小南の日記

スポンサーサイト

上記の広告は1ヶ月以上更新のないブログに表示されています。
新しい記事を書く事で広告が消せます。

4月29日 與日本朋友遊旺角(一)

6   0

話說上年5月Masami小姐來香港時, 因為時間太少, 所以佢只有一天的早上12點前行過兆萬中心...可是, 佢唔知兆萬中心內的玩具店多數都下午後才開店啊~! 所以當時好可惜, 佢買唔到嘢比囡囡呢~! 今次趁佢來香港有多少少時間, 我就約佢昨天下午放工後, 1:30pm在油麻地MTR內等, 因為我打算帶佢行吓油麻地同旺角嘅玩具店, 去睇blythe嘢~! 今次同行還有佢朋友Kaoru小姐, 雖然佢唔係b媽, 不過都有同我哋一齊去睇玩具呢~! Kaoru小姐好有趣, 佢啲廣東話都學得唔錯啊! 我帶佢哋先去油麻地現時點商場行咗一陣, 見兩間賣blythe嘅店都未開...就帶佢哋去旺角果邊喇...

去到西洋菜街時, 佢哋問我附近有冇一間文具店~?! 原來佢哋星期五當日同Cali小姐 & 其他香港朋友見面時, 見到佢哋買咗一啲好有趣嘅咭, 那是好有香港特色的咭...佢哋想買來作手信/紀念品! 因為佢哋聽說在西洋菜街的文具店有得買到...所以就問吓我喇! 當時其實我聽完之後, 都唔知係咭來的?! 但在果條街上的文具店的話, 我就只係想到"中南"! 唔理咁多, 帶咗佢哋入去中南搵吓有冇果啲咭...我哋上了中南最頂層, 終於搵到喇!!! 佢哋兩個發現到果啲咭時, 個樣真係極度開心咁呢~! (我哋3個啲喧嘩聲真係嚇親旁邊啲人) 我哋不停咁在研究果啲咭嘅多種不同款式, 例如: 魚蛋串, 雞蛋仔, 中藥煲等等...當中我覺得那個扮係恆生銀行嘅支票及紅簿仔最搞笑! (當然佢唔係寫"恆生", 而係"開心"之類改咗少少嘅名稱) 每張咭都有一個紅白藍膠袋pattern的信封, 整體來說, 呢款咭真係好有香港特色啊~! 不過每張賣$22左右, 都唔係好平呢~! Masami小姐最後幾乎每一款都有買, 埋單要百幾元呢~!

好開心買到手信之後, 我哋先去兆萬地下層逛咗一陣, 因為當時地下層好多店都未開...我哋只係去咗唯一有開的, 賣blythe & pullip衫衫的店那兒睇嘢, Masami小姐買咗一條長褲比囡囡~! 之後上去上面...在一層嘅Toy-House內逛咗一陣, 當時女店主招呼緊4個十幾歲嘅男生(佢哋在商量買邊一隻款嘅blythe好呢~?!) Masami小姐就同我講...覺得佢哋似係買blythe送比女朋友呢~! 唔...我都覺得佢哋似係打算買來送比女仔...不過我都有同Masami小姐講, 其實香港都有男仔玩blythe啊~! 佢聽到之後覺得好出奇呢! 後來我哋出去Toy-House店門前, Masami小姐影咗一張店內嘅相相來留念...影影吓相之際我見到kawai_blythe(Dolby)突然出現在附近...同佢打咗個招呼, 介紹Masami小姐比佢認識! ^_^

在逛二層時, 我哋在超人玩具發現$499嘅新出T42 Encore! 真係好抵啊! (嘻嘻...有啲心思思想買一個來試吓custom呢~!) 而新出幾隻petite都有貨了~! 後來逛玩具狂熱時發現petite sdm賣$89, 在心動價引誘之下我就決定接佢返家! 呵呵呵! 逛完冇耐, 女朋友Annie(姊姊)來了...呢個時候, 已經2點幾...其實原本Masami小姐 & Kaoru小姐約咗其他在香港住的日本朋友出來見面嘅...所以佢哋差不多時間(3點)要趕去尖沙咀同朋友會合! 佢哋兩個過來香港旅行, 都有租用手機, 所以聯絡好方便! Masami小姐就打電話同其他朋友說, 打算同我哋去坐低飲啲嘢(難得出來b聚嘛~!), 之後再會合佢哋...而不是b媽的Kaoru小姐就先在3點左右去尖沙咀同其他日本朋友會合! 我哋幾個送Kaoru小姐去返油麻地MTR站, Masami小姐幫我, Annie & Kaoru小姐在MTR出口前影咗一張合照留念:

我, Annie & Kaoru小姐

Kaoru小姐走咗之後, 我哋3個又去返旺角果邊...打算搵吓有冇好地方可以坐低飲嘢...行到登打士街, 望上去好多樓上店, 招牌等...其中發現到一座大廈2樓內有一間好似係新開嘅, 以Snoopy故事內嘅Charlie Brown為主題嘅Cafe! 從街上望上去店內, 覺得室內環境似乎不錯...就決定去果度來個下午茶小聚喇~! 甫踏入店內, 就覺得好有Snoopy版Starbucks感覺, 都是以賣coffee為主, 自助式的餐廳...當時店內都幾多人, 不過尚算環境舒適, 同埋有好多張大梳化...正! 店內裝修都好新淨...感覺上好似新開業冇幾耐呢~! 我哋搵到餐廳中間位置一組梳化, 就坐低咗! 當日朝早我在公司時食咗一份三文治早餐...放工之後到下午都未食lunch呢...起初真係有啲想叫飽少少嘅食物! 不過果度好似冇lunch嘅食物選擇...而另一方面, 有見果度啲甜品賣相幾good, 就order咗一個waffle加一杯凍檸茶來作為我個tea-lunch喇~! 一份有4大塊Charlie Brown樣嘅waffle, 加幾粒草莓, 紅莓...只賣$28! 味道都唔錯啊~! 而飲品就平均廿幾三十元...真係同Starbucks差不多價呢~!

見大家只係叫咗飲品...所以我就將waffle美食同大家分享喇!

店內隨影:




Petite sdm成為我家第76名細囡!


坐坐吓...女朋友莉莉人(妹妹)終於放工, 來到同我哋會合喇! 此時大家拎啲囡囡出來開始影相相...

未食waffle之前, 大家都要同waffle影相留念! 囡囡們都出來影相呢~!

kekeke...影咗Masami小姐同女佢哋在為囡囡擺位準備影相:


我哋幾個嘅囡囡大合照:

(Annie嘅HW, Masami嘅LM & IOU, 莉莉人嘅Roxy, 我家Nova)

原來Masami小姐在當日中午時同Kaoru小姐去咗油麻地警局前, 同穿起香港警察制服嘅兩個囡囡影相! 佢好似好喜歡囡囡穿起香港警察制服呢~! ^_^

~待續~

スポンサーサイト

-6 Comments

小玎 says...""
Charlie Brown為主題嘅Cafe!
我都去過我本身不喝coffee所以叫了朱古力, 好好味, 你家又加新成員(細囡)公起你
2006.05.01 03:54 | URL | #- [edit]
莉莉人 says...""
很享受當日的聚會!
我都幾鍾意間cafe! ^_^
2006.05.02 01:57 | URL | #- [edit]
peggie says...""
你又生小b呀,恭喜你呀!
呢間上樓cafe好似幾好,有機會我再一齊去呀!
2006.05.03 14:24 | URL | #- [edit]
貞媽 says...""
靚靚小南又出鏡啦^^

好棒的迷你B聚
2006.05.03 20:52 | URL | #- [edit]
小南 says...""
謝謝大家啊! ^0^

Charlie Brown Cafe地方真係幾唔錯, 有機會再同大家一齊去! (小玎: 嘻嘻, 我都係唔喜歡飲咖啡呢!)
2006.05.04 11:56 | URL | #o/0mI.d6 [edit]
says..."管理人のみ閲覧できます"
このコメントは管理人のみ閲覧できます
2006.05.14 04:27 | | # [edit]

Leave a reply






管理者にだけ表示を許可する

Trackbacks

trackbackURL:http://syaonam.blog15.fc2.com/tb.php/227-8e2b500d
該当の記事は見つかりませんでした。
上記広告は1ヶ月以上更新のないブログに表示されています。新しい記事を書くことで広告を消せます。