小南の日記

スポンサーサイト

上記の広告は1ヶ月以上更新のないブログに表示されています。
新しい記事を書く事で広告が消せます。

3月27日 版聚dinner

3   0

步兒3月尾要返新加坡了...在佢離開香港之前, 我哋矢澤家族成員又出來版聚見面~! 今次亦都係Nana新婚之後第一次版聚呢~! 當晚我哋有9個人出席, 包括Nana, 蚊子, 步兒, 阿透, 小嘉, 小bea, ketu, 小椒, 我...^_^

我哋約咗7點在旺角地鐵站等, 今次大家都好準時到啊...反而平時幾乎每次最早到嘅Nana, 今次最遲來呢! 佢一來到就比咗大家兩個驚喜啊~! 一個係短髮清爽look Nana, 另一個就係佢同老公去沙巴honeymoon之後帶來嘅手信: 好味嘅雪條~! 每人一支...嘻嘻...我揀咗紅豆味呢~! 唉...自從2月中作病, 到3月頭開始淋巴腺發炎發咗幾乎兩個星期...(而家尚算好返架喇, 至少已經唔需要再去睇醫生 & 食藥) 我都介口咗好耐呢~! 所有凍嘢都唔食, 亦都少食油炸嘢...呢一次食雪條都算係破戒啊~!

我哋去咗旺角朗晴坊8樓嘅樓上cafe...雖然7點幾上到去, 當時都算冇其他客人啦...但大家order嘅dinner set, 遲遲都未送來...唉~! 就係咁我哋一邊傾計一邊等啲食物 & 飲品, 而佢又每次只上一碟半碟/一杯兩杯...真係超慢! 雖然大家估佢係新開業, 可能當晚又只得一個人手煮嘢...但佢都唔可以咁樣"蝦"我哋呢枱一班靚女架~?! 有啲遲來嘅客人, 遲過我哋order嘢食, 都有得食先過我哋喇~! 唉...都唔明點解果間嘢service咁樣?! 即使唔計service...就講食物喇...都唔係好合格! 我哋9個人分別叫唔同dinner set...但大家對3款食物嘅評價都係一樣: 都唔熱嘅! (定係等得太耐, 自然攤到凍晒~?!) 而且, 份量都好唔夠囉...哈哈! 小椒更坦言, 食完都唔覺飽...我都有咁嘅感覺呢~! -_-|||

雖然有影到自己order啲食物 & 熱飲, 不過今次都係唔post喇~! 只係post一張我哋臨走前嘅大合照啦:

當晚cafe果位一人伙計男仔, 最後都算有返一啲功得...嘻嘻...就係充當攝影師為我哋影大合照~! 我哋有5-6部相機, 個個都想影...大家都要求佢幫忙影大合照呢~! 埋單時佢都算係咁啦...比咗少少discount我哋! 另外, 好多謝Nana出一部份$請客啊~! ^0^

蚊子現在應該身在泰國, 旅遊玩樂中...嘻嘻...祝佢玩得開心啲, 帶多啲戰利品返來, 放上日記比大家大開眼界呢~! 等佢返來, 到佢返加拿大之前, 大家在4月版聚 & K聚時再見喇~! 另外, 祝步兒平安返新加坡啊! ^_^

スポンサーサイト

-3 Comments

NaNa says...""
要多謝蚊子吧...錢是她拿出來的呀~~ ^^

可以把大合照send給我嗎? thx!!
2006.03.30 13:14 | URL | #cgxBG9Ts [edit]
小南 says...""
hehehe...當晚多謝蚊子時, 佢話係妳請啊~! 所以都多謝妳啦~! 剛才已經send咗相相比大家了~! ^_^
2006.03.31 02:24 | URL | #o/0mI.d6 [edit]
says..."承認待ちコメント"
このコメントは管理者の承認待ちです
2006.04.02 23:26 | | # [edit]

Leave a reply






管理者にだけ表示を許可する

Trackbacks

trackbackURL:http://syaonam.blog15.fc2.com/tb.php/205-68e8dd82
該当の記事は見つかりませんでした。
上記広告は1ヶ月以上更新のないブログに表示されています。新しい記事を書くことで広告を消せます。