小南の日記

スポンサーサイト

上記の広告は1ヶ月以上更新のないブログに表示されています。
新しい記事を書く事で広告が消せます。

改變

10   0

本來今日打算有時間留在家, 執吓屋企啲雜物...有邊啲要留嘅, 就放入紙皮箱(將來可能要運過日本), 唔要嘅就掉...其實上個月我已經執咗一部份雜物喇~! 哈哈...咁多年來, 發覺原來自己真係儲埋儲埋好多嘢...可是好多我都唔捨得掉啊~! 阿妹一見到我四處放嘅雜物, 就會發晒忟憎咁話我:好心妳成2年冇掂過嘅嘢就掉咗佢啦~!(特別係針對我多年冇再穿嘅衫)因為佢覺得我咁樣好浪費地方...>_< (不過有時一下子又真係好難想掉晒就掉晒嘅...) 話說回來...點知今日瞓到1點幾...上吓網同男友傾計...過一陣就落街食個tea(=lunch)...係我典型嘅星期日生活pattern! 哈哈...星期日真係好唔願早起呢~! 難得有一日可以瞓耐啲...

點知出街食完tea之後...經過一間髮型店...見佢洗剪吹係$80! 平時冇特別留意呢間店(因為一向都覺得佢收得比其他附近的店貴好多...) 今日唔知點解留意佢個門面...又見到佢呢個價錢好似都唔係好貴, 而其實最近我都有好想剪頭髮嘅衝動...於是就入咗去剪頭髮喇~!

我真係好耐好耐冇剪過頭髮了...一把長髮留咗好耐...可能有兩年喇~! 哈哈...幫我洗頭嘅男仔, 同埋另一個幫我剪頭髮嘅髮型師...都不約而同咁問過我把頭髮留咗幾耐~?! 最近我發覺洗完頭之後...吹頭時一邊梳, 就一邊覺得有啲髮尾打cake! (汗) >_< 同埋太長了...要吹乾全個頭都幾花時間...所以今日真係決心剪咗佢! 一係唔剪, 一剪就搞到男友同家人今晚一見到我都"嘩!"咗一聲! ^_^|||

點講呢...唔...現在我個髮型大概類似綾波麗咁上下樣子吧~?! 熟識我嘅朋友們, 一直見慣我長髮嘅朋友們...見到現在的我可能會覺得唔同感覺呢~! 哈哈...我自己都要適應吓! 不過我啲頭髮都長得幾快...相信出年又會留到肩膊長度了...到時我唔會再剪返現在咁短喇~! 因為留返長少少頭髮結婚好睇啲呢~! 今晚同男友net-meeting...佢見到我個頭咁短...真係...我覺得佢笑咗好耐囉~! 因為自佢識我呢4年以來, 我都一直係長頭髮...突然間剪到咁短, 好似搞到佢有啲唔習慣咁呢~! 佢有問我...我剪到咁短, 哪出年結婚個頭點算?! (哈哈...佢會關心呢個問題!) 放心啦...我相信出年的我...應該會係中長度髮型吧~?! ^_^

我有時在想...偶爾有一頭短髮, 都感覺幾新鮮呢~! 特別係成個人清爽晒! 洗頭吹頭都冇咁辛苦呢~! (很適合我呢類懶人...wakkakakakka)

スポンサーサイト

-10 Comments

Anmary says...""
為什麼不待婚禮後才剪呢?
通常都會婚禮皈剪因為長頭髮造型會比較好看啊.....
2005.12.12 06:00 | URL | #- [edit]
Carly says...""
今個星期我會見到你,唔知到時會唔會都嘩一聲叫咗出來呢^_^ 好似淩波麗咁,咪同周迅個頭有d似囉!
2005.12.12 20:57 | URL | #- [edit]
Carly says...""
唔好意思小南你被我TAG中左!!你要做呢個!

1) 這份問卷是誰傳給你的

2) 跟他是在怎樣的情況下認識的

3) 認識多久了

4) 他有什麼別於一般人的特點嗎

5) 在你心目中他是怎樣的人

6) 現在有想認識誰嗎

7) 請傳給六個倒楣鬼
2005.12.12 21:19 | URL | #- [edit]
says..."承認待ちコメント"
このコメントは管理者の承認待ちです
2005.12.13 00:57 | | # [edit]
says..."承認待ちコメント"
このコメントは管理者の承認待ちです
2005.12.13 00:58 | | # [edit]
小南 says...""
Anmary: 我都唔知點解昨日會突然間想剪頭髮呢...哈哈...更加冇想過會一剪就咁短...但當時真係突然對短髮有興趣啊~!
不過死啦...今日望住自己個頭, 又覺得自己好似都係長髮比較好睇啲...更心想: 係唔係真係剪得太短呢~?! (汗) >_< 結婚應該係出年年尾的事...所以我想到時頭髮會留長返吧~?! (希望長返啲啦~!)

Carly: 唉~! 我自己都仲未好接受到呢個髮型呢...死喇...點算~?! 哈哈!

小巫: 卡卡卡...妳已經留返長咗啲喇~?! 記得上次見妳, 妳好似都係短髮啊! 唔知我出年暑假時會唔會留返到過膊頭的長度呢?! 今日係剪咗呢個短髮之後, 第一次在家洗頭...洗頭 & 吹頭都好快呢...好爽~! 不過今日有啲後悔感...有啲唔捨得啲長髮...同埋覺得好似剪得太短! 剛才在msn同男友傾過呢件事...男友話佢唔介意我髮型...嘻嘻...反而我覺得係我自己有啲唔習慣太短嘅感覺呢...始終對住長髮太耐了! >_<
kekekek...我仲未影短頭髮相相呀~! 影咗先比妳睇啦~! ^_^
2005.12.13 03:11 | URL | #o/0mI.d6 [edit]
小嘉 says...""
很期待看到小南的新look~^^
2005.12.13 16:45 | URL | #mQop/nM. [edit]
阿透 says...""
小南竟然剪好似淩波麗咁短的髮型!!!
只是聽到已有點驚訝!!!
不過又好期待!!! ^^
因為之前小南的頭髮真係又長又直!!!
你好勇敢呀!!!

出年年尾結婚, 仲有差不多成年時間
一定夠時間長番啦放心!!! ^^
2005.12.14 01:18 | URL | #YG9ONXHE [edit]
小南 says...""
kakaka...小嘉 & 小透...謝謝期待啊! 唔...不過我驚有啲嚇親妳哋呢~! ^_^|||
2005.12.14 02:58 | URL | #o/0mI.d6 [edit]
NaNa says...""
因為我之前未這篇日記,所以今天第一個見到你便被嚇倒!!! 哈哈哈~~~

我和你一樣,喜歡久不久便剪一次短頭髮,上次大約是2-3年前,那時候未識你呢~~!! 我也覺得短髮look很好,完全是另一種感覺!! 不緒!!!!!
2005.12.18 03:48 | URL | #cgxBG9Ts [edit]

Leave a reply






管理者にだけ表示を許可する

Trackbacks

trackbackURL:http://syaonam.blog15.fc2.com/tb.php/115-e231d2a7
該当の記事は見つかりませんでした。
上記広告は1ヶ月以上更新のないブログに表示されています。新しい記事を書くことで広告を消せます。