小南の日記

スポンサーサイト

上記の広告は1ヶ月以上更新のないブログに表示されています。
新しい記事を書く事で広告が消せます。

4月23日 做衫樂meeting

15   0

昨天真係好開心啊...因為可以同幾位b媽好友一齊來個"做衫樂"meeting! 首先謝謝GG班班長Peggie熱心搞meeting, GG班同學仔Carol借出佢在樂富嘅私家補習社地方作聚會場地及提供做衫材料, Carly提供做衫材料及幫忙做導師, 由加拿大來港嘅Iris(kittymiffy88)提供零食, 同埋我嘅女好友Annie嘅熱烈參加, 令大家都有一個第一次咁多人一齊做衫衫比囡囡嘅難忙小聚~! 另外, 好開心初次和Iris見面呢~! 以前我還一直以為佢係香港人...昨日才知道原來佢本身係在加拿大住嘅台灣人, 但佢啲廣東話講得好好啊~! (嘻嘻...可能同佢老公仔係香港人都好有關係吧~?! 唔知Iris同老公仔平時係唔係以廣東話溝通嘅呢~?!)...今次難得佢返一返來香港, 班長Peggie就安排定一啲meeting, 等各GG班同學仔有得見面&交流一下~! Peggie作為班長真係好稱職呢~! (唉...相比上來, 我負責的DD班真係好少咁熱鬧呢~! hahaha...^_^|||) 本來另一位同學仔Carmen都打算參加今次活動...但佢因為屋企突然有急事, 所以來唔到...後來今日才知道原來係佢爸爸突然有事入急証室, 佢要陪家人呢...在此祝Carmen爸爸早日康復啦! 昨日meeting完之後, 大家都好有興致咁plan定下次再一齊做衫嘅事情...嘻嘻...預好時間的話, 相信都好快搞得成...所以今次來唔到嘅朋友仔, 可以期待下一次嘅聚會啊~! *^0^* (不過...Carol借出嘅場地最多只容納7個人...到時要預一預人數先得喇~!)

今次得到班長Peggie點名...所以我來幫忙作為大家嘅小導師啦~! 謝謝大家接受我嘅提議, 今次一齊做我最近完成好比Nova試穿過嘅裙仔款式, 同埋用我帶來嘅布料, 絲帶, 小花等材料來做衫...難得Carly都有帶來好多靚布呢~! 不過因為大家打算一齊用同一款布料來整衫, 所以揀咗我帶來比較大塊嘅黃色花花布...足夠分比大家用...^_^ 原本我想過大家一齊自製布邊來作裙腳(不過呢個步驟都要花啲時間)...幸好後來決定用Carly帶來嘅靚靚花邊來作裙腳圍邊...節省不少時間呢~! 而且, 整出來嘅效果都好好睇啊~! ^0^

另外, Carol原來真係有拎咗佢屋企部衣車出來(好害啊~! 咁重都拎來, 真係辛苦晒呢!)...不過今次大家想一齊享受親手做衫過程嘅樂趣, 所以最後都係齊齊用手縫! 在今次嘅做衫過程中, 教咗一啲手縫心得比大家, 希望令大家日後在手縫衫衫上有些少幫忙啦~! (哈哈...雖然用衣車會比較快及方便...不過當好似我咁, 家中冇一部好衣車嘅情況之下, 都係要依靠最原始嘅手縫方法去做衫喇~! ^_^)

昨日meeting時間大約由3點左右開始, 在meeting之前, 我同Carly, Carol & Iris早少少約好在樂富一齊食lunch...我哋在Pokka Cafe坐咗近一個鐘...一齊食吓嘢傾吓計感覺真好~! meeting開始之後, 我哋大家分工合作幫忙準備紙樣, 剪布等...時間過得好快...當我哋差不多完成一條裙仔時不經不覺已經6點幾7點喇~! 哈哈...全部人完成晒一條裙仔之後, 齊齊比囡囡試穿溫暖牌裙仔&影大合照! (左起: Annie嘅T42, Peggie嘅GG, Iris嘅KB, Carly嘅SDM, 我家Nova, Carol嘅GG)

雖然我本身唔係GG班同學仔, 但感覺上係GG班嘅活動, 而我都有GG, 所以就帶咗Nova出來喇~! ^0^

今次第一次見到Lati Doll真身...真係細細粒又可愛呢~! *^0^*

Iris囡囡 & Carly囡囡


Nova: 多謝Peggie姨姨送嘅米奇公仔啊~! ^0^
(Nova其實係一個玩具收集迷呢~!)

昨日meeting完之後大約7點幾8點, 大家各自返家了...而我就去咗美孚同家人&朋友一齊到酒樓食晚飯...昨晚返到家已經11點了! Nova跟咗我出街一整日, 佢返到屋企時都好累呢...哈哈, 話咁快就睡著了:


好期待下一次再見Iris(趁佢返加拿大之前), 同埋下次大家又一齊出來meeting呢~! (0^v^0)

スポンサーサイト

-15 Comments

小玎 says...""
大家都好有心機 , 33都做好令 ,
感覺一定好好. 一家好高興.
如果下次有d多人少少的聚會可以問下我的
因為我和話劇朋友合租了一個地方來排戲
都有900呎左右
2006.04.25 03:17 | URL | #- [edit]
clowncarol says...""
衫衫由唔同的人整, 雖然紙樣一樣, 但都有唔同的感覺呢~~~~
下一次, 大家都要一起再聚o牙!!
2006.04.25 04:02 | URL | #- [edit]
あんず☆ says...""
小南ちゃんヾ ^_^ハロー♪
文章読めなくて理解出来ないんだけど・・・
おそろいワンピ可愛い~~~(^○^)
イエローのワンピって可愛いd(^-^)ネ!
私もイエロー生地さがそう!!!

Lati Dollちゃんも可愛いネ♪
全部小南ちゃんのお嬢様なのかしら?
2006.04.25 09:02 | URL | #dOF0KSWE [edit]
peggie says...""
小南真係唔駛客氣,難得你肯來教我地,我地好榮幸就真,最重要個個都玩得開心,我只是安排日記和出通知給大家,都不會很辛苦,我第二次meeting己出了投票選日期了,你都有份呀,我都有預小玎了。
那份小禮物是小小心意,你唔好介意就真,不過我買了禮物好耐,所以沒有預到比annie,真不好意思。
我都好期待下次meeting呀,希望我地可以定時定候會出來見下面玩下囡啦。其實最重要你地玩得開心,我呢個班長點做都得。
你都唔好咁講你做班長不好,因為我地gg班人少,真係易handle到,咁又有carly和carol咁熱情先可以大家玩得埋,還可以識到你、carmen和annie啦,否則我都未必可以搞到個個都咁開心啦
2006.04.25 14:42 | URL | #- [edit]
Carly says...""
小南寫得好詳細呀*o* 小南真係一個好好既導師,好有心機教大家,可以係咁短時間大家整好條裙裙(仲係全部手聯),感覺好開心呀^O^
2006.04.25 22:38 | URL | #- [edit]
貞媽 says...""
嘩!!!靚女~加靚衣

好羨慕囡囡都有一樣的衣服^^
2006.04.25 22:44 | URL | #- [edit]
貞媽 says...""
要準備老翻啦!!!!!

最近小南太多靚衣作品了^^
2006.04.25 22:50 | URL | #- [edit]
Annie says...""
The meeting is so ... happy ar!! Thank you for your teaching o^v^o.

Besides, I would like to thank carly, carol, iris and peggie for bringing making materials, providing the place, snacks and organizing the meeting. (I guess all of them will view this block) ^v^.
Hope to meet you all soon.

2006.04.26 00:25 | URL | #- [edit]
Carly says...""
Annie唔好咁客氣啦,其實大家都玩得好開心,多謝你既參與^_^

小南, 我地諗住2/5 或3/5 晚同iris食晚,你得唔得join我地呀!
2006.04.26 01:13 | URL | #- [edit]
小南 says...""
謝謝大家回覆...大家玩得開心, 我都好開心呢~! 真係好期待再次一齊整衫仔啊!

小玎: 有個900尺地方...好正呢~! 如果方便的話, 去妳那兒都好啊! 謝謝妳幫忙~!*0* 我想過, 妳可能星期日要去排戲/做話劇, 所以今次冇叫到妳呢~! ^_^|||

Carly: OK呀~! 一齊食晚飯好啊~! ^0^
2006.04.26 02:05 | URL | #Tm.KNRm6 [edit]
小南 says...""
あんずちゃん、こんばんは!コメントありがとう~!今度はちょっと長い記事でした。日本語で書いてなかったんですが、あんずちゃんに中国語の記事理解出来なくなって、ごめんね!^_^||| 

ここに書いたのは先週日曜日の午後にブライス仲間の手作りオフ会の記事です。わたしは5人のブライス仲間にこの洋服の作り方を教えてあげました。みんなもいっしょに手縫いして、4時間ぐらいにやっと手作り洋服出来上がって、うれしかったんです!

イエローのワンピ可愛いでしょう?!あんずちゃんもイエロー生地さがそうですか?よかったら、わたしたちは生地や手作りOFの交換会をしましょう?!それじゃ、わたしはあんずちゃんにこのイエロー生地お送りしますね!(0^V^0)

わたしはその日Novaちゃんだけ連れて行きましたが、あのふたりのLati Dollは友達のお嬢様です。(わたしはLati Doll持ってないんですね!) ^_^
2006.04.26 02:27 | URL | #Tm.KNRm6 [edit]
Sandy Byrne says...""
嘩~~~~ 好有心機喲各B媽們 =D 希望返香港果陣都可以參加一下呢種o既meeting呢 ^^
2006.04.26 08:41 | URL | #- [edit]
Carmen says...""
我爸爸已經沒大礙了, 謝謝小南對他的關心~

另外, 我對最後都嚟唔到感到有d可惜哦! 尤其想到本來可得到小南的真傳時, 唉 . . . 小南, 下次你一定要補教我哦, thanks a lot ^___^
2006.04.26 18:14 | URL | #- [edit]
あんず☆ says...""
小南ちゃんヾ ^_^ハロー♪
手作りオフ会だったのね。
4時間もかけてチクチクしたんだ!
楽しそう~~~(^○^)
Lati Dollちゃんはお友達のお嬢様なのね♪

>生地や手作りOFの交換会をしましょう
  ↑って本当???
嬉しいわぁ~~~
でも私お針子修行中なので上手じゃないよ!
それでもいいかしら?
2006.04.27 00:21 | URL | #dOF0KSWE [edit]
kittymiffy88 says...""
哈哈!! 好高興大家都鍾意呢個台式meeting,大家都玩的好開心呢!! 當然最感謝Carol既工具及場地, Carly既材料(雖然未用到,但都好有心呢!!^^),以及小南既布料與教導!! 小南真係好好人!!好好手工呀!!
好希望有機會可以再和大家一起玩過!! 或者歡迎大家有機會過來加拿大探下我呀!! 小南或者考慮下來加拿大度蜜月呀!! ^_^
2006.04.27 02:47 | URL | #- [edit]

Leave a reply






管理者にだけ表示を許可する

Trackbacks

trackbackURL:http://syaonam.blog15.fc2.com/tb.php/224-17c3613c
該当の記事は見つかりませんでした。
上記広告は1ヶ月以上更新のないブログに表示されています。新しい記事を書くことで広告を消せます。