小南の日記

スポンサーサイト

上記の広告は1ヶ月以上更新のないブログに表示されています。
新しい記事を書く事で広告が消せます。

返來了!

12   0

昨晚返咗來香港了~! 今次6日的東京之行...真係好忙好忙呢~! 基本上只有上星期五一日, 有自由時間(當日我就同mayo小姐來個娃聚)...其他日子都係同佢一齊去搞結婚有關嘅嘢...如果只係同佢一齊都好啲! 可是連續幾日佢媽咪都跟埋一齊...有兩日就佢爸爸都一齊來...唉~! 某程度上都覺得有點不自在! 不過因為我哋呢幾日係去揀結婚禮服 & 睇屋...所以佢哋一齊來幫吓眼, 比意見都好正常嘅...但去睇屋果日, 大家都有不同意見...之後又發生咗小小事情, 而之後果一兩日佢媽咪成日都搵機會(當只有我同佢兩個一齊嘅時候)不停用日文來向我說教, 我覺得真係有點不耐煩! 聽唔明佢講都還好丫...可是我知道佢同我講, 所以感覺不太自在! >_< 哈哈...後來我同男友講起呢件事...佢就笑說: 都係唔好同佢哋一齊住比較好呢~! (其實男友一早就決定要搬出來住了!) :P

經過今次去睇屋之後, 突然強烈感覺到日本同香港在生活及文化上嘅不同...似乎日本人夢想嘅家, 都係有自己一間屋, 有小花園/車位...而且不太介意地點偏僻及寧靜...可是我絕對不習慣住在那些山丘上的偏僻小屋住宅群, 當我想像到自己單獨出街去買嘢的話, 真係超唔方便呢! (況且我不喜歡上落斜坡) 男友喜歡住屋...我卻習慣住大廈(而且要方便出入, 方便買嘢的)...可是日本普遍的居住環境, 如果要揀住屋的話, 都唔係我想像中咁方便呢! 幸好星期日當日一整日去睇過的十多間屋入面, 都冇理想的屋...隨咗有一間係所有之中比較好的...而且幾乎想買了! 可是最後在種種因素之下, 男友決定不買那屋了! 佢覺得那地方雖然都近東京都市中心, 返工都算方便, 可是地區是神奈川而不是東京都...還是在東京都另一個近市中心嘅地區搵過更適合的新居比較好呢! (嘻嘻! 佢始終都係喜歡東京都地區呢!) 我同男友說過, 我最注重地點方便問題...佢考慮過我可能未必適應到新生活, 所以最後改變主意...可能起初都係租apartment住先...日後搵到理想嘅屋才改住屋吧~?! 我笑說, 不如就在青山區(佢公司附近)搵新居吧~?! 那麼佢就可以晚晚返來一齊食晚飯, 就算公司工作好忙, 都可以抽到時間返一返來吃完飯再返回公司繼續工作都冇問題啊! (唉! 理想還理想...實際上市中心地區內比較大的apartment單位嘅月租都好貴的呢~!) 8月尾再去東京時...我哋又要再去搵新居了~!

今晚放工返家執好相相之後...再同大家分享我哋在東京揀結婚禮服當日, 試穿禮服時所影嘅相相啦~! (0^v^0)

スポンサーサイト

-12 Comments

Carmen says...""
辛苦你了小南, 我也是十分不讚同婚後與老公雙親同住的人, 所謂, 相見好同住難麻! 而且你們我生活背景&習慣都不同, 更加容易發生磨擦呢!

另外, 我&男友也正在西貢找屋, 不過我的想法跟你有點不同, 我喜歡有小花園的, 方便我養狗狗麻~ ^^
2006.07.19 13:41 | URL | #- [edit]
Carol says...""
我都唔喜歡同家人同住, 因為此終可以唔駛同咁多人交待....
尤其是同朋友玩得夜左or夜瞓d都可以唔駛比人哦......
好在現在男友都同搬埋出黎住, 雖然生活一切都靠自己去打點, 但始終都係方便d....
2006.07.19 14:44 | URL | #- [edit]
miyuki says...""
Welcome back 呀 ~ 小南, 我都好心急想睇相呀! 不過等你休息好, settle好先啦 ~ 我諗d相一定係好正o既!
2006.07.19 16:30 | URL | #- [edit]
小嘉 says...""
找屋子的確會很煩,始終要考慮清楚,顧慮很多事情!慢慢找到適合的吧!

始終文化不同,和他們父母可能更容易有意見分歧呢...要好好努力呀!^^
2006.07.19 22:27 | URL | #- [edit]
beckiehy says...""
小南呢次旅程真係好busy喎! 幸好揀住屋妳男友都體諒妳, 同埋佢既唸法同妳一樣-二人世界就最好嘞!v-290
2006.07.19 22:29 | URL | #- [edit]
Carly says...""
小南返來啦,好似去咗好耐咁!

其實我都贊成你地二人世界,唔好同佢屋企人一齊住,大家文化唔同,好容易有磨擦,希望你下次再去可以搵到合心水新居^_^
2006.07.19 22:48 | URL | #- [edit]
巫 says...""
神奈川有無見到流川啊? kakaka!
welcome back
2006.07.20 00:22 | URL | #- [edit]
米唐 says...""
小南終於返來喇!原來你去搞結婚既野呢!睇見你試婚紗既相好靚呀!感覺好幸福呢!^^
你忙完的話下星期搵日食飯丫!我地都好耐冇見呢!
婚後梗係同老公兩個人住好啦!我都好頂唔順我奶奶架!老人家係長氣,不過我奶奶加埋火爆仲難頂呢!好彩佢住係附近,唔係同一間屋,都已經好嘔血喇!
2006.07.20 08:45 | URL | #- [edit]
小玎 says...""
希望小南 下次到日本時, 可以找到合心水的新屋
2006.07.20 09:53 | URL | #- [edit]
艾莉 says...""
HA~小南, 你開始感受到呢了~
婚後搬出黎, 大家才學到點去維持一個新既家, 同父母一齊住,一來唔慣, 二來好多野都唔到自己話事既.

屋慢慢找喇, 要找到個你地會住得開心既家^0^
2006.07.20 13:55 | URL | #- [edit]
lala says...""
小南,
你婚後會去日本跟男友一起生活呀?
咁幾時會去呀?
2006.07.21 14:21 | URL | #- [edit]
小南 says...""
Carmen: 其實我都唔介意有小花園...我只係比較介意方唔方便嘅問題呢~! 但上次去睇果啲屋, 多數有小花園嘅, 都係在好偏僻嘅地點啊~! >_< 我祝妳同男友早日在西貢搵到合心水嘅屋啦~! ^_^

Carol, hau yee, Carly: kekeke...大家都係覺得二人世界好啲呢~! :P

miyuki: 謝謝呀~! 其實今次我冇同囡囡&小狼影好多相...只係得一日去動物園果陣有影相相咋~! 所以話唔定會令妳有少少失望啊~! ^_^|||

小嘉: 對啊~! 真係好煩呀! 但係都要花心機 & 時間去搵啊...始終買屋係一個好重大嘅決定呢~! 我哋會努力架喇! 謝謝妳嘅鼓勵啊! (0^v^0)

小巫: 如有的話...我都好想見到流川啊~! *0* kakakak XD

糖糖: 好啊~! 我同阿ming傾過電話...有可能下星期四晚出來食飯好嗎~?! 莉莉人說, Lati會在7/24開始送貨...有可能25或26日就會收到呢! 嘻嘻...我都好想見證妳家第一個Lati嘅出世呀~! ^0^

小玎: 謝謝呀~! 我都希望早日搵到合心水嘅地方啦~! ^_^

艾莉: 係啊...開始覺得有啲壓力咁...心情有啲怪怪的, 既期待同佢嘅新生活, 但又有啲怕突然嘅轉變會適應唔到呢~! ^_^|||

lala: 係呀...到時要移居東京了~! 11月尾在那兒結婚之後...可能都要返一返來香港搞"配偶者簽證"嘅事...等到簽證之後就會過日本定居了~! 但間唔中都會返來香港嘅~! ^_^
2006.07.22 00:03 | URL | #o/0mI.d6 [edit]

Leave a reply






管理者にだけ表示を許可する

Trackbacks

trackbackURL:http://syaonam.blog15.fc2.com/tb.php/315-bb131d15
該当の記事は見つかりませんでした。
上記広告は1ヶ月以上更新のないブログに表示されています。新しい記事を書くことで広告を消せます。