都仍然十分喜歡那兒的建築物及風景呢~! (0^v^0)
旅行 // コメント[5] // トラックバック[0] // Top

8月11日 版聚@Pizza Express ： 2006.08.15[Tue]

"雪の藍國"主人Nana搞得有聲有色嘅每月一次BBS版聚活動...今個月就剛在上星期五晚舉行...今次一行7人參加: Nana, Anmary, Ketu, 小積, 小透, 小嘉, 我...大家去了Nana之前在blog介紹過, 位於尖沙咀的一間Pizza專門店內吃推介的Pizza及小食, 甜品等作為晚餐! 原來那兒有每位最低消費$100的規定...不過我哋order多款不同食物, 大家share來吃...最後埋單時每位$135, 都已超過那個規定價了~! 那兒的食物都OK啦...不過對於我來說, 食得多Pizza真係唔得掂啊! (會好易作病的, 哈哈!) 其實起初聽見那餐廳係以Pizza為主, 我都有考慮過好唔好去嘅...但由於今次版聚亦係Anmary去北京工作之前, 大家的最後一次見面(雖然佢之後都會返來香港渡假嘅...但相信佢去咗北京工作之後都會很忙, 未必很多機會返來呢!)...所以既然我都唔係唔得��...就一於都參加呢次版聚喇! ^_^


那兒室內環境都OK...可是影相就不太OK! 感覺上那兒的侍應及經理都不太喜歡我哋影室內環境相相...呢件事都唔出奇, 最出奇係在於我哋自己圍內人影自己人時, 都唔係好打擾到其他客人吧?! 居然我係見到那個馬尾女經理�醋緬晶参�哋, 以及佢又向另一位同事傾密計(唔知傾��, 但都估到唔方係好事!)...好像覺得我哋影相嘅行為好奇怪咁...anyway, 我哋都習慣咗版聚時影相, 所以一於不理! :P

最近Nana受面上的紅疹問題困擾...當晚來餐廳dinner之前Anmary帶Nana去咗見一位營養師朋友, 傾談之後Nana才發現原來有好多佢自己平常不以為意的食物 e.g.橙, 都會令紅疹問題更嚴重呢! Nana為咗治好紅疹就下定決心要開始戒口及食返一些營養丸來補充不同營養...不過面對住當晚咁多美食...Nana就一於食埋呢一餐, 第二日才開始戒口呢! 嘻嘻...同大家介紹一下當晚的美食啦:


意大利菜湯, 四式芝士小食, 蘑�斂�, 免費添飲的凍檸茶


三款不同Pizza, 甜品有朱古力雪糕及雜莓批


上行: 分別與Ketu及Anmary合照
下行: 分別與小嘉及Nana合照


上行: 與8月生日的小積合照, 小積收到可愛的生日禮物呢!
下行: 與小透合照, 男侍應生為大家影的大合照(可惜佢可能唔多識用我呢部相機, 而且因為冇開閃光燈, 所以影出來呢張相相縮少咗睇就可以嘅...但實際上係影得唔清楚的...-_-|||)

臨走前Anmary說10月頭會返來香港, 到時可能大家一齊相約去K聚吧?! 不過可能中文歌K聚5位名額已滿...嘻嘻...或者我同小椒, 小bea等約佢來個日文歌K聚都好啊~?! 希望Anmary在北京的新工作及發展順利啦! 另外, 都希望Nana的紅疹可以早日治療好啊! (0^v^0)
日常生活 // コメント[4] // トラックバック[0] // Top

不准攜帶手提行李登機 ： 2006.08.11[Fri]

昨日突然爆出一單影響全球的新聞: 英國警方及時粉碎恐怖分子圖在半空炸毀多架飛往美國客機的驚天大陰謀!!!

唉...又傳出恐襲航機新聞...真係令人擔心呢~! 除英美以外, 相信其他各國以及全球航空業都一定會受到影響! 剛才就在網上睇到一段新聞, 原來不只英國機場首次下令離境人士以透明膠袋載必需品之外, 香港機場都派發紅白藍膠袋比旅客登機:


港機場大派紅白藍袋

【東方日報專訊】由於英國希思路機場加強保安措施，昨日由本港起飛經倫敦轉機的旅客首當其衝，被禁止攜帶手提行李登機。在香港機場，不少乘客擔心到達後不能即時打手機向家人「報平安」，亦憂慮手提電腦及手機等電子產品寄艙時被掟爛或被盜。至於所有乘搭美國航空公司前往全球各地的旅客，以及乘搭任何航機前往美國的人士，需於航班預定離港前至少三小時抵達機場，以便進行保安檢查。

英國航空公司櫃位昨晚擠滿旅客，每名旅客在新措施下，平均花廿分鐘才辦妥登機手續。由於旅客不能攜手提行李登機，故航空公司在場大派「紅白藍」尼龍袋，供乘客盛載護照等可攜上機的物品。

從事資訊科技業的黃小姐昨乘搭英航經倫敦前往曼徹斯特探親，她在機場辦理登機手續時，原打算以「手袋仔」取代手提行李攜帶上機，但結果亦被禁止帶上機。她坦言:「我睇新聞，以為手袋仔可以帶上機，但到機場先知道咁嚴重，連袋仔都唔畀上機！」

同樣轉機前往曼徹斯特留學的李姓學生稱，搭長途機不能攜帶手提電腦，簡直是「又慘又煩」。他認為航空公司應預先通知，免得他擔心其電腦被掟爛或被盜。同機的馮太則稱，雖然無手機隨身很不方便，但她認為安全至上，故贊成有關措施。

在愛爾蘭開設餐館的��先生，昨由香港乘飛機經倫敦前往愛爾蘭，他認為航空公司為乘客安全著想，實施有關措施都「無乜麻煩」，只是有一點不便。

»» READ MORE

旅行 // コメント[4] // トラックバック[0] // Top

Honeymoon計劃 ： 2006.08.10[Thu]

呢幾日順利預先為男友, 佢父母, 佢哥哥連阿嫂及小朋友一家人訂咗3晚酒店房間...因為佢哋10月中會來香港參加這邊的婚禮呢! ^_^

最近同男友傾開, 在香港結婚擺酒之後...我哋去邊好?! 結婚之後如果我自己返家又好似好怪咁 (所以擺酒當晚都要另外在酒店訂一間房呢! :P) 而男友家人就在擺酒之後翌日便飛返東京了! 起初我也以為, 男友想我哋都一齊飛返東京先嘅...後來傾開呢件事, 才知道佢可能因為結婚而請到最多兩星期大假...佢話好想在香港結婚之後就去Honeymoon呢~! 因為難得公司比佢放長少少嘅假期...佢話想去遠啲嘅地方! 佢希望可以去土耳其, 希臘, 以及可能為咗中途轉機而停留的任何一個歐洲城市...

男友因前公司的工作關係而認識到一些土耳其朋友...當時那些土耳其朋友說, 如果我哋去土耳其旅遊, 會招待我哋呢~! 本來男友希望今次去土耳其時, 可以的話佢想我哋可能乘搭返幾年前佢幫前公司lease比土耳其朋友所屬航空公司的其中一架Airbus嘅...不過最近佢同土耳其朋友聯絡過, 原來佢哋都已經不在那航空公司工作了...所以不能免費為我哋安排到那些飛機嘅機位...很可惜呢! 但男友仍然好希望帶我去土耳其旅遊, 因為佢覺得那兒真係一個好美的地方啊! 以前曾經同佢講過, 我喜歡希臘...所以我哋都打算去埋希臘及附近小島旅遊呢~! ^0^

雖然男友未確定到公司可以比佢請幾多日假...不過佢已經準備計劃呢個蜜月假期喇! 目前首先要做的, 就係機票問題呢~!
旅行 // コメント[9] // トラックバック[0] // Top

又來風球 ： 2006.08.10[Thu]

出面天氣開始轉壞...又狂風又大雷大雨...唔知明天早上會否掛三號風球呢?! (不過即使掛三號, 都一樣要返工呢! >_<) 剛好上星期四係掛三號風球...上次冇掛八號, 已經搞出咁多風波...今個星期四唔知又會點呢~?! 嘻嘻...其實上星期四冇掛八號, 對我來說係好事啊! 因為上星期四突然收到電話, 要去一間發展商的公司拿取文件, 之後又要將有關資料盡快寄去上海比老闆睇...佢睇完才可以決定及準備到一份有關proposal...而今個星期一12點正之前要將我哋公司的proposal交回發展商...趕不及交回的話, 就會失掉為一個上海的大型apartment的翻新室內設計project的機會呢~! 所以上星期, 時間真係可以話啱啱好! 如果星期四打八號風, 就會變咗星期五才要去取文件...那未免遲了一點呢! 而且, 另一個問題係星期五我一早已向老闆請咗一日病假(就係要去睇醫生及驗血)...如果因為我請假而冇人去取文件的話, 就好大鑊喇! (因為公司近年已經以上海office為主了...事關近年的室內設計project全都在上海及國內其他城市呢~! 公司在香港嘅office已經只得返我一人幫手呢...所以香港呢邊有�彳段婿�及project, 都要我負責去處理...可以話係"一腳踢"! ^_^|||) 幸好一切好像為我安排了似的...順利地渡過了! ^_^

今早打電話去上星期五睇過嘅私家醫生那兒...主要係問返星期五驗血check鼻咽的結果...起初都有點擔心, 後來聽到醫生說我個報告係有關指數正常, 所以鼻咽冇事呢! 都安心返了~! 近日的呼吸困難問題, 因為噴咗鼻而感覺好返好多...我就問醫生, 如果感覺好返係唔係可以暫停噴鼻?!(因為最近聽朋友講, 噴得多好似對鼻膜冇咁好...而且可能會依��咗那藥水...) 但醫生叫我keep住噴一個月...同埋keep住食藥(佢剛好開咗一個月份量比我)...所以今日我都乖乖噴返喇~! 不過今日空氣質素又好差, 我又開始感到有時透氣辛苦...我覺得我個呼吸困難問題同天氣真係有好大關係呢~! 我不要煙霧瀰漫, 我要藍天白雲好空氣啊!
日常生活 // コメント[4] // トラックバック[0] // Top

メロ小狼くんの成長と新しいアイテム ： 2006.08.10[Thu]

メロ小狼くんはもう大きくなりました！(0^v^0)


先日、新しいアイテム「ウグイス」を発見！すごくうれしかったよ！


そして、いちごちゃんの草原に珍しいアイテム「ネギ」を発見！さくらちゃんといちごちゃんも「ネギ」が持ってますから、今度の「ネギ」が小狼くんにあげたね！^0^
Mero // コメント[0] // トラックバック[0] // Top

Magician?! ： 2006.08.07[Mon]

今日整個下午都在家...雖然天氣好熱, 但冇開冷氣/風扇...因為最近我感覺在正常空氣之下, 對個鼻及呼吸會好啲...所以即使要流汗也不介意了~! 因為整日在家, 就搵啲嘢做吓打發時間, 以及分散注意力, 令自己唔好成日想住鼻塞及呼吸困難問題! (雖然噴咗鼻係好返好多了, 但間唔中都有透大氣的情況...可能真係要自己身體慢慢去適應吧?!) 而昨日又剛買完整衫材料...今日就突然有興趣再整衫衫比囡囡呢~! ^_^

其實呢個裙仔款, 在早前我已經想好咗個design, 但拖到今日才的起心肝去整呢~! (哈哈! 始終整衫呢啲嘢, 都好睇自己有冇心情及時間嘅...^_^|||) 今次由Vanilla來示範新作:

Vanilla: 大家好! 好耐冇見喇~!


題材靈感來自愛麗斯夢遊仙境內的愛麗斯及撲克牌...而呢款新作就係將兩者主要原素合併而成的一條裙仔~! 稍後有時間及心情的話, 想整埋�酣魎嵌破�! (同呢款係match到的) ^0^

久しぶりにブラちゃんに洋服新作が出来上がった！モデルはVanillaちゃんです。今日の新作のテーマは「マジシャン」です。アリススタイルとトランプのイメージからアイデアが出来て、そしてデザインした赤Versionワンピースですよ！また暇があったら、同じスタイルの黒Versionワンピースも作りたいんですよね〜！(0^v^0)


マジシャンVanillaちゃんと新入りマジシャンプチちゃん

今日才有時間為最近接返來的兩位新細囡成員 & 糖糖送的可愛小兔頭飾 & Carly送的得意Marie公仔及材料影返一張合照:

最近買ったかわいいプチちゃんと友達からもらったプレゼント

»» READ MORE

ブライス // コメント[9] // トラックバック[0] // Top

8月4日 與Claire小聚 ： 2006.08.06[Sun]

剛過去的星期五, 我向公司請咗一日病假, 因為一早預約咗當日朝早11點半去佐敦睇醫生...呢個醫生係3年前幫我做過頸部手術的外科醫生, 好多人去睇佢的, 所以就算預約咗11點半, 都要等到1個鐘之後才輪到我去見醫生呢~! 其實今次我係希望比佢睇吓我條頸有冇事而影響到呼吸困難嘅...不過佢檢查完之後都係話我係因為鼻敏感及鼻塞 + 自己過份緊張, 而令自己感覺呼吸困難...最後佢只係開咗一支舒緩鼻敏感用的噴藥 & 兩款臨睡前才食嘅藥丸比我...當日噴咗一次那個藥水, 感覺真係好多了~! 另外我同醫生講, 好想驗清楚鼻咽...所以佢寫紙比我去診所隔離的化驗所抽血...雖然我本身不食煙, 但我都擔心唔知會唔會係鼻咽有事?!(又擔心鼻咽癌會有遺傳...爸爸就係因為呢個病而多年前去咗了)...下星期三就打電話去診所問返護士那個驗血結果! 總覺得及早檢驗清楚會比較安心呢~!

1點半左右離開佐敦, 返入沙田同家人飲茶...之後見有時間, 就入埋上水的北區醫院去抽血...因為在半年前覆診時預約咗8月再去覆診嘅...而覆診前起碼一個星期要去醫院抽血, 到覆診時醫生就可以同我傾返驗血結果及之後半年嘅食藥份量...我本身有先天性甲狀腺偏低, 每一日都要食返足夠份量來補充每一日嘅需要呢~! 哈哈...今次我又係好大慒地唔見咗半年前醫生開比我那張覆診紙及忘記咗覆診日期呢~! 幸好去到醫院時, 在登記處出示身分證, 職員就可以print返電腦內的覆診紙比我...一check之下, 才發現原來係8月9日下午去覆診啊!!! 真係好彩呢! 原以為係8月中才去覆診嘅...所以我之前一心諗住再遲啲去抽血都冇問題嘅...不過有見8月4日下午得��, 我又唔想為咗抽血而再同老闆請多半日病假, 所以順便去埋抽血! 在北區醫院幫我抽血的職員說, 我在8月9日下午才覆診, 所以即使8月4日(只係早幾日之前)才去抽血都仍然可以趕得及在覆診時出到報告~!

在北區醫院抽血之後, 由上水火車站搭火車落返沙田...行咗一陣街, 過咗6點之後就打電話比Claire, 因為當晚我約咗佢在沙田dinner啊! 我哋去咗新城市廣場內地下一層的一間叫"COLOUR"嘅餐廳食西式晚餐, 大家都係order咗意粉呢~! 第一次去那兒食嘢, 感覺那間店內環境唔錯...食物都算一般ok啦! 當日睇完醫生之後心情好返多了, 鼻塞情況好了, 所以胃口都返來了...仲食咗好多呢!(之前受病情困擾時, 真係冇心情食嘢呢! ^_^|||)




Claire嘅靚靚KB & 我家茉莉

好耐冇見Claire了...之前在佢日記睇到佢公司有好多毛公仔待領...咁我就留言問吓佢有冇白熊公仔唔要?! 嘻嘻...好開心佢話可以送一啲白熊公仔比我啊! 今次相約出來見面, 真係麻煩佢專登拎啲白熊公仔來送比我呢! 我記得佢之前在我日記留言時說過好喜歡我整的一條水手裙...為咗多謝佢...就送那一條裙仔比佢作為回禮啦~! 好開心睇到佢家靚靚KB小姐穿起我的作品呢~! (Red-hair with bangs KB is my dream b啊! *0*)


Claire, 好多謝妳送比我嘅多隻白熊公仔啊! 妹妹嘅bb仔浠浠都好喜歡佢哋呢~! 仲有昨日收到妳送比我的靚布, 好開心呀! Thanks a lot! ^0^
ブライス // コメント[2] // トラックバック[0] // Top

8月3日 三號風球晚上小聚 ： 2006.08.06[Sun]

雖然剛過去的星期四係掛三號風球的日子...但當日Carly都仍然收到Lati於星期三才寄出嘅Special Coco! hau yee都係同一日收到呢! 而莉莉人幫佢姊姊Annie訂嘅Special Lumi, 仲有幫糖糖訂嘅Special Coco, 就未能在星期四當日收到(可能係佢哋訂多啲嘢, 所以Lati遲一點才寄出吧?!)...原本打算佢哋幾個一齊收到新囡之後, 可以出來聚一聚嘅...不過因為以上原因, 而莉莉人最近又比較忙, 所以當晚只有我, Carly & 糖糖出來小聚~! 大家都有帶埋仔囡出來做代表呢! ^0^


Carly嘅新囡, 我家小狼, 糖糖嘅兩位美女

當晚糖糖老公要去灣仔工聯會學跌打...糖糖就駕車出來順便車埋老公去返學...亦都在我哋放工後, 車埋我同Carly一齊再落返灣仔搵地方食晚飯~! 灣仔係Carly嘅地頭, 所以就由佢介紹我哋去搵好嘢食! Carly介紹我哋去咗一間環境幾舒適, 不太多人, 食物又唔錯嘅日本料理店...我哋坐咗好耐, 一邊食嘢一邊傾計, 傾到糖糖老公上完堂返過來才埋單呢~! 好多謝當晚糖糖及Carly送比我嘅小禮物 & 當晚糖糖老公車埋我哋返家啊~! ^_^

P.S. 本來當晚想約埋阿ming出來小聚嘅, 不過因為當日打風, 佢覺得身體唔舒服所以不能出來了...同佢傾電話期間得知我哋都一樣受呼吸困難感覺困擾...我呢幾日都算好返啲喇! 希望阿ming身體都快啲好返啦~!
Lati Doll // コメント[1] // トラックバック[0] // Top

マジカルワンド & ロングフェアウェル ： 2006.08.03[Thu]

最近の新作プチブラちゃんはどれも可愛過ぎで, 我慢できなくで, ついに...昨日はプチブライス「マジカルワンド」&「ロングフェアウェル」を買っちゃったね! お迎えしてすごくうれしかった! ^0^

最近受呼吸困難嘅感覺而影響到心情不佳...為咗令自己開心一點...昨晚放工後我就由天后行經維園再去到銅鑼灣糖街...目標係逛吓玩具店睇吓有冇新出的petite! kekeke...好幸運地以開心價買到最新出的兩款petite呢! 即時心情好返好多~! (仲打埋電話比小椒, 叫佢都去果度買) 呢兩款petite就此成為咗我家第77 & 78名細囡喇~! (P.S. 相相後補)
ブライス // コメント[7] // トラックバック[0] // Top

GAINAX Girls 官方大圖 ： 2006.08.02[Wed]

呵呵! 剛才又逛吓momoko官網, 好開心現在有大圖睇了~! 睇完之後, 始終都係覺得娜汀亞最正! *0*

請大家到momoko官網內的特設版面睇大圖啦: momoko官網
ももこ // コメント[2] // トラックバック[0] // Top

又睇醫生 ： 2006.08.01[Tue]

話說上星期日慢慢就住呼吸...感覺好返啲啲...當晚都可以唔須要食安眠藥就瞓就到...但到咗昨晚, 呼吸困難嘅感覺又突然重臨!(汗) 好辛苦...已經就住就住, 都覺得吸唔到氣...感到嚴重鼻塞...>_< 後來都要食安眠藥, 仲要坐住在梳化上慢慢休息(因為坐著的姿勢時, 感覺比較易吸氣), 而我就不知不覺間瞓咗喇...

到今朝起身...返工時一直仍然感到嚴重鼻塞及呼吸困難...所以我決定咗, 都係放工之後再去睇多次醫生好啲! 不過今次就去返我家附近一個睇開嘅診所醫生! 佢幫我檢查過之後, 話我有少少鼻膜炎, 加埋心情緊張, 所以就令自己感覺更辛苦呢~! (上星期六半夜去睇那個私家醫院醫生, 佢冇檢查我有冇鼻塞情況, 就斷定我只係心理病影響...-_-|||) 睇完另一個醫生之後, 真係比我估中係可能有另一啲原因而影響自己呼吸困難! 今次醫生開咗幾隻藥比我食...另外加多一支滴鼻嘅藥水...希望完成整個療程之後, 可以好返晒啦~! 呼吸困難嘅感覺, 真係極度辛苦啊! 我好想好想快啲好返呢~!
日常生活 // コメント[15] // トラックバック[0] // Top

7月29日 Nana家版聚 ： 2006.08.01[Tue]

上星期六下午放工後, 去咗Nana家參加7月BBS版聚~! 今次有一打可愛女生出席啊! 謝謝Nana老公幫忙影大合照:

後排左起: 我, 小透, 小嘉, 小豬, 小bea, 果子, Anmary
前排左起: Nana, 娜娜女王, Cassidy, Ketu
(由於影呢張大合照之後, 有幾位朋友仔要走先, 但另外仲有小積未來到...所以等不到小積來, 就已經影咗大合照呢~! ^_^|||)

好多謝主人家Nana熱情招待, 以及為大家炮製咁多美食啊! 嘻嘻...習慣咗每一次都要影低美食嘅相相! 大家睇吓我哋今次版聚的美食有幾正啦! ^0^


焗芝士薯片, 焗吞拿魚多士, 蜜糖雞翼及芝士腸, 焗羊扒仔


焗紫蕃薯, 焗粟米, 焗東�攀擽碼�, 蜜糖雞翼

呢個藍莓芝士蛋糕係Nana較早前親自整定的呢~! 整得好好味啊~! 超讚! (嘻嘻...有機會要向Nana請教一下! 因為我都好喜歡呢款蛋糕, 好想學識之後可以自己試吓整呢~! :P)

Nana with her homemade blueberry cheese cake

大家今次在Nana家一邊開大食會, 一邊傾計...又一邊睇有線電視播的幾部電影...一班人輕輕鬆鬆, 開開心心的又過了一個半日及夜晚...時間真係過得好快呢~! 雖然今次大家冇玩Pictionary等遊戲, 但一齊傾計說笑的感覺真係好舒服啊~! 期待8月中的版聚呢~! (今次應該會係出街dinner! 莉莉人可以考慮一齊來參加啊~! ^0^)
日常生活 // コメント[1] // トラックバック[0] // Top

１周年記念プレゼントの発表！ ： 2006.08.01[Tue]

みなさん、お待たせしました！今回は全部３０名様からの応募メールもらって、本当にありがとうございました！(0^v^0)

さぁ〜！発表しましょう！

A-Fコース、それぞれのなまえが書いた紙を準備しました：

»» READ MORE

Blog周年紀念 // コメント[12] // トラックバック[1] // Top