小南の日記

スポンサーサイト

上記の広告は1ヶ月以上更新のないブログに表示されています。
新しい記事を書く事で広告が消せます。

5月21日 Peggie的生日Party

10   0

上星期日雖然整日下雨, 但無阻礙大家一齊同Peggie開生日Party呢~! 因為我哋在B-Family Cafe內開Party嘛~! Peggie book咗6點至9點開生日party...當日我同莉莉人就約好咗6點左右在cafe附近天橋等, 之後同佢一齊去(因為莉莉人未去過cafe呢~!) 上到去cafe已經見到好多朋友仔來到了, 其實大家都差不多6點幾上到cafe呢~! 所以人齊之後, 大家就拎囡囡出來排排企影大合照(大合照都可算是每次b聚嘅指定動作!) 除咗blythe之外, 都有其他娃娃一齊影大合照呢~! 當晚終於親身見到Hau Yee嘅benny仔喇~! benny仔好可愛呀~! ^0^

出席生日Party全體娃娃大合照:


茉莉與莉莉人嘅囡囡及BB Lica合照:


上到cafe一見到Carly, 佢就比我睇佢啱啱在聯合宇宙船買到嘅新一期Dolly紙樣書! (今期係momoko小姐做封面呢~!) 哈哈...被Carly引誘, 睇過書入面啲靚相之後就令人好鬼心急想去買返一本! 於是在大家為囡囡影大合照嘅同時, 我個心其實係飛咗去另一處的...就係正在想好唔好趁未開餐之前行過去聯合買呢本書?! 其實就算唔係受人引誘, 我都會買呢本書嘅...因為之前都有買同系列嘅Vol.1 & Vol.2...所以買開嘅就唔淨在買埋Vol.3! 而且見宇宙船賣個價真係幾合理...所以我都決定咗一定會去果度買呢~! (所以我只係在想, 好唔好當晚去太子果間宇宙船買丫, 定係第二日返工時, 趁lunch time走過銅鑼灣果間先買...) 最後, 因為莉莉人, 艾莉同埋Carmen都不約而同地受咗Carly嘅成功引誘, 既然大家都有興趣即時落街去買返一本, 我哋就在影完囡囡大合照之後拿拿聲行過去附近嘅聯合廣場果度買書! 好在果間宇宙船入咗不少貨...大家都成功買到書, 真係好開心呢~! (哈哈...相信宇宙船的職員當時可能會驚訝點解一時間突然有幾個客來買4本同一款嘅書吧~?!)

出席生日Party所有朋友仔嘅大合照, 我同莉莉人同壽星女Peggie合照...仲有Peggie切蛋糕相相:


由Peggie預先安排, 果媽親手炮製嘅什錦美食, 每人一份...內有各式各樣生日會的常見美食如菠蘿腸仔, 雞翼, 沙律等等...再加埋燒賣及一個日式飯就已經好豐富喇! 另外, 飲品主要有什果賓治(後來我也另外叫咗一杯熱茉莉花茶呢~! ^0^)...而甜品就有果媽送的自家製藍莓芝士蛋糕, 同埋每人一杯木槺布甸, 都幾好味呢~! 而且, 以每位$58收費來說, 都OK抵食架~! *^0^*


Blythe Family Cafe 室內環境:

最近新添咗一部32寸電視呢~! 我哋一邊開party, 一邊睇"魔幻王國"~!
(謝謝大家應我個無理要求, 找出有北極熊出現的少少片段播返比我睇...hahahha ^_^)

在cafe內有一部電腦可以上網...Carly, Hau Yee佢哋上Lati官網睇相相時有新發現, 即時令對Lati有興趣嘅朋友仔都興起上來! Carly好似有啲心思思想生多個Lati陪吓Lea, 而莉莉人都好似想生第一個Lati...不過我就冇話對BB娃有太大興趣喇...反而, 如果真係要玩BJD的話, 我對男娃比較有興趣呢~! 呵呵呵! (暫時我最喜歡的男娃仍然係SD嘅橘四郎 & 南条勲! 佢哋真係超有型呢~! *0* 不過, 身價真係太高了...>_<) 艾莉知道我對男娃有興趣之後, 都好積極上一些BJD官網, 介紹啲男娃比我睇...哈哈...佢介紹的國內新娃牌子DollZone, 價錢的確係幾吸引...而且當中都有一個幾型仔款架! 不過...我都係想吓先啦...暫時都冇打算生...^_^||| 有時覺得自己未必會好有心機玩大娃...況且要整衫比大娃真係一個困難呀! (如果以手聯來整, 要完成一件真係要命囉!) 另外...我都想唔到在家可以點set景同大娃影相呢?! 平時影開嘅blythe, 相比上來細粒啲, 要set景都方便啲呀! 想吓想吓...那一種想生大娃嘅衝動都慢慢冷卻下來...其實有時看來喜歡嘅嘢, 自己擁有與否都無所謂嘅...間唔中睇吓其他人為自己的大娃悉心打扮過而影的相相已經足夠了~! 而且我仍然對自己啲blythe囡囡, 係比較有心機去為佢哋悉心打扮呢~! 就算中途有幾位momoko小姐來了, 都搶唔到囡囡們的地位...哈哈! ^_^

9點之後, 其實party都算完滿結束喇~! 大家都返家了...淨返我, Peggie, 艾莉同埋Carmen一齊留在cafe多一陣...一齊傾計說笑! 在傾學Yoga趣事之時, 大家又試吓做少少Yoga動作...不過Peggie, 艾莉及Carmen佢哋所形容在上堂時學過的一些動作, 真係好難做到呢~! (我啲筋骨真係好不柔軟呀...哈哈! ^_^|||) 10點左右, 我哋都走了...因為我同Peggie住在同區...大家一齊行去搭火車返家呢~! 同大家相聚時, 都可以傾一餐呢種感覺好開心呢...期待下次再同大家meeting啊~! (0^v^0)
スポンサーサイト

-10 Comments

Carly says...""
就係因為咁,我無端端比人封咗做魔鬼1號v-388
2006.05.25 01:33 | URL | #- [edit]
hau yee says...""
小南真係好有心機post d相相喎,不過呢度真係好舒服,希望下次可以再離呢度meeting都好呀!.^0^..
2006.05.25 02:19 | URL | #- [edit]
says..."承認待ちコメント"
このコメントは管理者の承認待ちです
2006.05.25 05:08 | | # [edit]
艾莉 says...""
XD, 我都步1號後塵, 做左3號~
2006.05.25 13:47 | URL | #- [edit]
peggie says...""
小南,有機會你都去試下玩下,真係都幾好幾relax的,我近來心情唔好,玩完那晚回家真可以睡得好好呢!
好開心每次玩完有你同我走,以前出外邊玩都沒有人同我同路回家呢,不過你好快要離開香港了,都祝你幸福
2006.05.25 14:25 | URL | #- [edit]
peggie says...""
小南,你比你張大合照給我peggie521@sinahappy.com,唔該你。
那晚的食物安排好嗎? 好在那天沒有其他,可以讓我們任玩,咁先玩得開心。
2006.05.25 14:27 | URL | #- [edit]
NaNa says...""
這間cafe好漂亮啊~~

在那兒的??
2006.05.25 16:17 | URL | #cgxBG9Ts [edit]
小南 says...""
hau yee: 有機會再一齊去果度小聚都好啊! ^v^

mandy: 下次妳返來香港時, 有機會都想同妳上去cafe玩呢~! ^0^

Carly, 艾莉: 說真的...可能我哋圍內人全部都係魔鬼呢! wakkakakakak XD

Peggie: 果晚食物安排都ok呀...全場只得我哋一班人自己一齊玩, 真係感覺好好呢~! 我都好開心而家同大家一齊meeting完之後有妳同我一齊搭車返家呢~! Yoga有好多高難度動作, 我有啲怕做不來呀~! 哈哈! 係啊...今晚返家後才email相相比妳啦~! 另外, 謝謝妳的祝福啊~! *^v^*

Nana: cafe在太子至旺角之間的一段花園街的一座唐樓的一樓一個單位內...其實果座樓算係住宅樓, 不過店主(都係一個b媽)在一樓租咗一個單位, 特別用來作為一個以blythe為題材的cafe...開店之後, 我哋呢啲b媽可以多個聚腳點喇~! ^v^
2006.05.26 12:13 | URL | #o/0mI.d6 [edit]
Anmary says...""
嘩!!! 我也好想去啊! 在那裡呢?
上去要BOOKING的嗎?
2006.05.26 21:43 | URL | #- [edit]
小南 says...""
Anmary: 在旺角花園街...正式地址可以在Blythe Family個網站內找到~! 我想, 平時上去cafe前都會打個電話去睇吓有冇人在店內才上吧~?! 如果一班人上去meeting, book咗會好啲呢! ^_^
2006.05.29 12:33 | URL | #o/0mI.d6 [edit]

Leave a reply






管理者にだけ表示を許可する

Trackbacks

trackbackURL:http://syaonam.blog15.fc2.com/tb.php/249-4e311746
該当の記事は見つかりませんでした。
上記広告は1ヶ月以上更新のないブログに表示されています。新しい記事を書くことで広告を消せます。