プロフィール

小南

  • Author:小南
  • 誕生日:12/20
    出身地:香港
    現居地:東京

最近の記事＋コメント

カテゴリー

月別アーカイブ

07  06  05  04  03  02  01  12  11  10  09  08  07  06  05  04  03  02  01  12  11  10  09  08  07  06  05  04  03  02  01  12  11  10  09  08  07 

ブログリスト

ブロとも申請フォーム

この人とブロともになる

變咗小忙人 ： 2006.09.28[Thu]

昨日中午過咗灣仔, 先係去搵前老闆娘拎返一啲同強積金有關嘅文件及表格, 之後1-2點相約Carly & hau yee在佢哋公司附近一間幾不錯嘅樓上餐廳食lunch...

當日帶咗一個抽多咗嘅書包送比Carly...佢話Lumi想同小狼一齊返學, 所以比咗書包Lumi用呢! :P


食完lunch佢哋要返公司繼續工作, 而我就開始一個人逛街: 灣仔玩具街, 銅鑼灣, 天后, 逛到6點幾才搭地鐵去尖沙咀...晚上7點約咗幾個室內設計系舊同學出來食晚飯, 我哋都好耐冇見喇! 唔經唔覺, 同佢哋一齊讀design那時已經相隔6年了! 昨晚出來食飯傾計...雖然大家都改變了不少, 但那份友情感覺仍然同昔日一樣, 我哋傾得好開心, 傾到餐廳12點關店我哋才捨得走啊!(仲要係留到最後一枱的客人呢!)





今日下午, 本來打算將昨日影嘅相相傳入電腦&執相, 順便寫日記嘅...但係因為昨晚在尖沙咀逛街時買到一塊好靚嘅美國布, 今日忍唔住好想試吓用來整裙仔, 於是就花咗成個下午整裙仔喇! 完成時已經6點幾, 而今晚又約咗糖糖, 阿Ming佢哋出旺角小聚, 所以未有時間同穿起新作品嘅囡囡影相呢! 嘻嘻...dinner小聚完之後, 9點半我又趕去搭機場巴士去機場...因為男友今晚來到香港啊! 佢會星期日下午才返東京呢! 所以呢幾日我未必有時間寫日記了...^_^|||
日常生活 // コメント[5] // トラックバック[0] // Top

New Furniture ： 2006.09.28[Thu]

上星期日行街時無意中發現一件靚靚傢俬, 忍唔住買咗返來比囡囡用...其實這件傢俬原本係用作為飾物盒呢! :P


Lolita style shoes from BHC






嘻嘻...Vanilla坐得好舒服呀! ^0^


Rouge Power貴妃椅型飾物盒 from Log-On
ブライス // コメント[7] // トラックバック[0] // Top

一堆新鞋仔 ： 2006.09.27[Wed]

想不到上星期六忍手唔買Picca Encore及新出的Camera Happy Dress Set嘅結果係: 心思思買咗一堆新鞋仔送比家中仔囡~! 好耐冇試過咁樣大出血喇! 除咗在BHC買到一直好想買的Lolita style鞋仔之外, 我竟然無啦啦走入N年冇幫襯嘅店舖內買嘢, 而且一次過買滿$300, 續返會員証...連自己都覺得莫明奇妙! 講真, 基於個人原則問題, 衫就真係唔會在那兒買喇...不過鞋仔就買少少都算啦! :P


小狼同Vanilla見到咁大收穫, 都不知幾開心呢!

»» READ MORE

ブライス // コメント[9] // トラックバック[0] // Top

返學囉! ： 2006.09.26[Tue]

上星期六在旺角逛街時, 買咗不少用品比家中仔囡, 其中最開心係抽食玩時抽中最想要的日本小學生書包! 好可愛呢! ^0^

見個書包size好似比較fit小狼, 就比小狼返學用啦! btw, 各位Lati朋友仔, 快啲一齊去BH新討論區嘅Lati幼兒中心入學啦! (0^v^0)


小狼: 我返學喇!


小狼好喜歡新書包呢! ^_^

大家對呢個書包有興趣的話, 不妨去玩具店睇吓呢套新出食玩啦! :P
Lati Doll // コメント[8] // トラックバック[0] // Top

Blog 30000hit! Thanks! ： 2006.09.26[Tue]

今晩はこのブログが３００００ヒットに超えました！

このCounterは今年の４月７日から初めて使って、あっという間に３００００ヒットでちょっとびっくりしましたね！いままでここに遊びに来た皆さん、本当にありがとうございました！*^0^*

ところで、誰がいつもここに遊びに来るんでしょうか？知りたくなちゃったね！（笑）よかったら、コメントどうぞ！ありがとうね！(0^v^0)

今晚見到Blog嘅Counter過咗30000人次喇!

自今年4月7日開始加咗Counter之後, 不經不覺已經超過30000人次, 真係好驚訝亦都好開心呢! 記得早前曾經有一日錄得最高人次到訪紀錄係400人次啊! 昨日都錄得290人次! 雖然以前曾經平均每日約百幾至二百人次, 但早前懶寫日記的日子時, 人次又回落返...而最近好似又反彈返, 多咗人來呢度睇咁呢! 嘻嘻...突然有個好奇心, 好想知道有哪些人常來呢度睇日記, 而我又唔知你哋來過的呢?! 因為大家冇留言的話, 真係唔知你哋來過呢! anyway, 真的好多謝大家一直以來的到訪及支持啊! (0^v^0)
日常生活 // コメント[2] // トラックバック[0] // Top

週末約會 ： 2006.09.25[Mon]

上星期週末連續兩日分別約咗幾位舊中學同學出來見面...真係好耐冇見佢哋喇! 唔經唔覺, 快將結婚了...所以最近都頻頻有約, 同好耐冇見嘅朋友仔敘舊一下呢~! (0^v^0)

上星期六同三位舊中學同學去咗海港城內的Dan Ryan's食午餐, 我哋order咗3樣美食, 已經足夠食到好飽了! :P

燒雞肉沙津, 茄汁蜆肉意粉, 焗薯皮, 不用order的麵包及蛋糕

埋單後Janice有要事趕住走了...所以只有3人影大合照:

左起: Sally, Me & Claudia
我覺得佢哋兩個打扮都成熟咗好多呢! 而且都係擁有一把長曲髮! 之後我就想起莉莉人都係長曲髮...突然間覺得長曲髮好似係大熱髮型咁呀! 嘻嘻...不過呢類髮型唔太啱我呢! :P

午餐之後, Sally約咗下午才放工嘅莉莉人在又一城見面及飲嘢...而我就去咗位於尖沙咀的租婚紗店交相之後, 先再去又一城同佢哋會合! 在KFC坐低飲嘢傾計到7點左右, Sally返家了...而我同莉莉人一齊再落旺角行街睇玩具及食晚飯...到十一點幾才回家呢! 當晚逛玩具店的最大收穫係: 抽食玩時抽中最想要的書包啊! 我同莉莉人都抽中書包, 好開心到不得了呢! 另外, 我買咗多對新鞋仔送比家中啲仔囡, 佢哋就真係大收穫喇! ^0^

上星期日, 由於中學同學嘅大忙人Vincy只有早上時間得��...所以我相約佢同埋另一位超耐冇見嘅中學同學Gigi一齊去又一城食早餐!(點解又係又一城?! 因為地點方便我哋三人囉!) 我哋去咗Oliver's Super Sandwiches...哈哈! 我好耐冇去呢間店食早餐, 而且仲食得咁豐富喇!

»» READ MORE

日常生活 // コメント[6] // トラックバック[0] // Top

9月21日 Blog聚@Outback Steakhouse ： 2006.09.25[Mon]

終於有時間補寫返包尾+遲來的Blog聚記事! ^_^|||

話說透過Nana的Blog, 從而在網路上認識到其他Blog友...大概係今年世界杯期間開始, 我去過Pegpeg, lala, Julie的Blog逛及留言, 雖然大家互不相識, 但通過閱讀大家的日記, 好像慢慢開始了解大家的一點點東西, 如Pegpeg及Julie都已經結了婚, 而且恰巧地Pegpeg和我都係同年出世...lala同我一樣都係今年內結婚, 大家都支持��國隊, 亦都係奇連士文fans! 能夠認識到大家, 可算係一種奇妙的緣份! 近日Nana就提議不如來個Blog聚, 好讓大家可以一齊出來見面, 真正互相認識一下! 這個提議好快得到大部份Blog友的支持...因而成就咗首次Blog友之聚! (0^v^0)

嘻嘻...見大家都分別在寫Blog聚日記時講過對大家嘅感覺, 我都來講吓對大家嘅印象先! 今次一行8人出席: 親切的主辦人Nana, 既斯文又可搞笑的Pegpeg, 感覺活潑的lala, 溫柔文靜的Julie, 感覺成熟的pigbon, 食量驚人的可愛小豬, 帶病都來參加聚會的ketu, 我(我覺得自己當晚已經盡量講嘢大聲返少少了...可是都被坐在身旁的lala說有時聽不到我講嘢的聲音呢! 哈哈! :P)

我哋在尖東的Outback Steakhouse內舉行首次Blog聚, 那兒的食物都很美味啊! 特別喜歡��麵包及炸磨��! ^0^





最尾的甜品都唔錯, 比較喜歡有雪糕那個! 最上層係冰凍的雪糕, 而最下層係熱烘烘的朱古力餅, 好好味呢! Cheese Cake就好大件, 而且好濃芝士味...一個人絕對食唔晒整件呢!

»» READ MORE

日常生活 // コメント[10] // トラックバック[0] // Top

BH New Forum ： 2006.09.25[Mon]

Blythe House討論區近日改版了! 因為新版, 所以要重新註冊過呢! 各位朋友仔也來一齊玩啦! (0^v^0)
http://www.blythe-house.com/hongkong/forum/

btw, 剛才在msn同糖糖傾計...問起她關於BH新版的事...後來言談間才知道竟然有人用咗我個名來註冊, 而當然那人唔係我啦! 因為糖糖剛才send條link比我, 我才知道新版已經可以有得註冊啊! 真係莫名其妙...除非那人係新玩blythe的或者不是香港的朋友吧?!
ブライス // コメント[2] // トラックバック[0] // Top

9月16日 娃聚@POM Cafe ： 2006.09.24[Sun]

今晚才補寫返9月16日晚的娃友聚會日記! ^_^|||

今次聚會都可以話陣容鼎盛! 共有15人: Peggie, 艾莉, hippo, hippo朋友, Carmen, 小玎, Carol, Carly, hau yee, 莉莉人, Annie, Sandy, 我, Ice, Ice朋友...我哋7點幾相約在家樂商場門口等, 記得當晚我在落車之後由街口(廣華醫院那邊)往家樂方向行時, 沿途見到好多人在睇嘢, 而且聞到好強的濃煙味...再行入啲, 就見到消防車! 原來...當晚在女人街的一楝大廈內有火警發生呢!(當晚睇返晚間新聞才知道詳細情況) 當時我都有少少驚, 唔知我哋將會去嘅樓上Cafe會唔會在火警地方附近呀?! 後來去到家樂同大家會合, Peggie說那Cafe係在潮流特區對面大廈...所以應該不太受影響吧!

當晚係一個開心嘅日子, 因為我哋一班魔鬼友人入面, 又有多一位好友生Lati小朋友喇! hohoho ^0^

大家都為Carmen迎接第一個Lati小朋友:Lami妹妹, 而興奮的狂影相...哈哈! Lami妹妹一出世就被拍下不少光豬照呢! :P

Sandy帶來新買的細b出席聚會:

我家小小兔作代表, 帶來上次在日本"Petite部"所搞嘅抽獎活動小禮物來送比得獎者...kekeke, 真係估唔到咁啱會係Sandy抽中呢! btw, 似乎Sandy都中咗細b毒, 話咁快就生咗十幾個細b了!

藍南與朋友仔合照:

當晚我終於有機會帶返啲blog1周年紀念抽獎活動小禮物送比各得獎者, 但估唔到我都有禮物收呢! 謝謝Carly送嘅可愛熊仔button及小白熊公仔!

影得不太好的大合照:


真係好難就位影大合照呢! 因為燈光比較暗, 而且又要舉高手來影...影咗好多張, 大部份都好似下圖咁: 影唔到整個大圓圈...>_<

hippo的朋友pm315當日才突然來參加聚會, 佢係聚會中唯一的男生, 所以一開始時感覺佢比較害羞呢! 後來慢慢地佢投入咗我哋嘅聚會, 在影大合照期間, 佢更一度成為大家的目標! 因為大家見佢拎起一部大寶麗萊相機出來影囡囡時, 我哋麻煩佢hold住這個姿勢比我哋影佢在影相呢! :P

想睇美食及美女嗎?! 請按"READ MORE"繼續睇啦! ^0^

»» READ MORE

ブライス // コメント[6] // トラックバック[0] // Top

9月9日 油尖旺一日遊 ： 2006.09.23[Sat]

第二日相約久美子到旺角...我哋第一站先去茶樓飲茶(說來很有趣, 之前一日我哋中午去食嘢嘅地方叫"紅雙喜", 而呢一日飲茶嘅地方又有個喜字, 就係"迎囍大酒樓"!) 飲完茶帶咗佢去旺角行街...去咗信和, 久美子買到華仔新出的CD(佢幫一位好喜歡華仔嘅日本朋友買嘅), 另外在CD店內比佢發現到阿牛的新大碟...而且竟然都買埋啊! (阿牛係久美子近幾年來的偶像, 我還以為佢已經冇特別喜歡什麼偶像了...後來發現原來佢都仲幾喜歡阿牛呢!) 之後在信和的玩具店見到茶餐廳系列食玩, 久美子實在太喜歡茶餐廳了...所以全套買咗! (btw, 佢完全唔係對玩具有興趣的人啊!) 行完信和, 沿西洋菜街往太子方向行...經過SaSa, 久美子入咗去買到少少嘢, 再之後我帶佢去咗B家Cafe飲嘢, 順便感受一下樓上Cafe的氣氛! 7點半左右離開Cafe, 我哋搭火車落尖東, 等待"幻彩詠香江"的表演! 點知8點開始企在海旁睇, 一直只係睇到一啲大廈放射燈光, 表演似有似冇的...至15分鐘過後, 才聽到現場廣播說因天氣惡劣關係(當日曾經下大雨, 夜晚時天色依然不太好) 所以當晚的表演要取消呢! (唉...又唔早講! 等到大家以為表演完才出廣播, 真係搞笑! :P) 既然知道冇得睇, 而且都8點半了...我哋就離開海旁, 去搵地方食晚飯!

»» READ MORE

日常生活 // コメント[3] // トラックバック[0] // Top

9月8日 中環一日遊 ： 2006.09.22[Fri]

相識近8年嘅一位日本朋友久美子小姐知道我將要結婚, 8月時佢打長途電話來恭喜我之餘, 仲同我講佢會來香港幾日旅遊! 我問佢原因之下才知道佢係想在我結婚前, 仍在香港嘅時候, 可以再和我在香港見面呢! (其實佢本身都係好喜歡來香港旅遊的) 9月7日晚機來港, 9月10日早機返東京...所以我就相約佢9月8日及9日一齊出來遊玩喇! 剛好我已經不用再返工, 所以可以招呼佢, 帶佢周圍去玩呢~! ^_^

我問佢主要想去香港嘅邊度玩, 睇��嘢或有冇嘢想買?! 佢話今次來都係主要見吓朋友(上年佢來香港時, 我介紹咗小椒&小bea比佢認識, 又一齊食晚飯, 所以今次佢都問我可否約埋佢哋出來見面呢!)...在香港嘅街道上行吓感受吓地道氣氛, 去山頂睇夜景, 同埋佢好想睇那個"幻彩詠香江"!(哈哈! 好像是遊客例必會去睇嘅嘢啊!) 而今次佢住的酒店在上環, 所以我就相約佢第一日中午在中環mtr等, 本來打算當日來個港島一日遊! 誰不知我哋一整日都留在中環呢! 因此變咗中環一日遊啊! :P

第一站我哋上咗SOHO區搵地方食lunch...佢想食中式嘢, 所以我哋入咗一間叫"紅雙喜"嘅小店! 那兒紅當當的裝修好有中式喜慶嘅氣氛呢!




我哋叫咗一個二人套餐, 有中湯, 油菜, 二款小食及一個炒麵:

另外還有二杯飲品啊! SOHO區食lunch, 二人套餐$128都算不太貴了! :P

在店內的雜誌架上搵到一本日文嘅香港介紹書, 內有這間小店的介紹啊:

當日我只係帶咗八王子出街, 難得出來, 就同佢影少少相啦!

久美子真係好客氣, 今次來港時又送禮物比我了...佢知道我喜歡白熊公仔, 所以送咗一隻白熊公仔比我...而且係Steiff出品嘅熊仔啊! 很開心呢~!(記得久美子多年前係好喜歡香港的歌星/明星, 但近年來聽佢講過, 那份迷偶像嘅熱情已消失了! 所以我都唔多清楚佢近來喜歡��嘢啊?! 好似好難買禮物送比佢呢! ^_^|||) 最後我就請佢食嘢當係回禮啦! (0^v^0)

隨咗熊仔之外還有另一份禮物, 係佢最近去日本新瀉旅遊時買返來的手信: Hello Kitty鉛芯筆一支! ^_^

我哋在"紅雙喜"一邊食嘢一邊傾計, 過咗一個悠�療�中午...到下午3點左右才離開小店, 之後在SOHO區的小街��逛...4點幾行落中環大街, 那時佢同我講, 想買少少Lancome的產品, 所以我帶咗佢去IFC Mall...在IFC Mall��逛完, 小bea來會合了! 那時5點幾, 小椒要7點幾8點才放工, 久美子又冇特別地方想去, 所以我哋決定先搵個地方坐低飲嘢傾計(好似在慢慢磨時間呢!) 坐到咁上下才再約小椒, 然後搵地方食晚飯! 久美子喜歡香港特式的東西, 所以我哋話不如去茶餐廳飲嘢?! 佢聽到不知幾興奮! 哈哈! 佢同我講, 那天朝早佢一個人去咗酒店附近嘅茶餐廳食早餐...原來佢好喜歡茶餐廳的火腿通粉, 腸仔煎蛋早餐呢!(嘻嘻...呢樣我都係好喜歡啊! 而且更不少得一杯香滑熱奶茶!) 我哋去咗中環街市附近一間港式茶餐廳, 叫咗一個西多士, 同埋每人一杯飲品! 久美子喜歡試香港嘢, 所以叫咗熱好立克鮮奶來試飲, 不過似乎佢麻麻地那種味道呢!

»» READ MORE

日常生活 // コメント[1] // トラックバック[0] // Top

一星期東京之旅(六) ： 2006.09.22[Fri]

今晚繼續補寫東京之旅...終於來到最後一章喇! :P

9月1日

這一天係值得記念嘅日子, 因為我哋在東京嘅新居正式入伙了! 之前一日去完Bridal Fair之後, 我哋去咗地產公司搞埋啲手續, 拎埋新屋鎖匙...剛好趕及新屋的正式入居日, 亦都係9月1日...因為新屋係最新建成的出租物業呢! (很可惜呢個物業只係for租住, 唔係for買的)

新屋共有兩層, 屋內有一條樓梯連接兩層, 以下來個小小介紹:
G/F Foyer, Living room with open kitchen, Bathroom, Toilet
1/F 2 bedrooms(one with balcony), Toilet


當日下午我同男友去咗新屋仔細參觀, 亦都有合力打掃一下新屋...之後我哋就駕車去附近的百貨公司買生活用品, 食物及飲品...返到新屋後就來個二人新居入伙慶祝會! ^0^

在新屋的第一晚, 我哋以超市的日式便當, 麵豉湯及�冀穉垪�晚餐呢!

一對玻璃杯係日本朋友送比我哋新居入伙嘅禮物!


新居入伙大日子, 點少得跟隨我哋由5年前開始拍拖至今嘅白熊家族! 白熊爸爸係男友送我嘅禮物, 白熊媽媽係我送比佢嘅禮物...還有白熊小朋友呢~! 另外, 我家部份blythe囡囡都已經進駐新屋了! 佢哋暫時居住在新屋二層, 主人房嘅大衣櫃內呢~! ^0^

我哋都好滿意新屋啊! 雖然暫時係租住, 而且只係簽約租住兩年...但我都好期待未來日子在呢個新環境嘅新生活呀~! 在租住期間, 我哋打算慢慢再搵屋...搵到理想嘅屋才打算買呢! (0^v^0)

»» READ MORE

旅行 // コメント[18] // トラックバック[0] // Top

很久沒有早睡了... ： 2006.09.21[Thu]

昨晚通宵趕工畫圖...今朝完成圖紙, 之後去咗中環交圖紙比人...其實今日整日身體都感到疲累, 但下午仍要八掛走落油麻地/旺角行街! 不過原來我想睇的新小b仍未有得賣呢~! (如果今日出了的話, 相信我已經忍唔住要消費了! :P) hehehe...雖然自己冇買嘢, 但今日都仍有小收穫啊! 話說下午茶時間約咗同是室內設計系出身的師兄出來見面...佢知道我喜歡blythe, 最近佢逛街時無意中在一間商店見到2007年blythe座枱月曆, 就買咗來送比我...佢話係多謝我平時幫佢趕工畫圖啊! 佢真係太客氣呢! 而且佢搵我幫佢相熟嘅工程公司畫圖, 工程公司都會付返畫圖費比我嘛!

一直以來都很少12點前去睡...呢個月更加唔知點解, 總係搞到自己好似好忙咁, 好多時都半夜兩/三點才去睡...但我知道咁樣下去唔得呢! �邊龝／新険柞埀杰捨�! >_< 經過昨晚的捱夜, 今晚真係感到很累, 都係要早抖了! 明天才回覆大家嘅留言吧! (0^v^0)
日常生活 // コメント[3] // トラックバック[0] // Top

一星期東京之旅(五) ： 2006.09.19[Tue]

今晚繼續寫埋當日影完婚紗相之後的試食會記事! ^_^

1點半左右, 紀念館為當日參加咗Bridal Fair的賓客(連埋我哋總共只有4枱人! 通常每枱有一對couple, 而我哋同另一枱都多咗一位媽媽來參加呢!)準備一個試食會! 簡單介紹吓呢個所謂試食會: 嘻嘻...其實紀念館模擬咗一個婚宴, 搵職員假扮一對結婚的新人...我哋就變成參加佢哋婚宴的賓客! 一邊試食的同時, 又可以一邊睇到當日正式婚宴時的情況, 紀念館會點樣安排流程等等...最搞笑係睇到那些職員真係好好演技! 當中有一個阿叔職員, 假扮新郎哥的爸爸...當佢收到新郎哥送的禮物來答謝佢時, 真係扮晒好感動...感動到想哭的樣子! 真係好搞笑呢!

進行模擬婚宴的西式宴會廳環境很美呢~!

»» READ MORE

旅行 // コメント[12] // トラックバック[0] // Top

一星期東京之旅(四) ： 2006.09.18[Mon]

今日男友去咗神社的紀念館拎返當日專業攝影師幫我哋影嘅婚紗相(有一隻CD及一本album), 今晚同佢msn傾計時, 佢就將CD入面所有相send過來比我...好開心今日終於有得睇專業攝影師所影嘅相相了! 嘻嘻...效果當然比起男友阿媽所影嘅更好啦~! :P

那位專業攝影師當日應該幫我哋影咗不少相, 不過男友今日收到佢交出來的CD入面, 相信係佢由全部相之中所挑選出來嘅60張相呢! 在60張相之中, 我揀咗一些自己比較喜歡的相...post上來同大家分享一下! ^_^


獨立化妝間內擺設很精美, 還有一張貴妃椅呢!


很喜歡化妝間內的傢俱, 特別係呢張梳妝台!

»» READ MORE

旅行 // コメント[23] // トラックバック[0] // Top

一星期東京之旅(三) ： 2006.09.18[Mon]

今晚再繼續補回8月尾東京之旅的日記...今次主要寫8月31日一整日我哋去神社參加Bridal Fair的事! 由於當日影咗超多相相, 所以要分開幾篇記事來post呢~! (0^v^0)

8月31日

當日朝早10點左右我哋駕車到達神社的紀念館, 因為男友預先訂咗呢個時間去參加神社搞的Bridal Fair, 而我哋一早去到, 就係準備來個婚禮彩排! 首先紀念館職員安排我入去一個獨立化妝間...在那兒我穿起結婚當日會穿的白色婚紗, 之後就有專人入來負責幫我化妝, set頭等等...同時間, 男友就在另一個試身室換了西式禮服, 當佢換好之後, 就連同佢媽咪一齊入來化妝間等待(當時係專人正在幫我化妝及set頭之際)...約11點幾終於搞掂好晒, 然後一位由神社方面安排嘅專業攝影師入來了!(話說男友預先book咗專業攝影師幫我哋在Bridal Fair當日影相的服務, 當然...呢樣又係要額外付錢的服務啊! btw, Bridal Fair的參加費都要比呢! 每對couple要比大約37000日元...帶同一位親人來參加, 都要另外比參加費5千幾日元...因為當日神社的紀念館內會為我哋準備一餐豐富的婚禮菜式試食會呢! 我想, 參加費用大概都係for試食會吧?!)


專業攝影師幫我哋在獨立化妝間內影咗一輯相, 之後我哋就一齊出去紀念館的大堂...在大堂那兒有一處枱面擺放了好多花球, 紀念館職員安排我去揀花球, 揀好之後我哋在大堂影少少相...

(btw, 當日穿咗11cm高的高跟鞋, 我真係慢慢行呢! ^_^|||)

影完又再出室外繼續影相...

專業攝影師幫我哋在室外影相的同時, 其實我都見到有另一對couple在另一個位置影相啊~!(佢哋同我哋一樣, 都係order咗呢個服務吧?! :P)

P.S. 以上係由男友阿媽負責揸機幫我哋影嘅相!(雖然佢不太懂用我哋部數碼相機, 但都總算影到相相呢~!)
旅行 // コメント[3] // トラックバック[0] // Top

整裝待發 ： 2006.09.14[Thu]

今日突然有心情同囡囡影咗幾張相, 順便在其他討論區出post呢! ^_^

嘻嘻...大家估吓囡囡將會去邊度?! (相信有來呢個blog嘅朋友仔, 都好易估到答案了! :P)

藍莓: Hello!

»» READ MORE

ブライス // コメント[15] // トラックバック[0] // Top

How to use shopping cart?! ： 2006.09.13[Wed]

Here are the steps showing how to use fc2 shopping cart:

1. For example if you wanna buy one-piece(1), pls click the button 「カートに入れる」 (Put in cart):


Then you can see the product inside your cart in the following page! ^_^

2. In case of 「カートの確認」 (Confirm cart):



3. After clicking the button 「カートの確認」, you'll go to this page:


P.S. 戻る=Return to back page, レジに進む=Go to order page
If you wanna delete the product in your cart, just click the button with "X"...or if you wanna change the amount, just click the button 「数量変更」

»» READ MORE

Online Shop // コメント[0] // トラックバック[0] // Top

DollySeason Online Shop ： 2006.09.13[Wed]

話說早排發現到fc2入面係有一個免費shopping cart服務, 間唔中我會心思思好想試吓整...不過一直都未有時間去研究點樣用...而且, 登錄時又要填好多個人資料, 都有點麻煩! 不過今日終於下定決心, 試吓整一個online shop! 花咗近兩個鐘完成版面, setting等等之後, 現在總算係搞掂好基本嘢! 暫時upload咗最近整的"Natural & Sweet"系列兩條裙仔...嘻嘻...唔知有冇人買, 不過都試吓整先啦! :P

P.S. 由於fc2 shopping cart只係show到yen價, 所以我在詳細內容入面補寫咗香港價錢等資料, 只要click入去商品圖片就會見到詳細內容喇!

今日はfc2のショッピングカートを使って、初めて自分の手縫い洋服のオンラインショップをやってみます。(でも決済設定はまだ決めてないですが...^_^|||)

Welcome to DollySeason Online Shop:
http://dollyseason.cart.fc2.com/
Online Shop // コメント[7] // トラックバック[0] // Top

一星期東京之旅(二) ： 2006.09.11[Mon]

今晚再繼續東京之旅的日記第二章~! ^_^

8月29日

那一星期我逗留在東京的日子, 男友特別向公司請咗一星期的假期...目的就係同我一齊去搞結婚及新居的事情...而這一日男友就打算同我一齊出去揀結婚戒指啊! 逛了一個下午, 最後在新宿訂了大家都合心水的結婚戒指: 是簡單的, 中間有一條直線條款式的matt Platinum戒指! 話說在我哋去揀戒指的時候, 其中一間店的sales姨姨估我係20歲啊! wakakakak...自從這件事發生之後的好幾日, 男友就間唔中拿這個"20歲"來掛在嘴邊, 看似來向我開玩笑...但我覺得佢都好像很樂意自己女友被以為很年輕呢!

記得以前有兩次都發生過同類事情, 不過那兩次都係超好笑呢! 因為我被人以為年輕到好似小朋友啊! 第一次係發生在滑雪山上: 佢同我去租滑雪用品...全程都係男友同負責人傾嘢, 而我就在旁邊試鞋...可能那個負責人以為我係12歲或以下的小朋友吧?! 所以佢向男友收費時, 收咗小朋友的租金...(哈哈! 雖然我真係細粒咗啲...不過想像不到竟被誤以為係小朋友呢!) 嘻嘻...既然小朋友租金平一半有多, 我哋就唔出聲告訴那負責人了! 而第二次都一樣好笑: 話說有一日我陪男友一齊去壽司店取外賣壽司, 那間店的老闆同男友家人都是見慣見熟的(因為男友家常幫襯那家店), 所以我哋一入到去店內, 老闆及其太太已經向男友打招呼問好! 搞笑的事發生了...佢哋兩個一看到我, 就問: "娘さん？" (wakakakak...佢哋以為我係男友個女兒!) 之後我同男友冇比�徃陣�(只係突然呆咗一呆)...佢哋見狀, 就立即轉口問: "奧さん？" (之後佢哋就估我係太太了!) 但我仍未係太太呢...所以後來男友向佢哋說, 我係佢女友啊! kakaka...呢兩件事真係一個經典呀! :P

可能當日天氣太熱, 而男友那幾日都好頻撲...下午時聽見佢說感到自己開始作病, 有些發燒似的...所以我哋在訂完結婚戒指之後就返家了! 其實原本這一晚, 佢打算請我去一家不錯的餐廳食晚飯的...因為佢話要慶祝我終於要結束多年嘅打工生涯, 佢同我說: "辛苦妳了!" ...所以要請我好好吃一餐...哈哈! 有時我真係被佢呢啲心思感動到呢! 雖然臨時取消咗二人世界吃大餐...反而係返家食晚飯, 而且那晚佢都因為發燒而冇�廾澹�食嘢, 食完藥很早就去休息了...不過我覺得冇咗大餐都不緊要, 因為對於佢來說, 早些返家, 食藥及好好休息係更為重要呢! 而且佢有事, 我都很擔心啊! 那晚我就陪在佢身邊看著佢睡覺的樣子...拖住佢的手...不經不覺自己都一起睡了, 一睡到天光! 很開心第二天佢起身之後, 已經退燒了! ^_^

»» READ MORE

旅行 // コメント[11] // トラックバック[0] // Top

911 ： 2006.09.11[Mon]

不經不覺原來已經5周年了...但每次睇到有關新聞, 影像及圖片, 都仍有當年的震撼及婉惜...近年來的新年, 生日願望等祝願, 除咗身體健康, 家人朋友等平安之外, 就是世界和平了!
日常生活 // コメント[0] // トラックバック[0] // Top

雅典娜迎風欲飛 ： 2006.09.07[Thu]

昨天下午去了沙田逛書店...主要都是想睇吓有冇希臘旅遊的參考書?! 說真的...我平時甚少睇書, 反而睇漫畫則更多呢!(嘻嘻...我係比較懶睇字, 都係喜歡睇公仔圖畫多啲) 不過當要找一些參考資料嘅時候, 我就自自然會走進書店去尋寶! :P

話說在尋寶期間, 隨了找到一本travel guide性質的自助旅遊手冊之外, 還找到一本專門寫希臘的書, 名為[雅典娜迎風欲飛]...起初吸引我的, 隨了書名之外, 還有另一個原因, 就係書店內真係冇�彗饗丞亟�臘旅遊相關嘅中文參考書了! (英文參考書係有的, 但都係以travel guide性質為主...不過我還是比較想睇中文參考書多點呢!) 在書店打咗一陣間書釘...最後都係決定買了! (很久沒在書店買書了, 竟然昨天就買咗兩本! 哈哈!) 回家之後就開始慢慢睇書...睇完一篇書內嘅推薦序文才得知: [雅典娜迎風欲飛]這本書原本只是那位作者的個人旅遊網站, 因為作者的攝影作品和旅遊細膩的文字, 在網路上的影響, 所以有出版社願意將網路的虛擬變成實體的出版品...

作者王鶴小姐的個人網站: http://www.wangherloveworld.com/

有作者的朋友在序文中形容這些文章是旅遊輕文學作品...雖然我不太懂文學東西, 但昨晚可以一口氣睇完多篇文章內容呢! 或許我係被作者所寫的一篇篇文章感動了...有些真的寫得很好啊! 雖然我不懂寫什麼文學作品, 而且平時在這兒寫的日記都以口語化文章為主...(可知我的文筆有何水準...哈哈! ^_^|||) 不過有時候我倒是喜歡聽/看別人的故事, 神話故事等等...而這本書就帶比我一份希臘旅遊參考書以外的精彩! 真的很想在這兒都同大家分享一些我覺得作者寫得很好的故事及句子呢! (日後等我有時間就會在這兒分享我的閱讀感受!) ^_^

在此先分享我幾喜歡的, 作者寫的一段有趣序文:

當我在十四歲那一年為自己取了Athena這個英文名字之後,
就希望有一天能在雅典遇見Athena,
終於, 去了希臘,
終於, 見著了Athena,
我說: "我借用妳的名字, 好久好久了"
Athena笑著說: "為什麼不借用我的智慧呢? 名字, 我只有一個; 而智慧, 我用不完呢?"

小時候的我, 都有幻想過去雅典的話, 能夠遇見Athena就好了~! :P
日常生活 // コメント[7] // トラックバック[0] // Top

一星期東京之旅(一) ： 2006.09.04[Mon]

最近去東京多數係忙於搞結婚及新生活有關嘅事...當要寫到有關日記時, 在分類那一項, 真係唔知分為"旅行"定係"日常生活"好了~?! 東京好像已成為咗我嘅第二個家...將來更成為日常生活嘅大部份呢! 既然今次對我來說都仍係去旅行...就分類為"旅行"啦~! :P

8月27日早機飛東京...在東京過咗一個忙碌嘅一星期之後, 上星期六晚返來香港了! 昨天就花咗時間執好呢一星期所影嘅相相, 而今晚開始會陸續補寫返呢一個星期嘅日記~! 雖然未必會詳細地寫每一日嘅記事...但有影相相的日子就一定會寫記事呢~! (0^v^0)

»» READ MORE

旅行 // コメント[22] // トラックバック[0] // Top

結束6年的打工生涯 ： 2006.09.04[Mon]

話說我去旅行之前答應咗老闆娘返來香港之後, 補返幾日返工嘅...於是今早我去咗office新地方睇吓仲有啲�徑彈構Φ斫殕�?! 點知去到就見到那兒已經搞掂好晒, 連電腦等等都接駁好晒...所以已經冇嘢須要我去整了~! (原來係上星期老闆娘搵咗工人幫佢手呢!) 今早等老闆娘返來...同佢傾咗啲離職細節, 交帶晒所有事項之後就走了~! 既然新地方已經搞掂好晒, 所以我都唔洗再上去幫手...今天中午之後, 就可以說是正式離職...明天開始不用再日日返工...變咗做自由人呢~! ^_^

中午時離開灣仔的新office之後...行到去玩具街時, 見當時剛過咗1點冇耐, 就試吓打電話比Carly...嘻嘻...好開心佢可以出來見面呢! 我哋一齊在玩具街附近一間茶餐廳食lunch&傾計...到2點左右Carly要返公司開工了...而我就順路行去灣仔嘅懷古角八掛一吓, 之後搭電車去中環嘅日本領事館問啲同日本人結婚有關嘅事項/簽證問題等...再之後又搭地鐵落油麻地, 去咗油麻地同旺角睇玩具(雖然見到想買嘅新出petite, 不過今日冇買到)...5點幾睇完玩具就搭車返家了~! :P
日常生活 // コメント[8] // トラックバック[0] // Top

8月19日 Lati 娃聚@Office ： 2006.09.04[Mon]

前兩星期真係好忙呢! 今晚才補回兩星期前的日記...^_^|||

話說公司仍在天后那兒的最後一個星期六, 我都係忙於執拾公司啲嘢嘅同時...我就call咗幾位好友上來公司幫手執嘢! 嘻嘻...其實係等佢哋上來公司睇吓有冇�弸猯�啱用, 拎返家都好啊! 當時公司內仍有一啲未掉的材料: 布板, 玻璃, 馬賽克, 金屬, 牆紙板, 木板, 膠板等等...(其實較早前我已清理咗好多了! 大部份都歸還比供應商...冇用的就掉咗! 不過我都留返一啲我認為係可能大家會啱用的, 就留比大家上來睇過啱唔啱用先...揀好唔要就掉!) 好開心大家上到來都有不少收穫...不枉我專登留返起啲材料先呢! 最想像唔到嘅係...大家對啲玻璃, 馬賽克, 木板, 膠板等都好有興趣...特別係糖糖同Carly呢! 哈哈! 見到啲本來打算要掉的材料, 對大家來說都有作用, 真係好開心啊~! (P.S. 早前見到糖糖用咗部份材料來重新裝修囡囡豪宅的Toilet...真係好開心呢! 糖糖運用啲材料好唔錯呀! Toilet整得好靚啊! ^0^)

本來我哋打算當日下午只係花少少時間揀完材料, 就去附近的維園來個室外娃聚嘅...可是當日大家揀材料揀得太開心了...而且室外太熱...所以最後大家都決定全日留在公司, 順便在公司來個小型室內娃聚啦~! :P

揀完材料已經7點幾...臨走前大家為當日帶來嘅仔囡來個排排坐大合照:

左起: Carly家三位千金, 我家小狼, 莉莉人嘅Lea, Annie嘅知世, 糖糖嘅千夏

因為我一直忙於執嘢及揀材料, 所以只係同小狼影咗少少相:



小狼: 再見喇!

P.S. 好多謝Carly幫我整好小狼個外星人保護頭盔呢! (0^v^0)

當晚Carly要返家食飯, 糖糖亦要同家人食飯...而我同�蟒�就一齊在公司附近一間叫"長崎咖啡"的餐廳食晚飯! 我哋三個都叫咗同一款set dinner, 主菜係酥皮焗雞扒:

同�蟒�邊食飯邊傾計好開心...不經不覺傾到餐廳要關門之前我哋才離開啊! btw, 我哋原先一早約好咗一位舊中學同學Sally當晚一齊出來dinner嘅...可惜係Sally好似不想為咗食晚飯而由佢在住嘅新界區出到來港島區咁遠...所以唯有下次先再約過佢出來一齊食飯及見面啦~! :P
Lati Doll // コメント[5] // トラックバック[0] // Top

返來了...^_^ ： 2006.09.02[Sat]

上個月男友用佢嘅NW里數幫我訂咗飛東京嘅機位...起初我還以為佢同時訂埋今次的機位...後來才知道可能係今個月NW冇得換免費機位, 所以佢改用UA里數換機位! 由於今次搭UA機, 抵港時間比NW機早一個鐘左右, 所以今晚可以早點返到家呢~! 其實今次出發時都有點擔心, 唔知可唔可以拎手提行李上機?! 另外, 在香港機場的security check都明顯加強咗好多! 幸好原來只係不准帶液體, cream等物質及危險物品上機...而手提電話, 電子產品係可以帶上機的...所以當然囡囡都可以安全帶上機啦! ^0^

今次東京之行, 主要又係籌備結婚及日本的新生活嘅事...好忙好忙, 搞到冇時間上網呢! 已經一個星期了, 幸好我家幾隻mero小朋友未到吐血狀態! kekeke :P 今晚返來, 未有時間執相相住...明天才抽時間執吧~?! 剛才就追睇返呢個星期部份朋友仔嘅日記...而寫完呢篇記事之後, 都係時候去瞓覺了~! ^_^
日常生活 // コメント[5] // トラックバック[0] // Top