小南の日記

スポンサーサイト

上記の広告は1ヶ月以上更新のないブログに表示されています。
新しい記事を書く事で広告が消せます。

配音員

10   0

今朝聽電台節目時, 得知香港的一位資深配音員於幾日前離世...原來那位就係陪伴咗全香港咁多叮噹迷十幾年, 為大雄配音嘅盧素娟女士...(之後我上網睇新聞就睇到有關報導) 而為叮噹配音的林保全先生, 聽見這位多年來嘅拍檔先要離去, 被問及感受時, 佢就感觸地說: "有點唏噓,大家已經合作了那麼多年,相信再為多啦A夢配音時,一定會懷念這位好拍檔!"

其實早前叮噹要改名做多啦A夢...那時都覺得感覺怪怪的(雖然原本佢在日本的名稱真係叫Doraemon) 而咁多年來, 聽慣咗佢哋兩把聲配大雄和叮噹...如果將來由另外一個人來配大雄把聲...可能感覺更怪吧?! 雖然如此, 其實這對我來說又不是好大問題嘅...因為自從返工之後都好少機會睇到在早上/下午才會在電視上播的多啦A夢了~! 反而現在逢星期六晚深夜播的動畫, 我就有機會在家睇到~! :P (btw, 唔知最新那套多啦A夢大動畫, 由邊個為大雄配音呢~?!)

自小已經好喜歡睇日本卡通片...細細個果陣, 隨咗因為喜歡睇卡通片而發展咗畫公仔嘅興趣及喜歡上日文之外, 那時我也曾想過, 大個之後有機會做吓配音員都唔錯啊~?! 如果可以配到一個自己喜歡嘅卡通角色, 真係一件好興奮嘅事呢~! (妄想中) 當然...最後只係得個"想"字啦~! 因為我覺得自己把聲冇大變化, 又冇聲氣...最重要係我唔可以好似專業配音員咁害, 可以扮聲呢! ^_^|||

相信和我一樣有相同集體回憶的叮噹迷...都會懷念這位大雄吧?!

[5pm New Update]
剛在網上睇到有關盧素娟女士曾配音的角色:

參考資料

睇返以上資料, 發覺除大雄之外, 當中其他動畫角色如火野麗, 柯南, 風見車人, 杜拉格斯, 遙大地, 姆明, Pasu等等...我都好喜歡呢!

スポンサーサイト

-10 Comments

anmary says...""
聽到這消息很不舒服呢.......

盧女士配過很我的喜歡的動畫人物啊! 她應該未到退休的年紀的... 有提及是因為什麼事情去世嗎?
2006.07.26 14:20 | URL | #- [edit]
peggie says...""
你真是一個日本迷呀
2006.07.26 14:31 | URL | #- [edit]
小南 says...""
Anmary: 我睇網上新聞說, 佢今年只係五十幾歲...很可惜因腸癌病逝...如果冇事, 其實以佢呢個年齡, 仍可繼續做配音呢~! 佢以往配過的動畫人物入面, 大雄的印象最深刻啊~! 叫我突然間想返起其他人物, 真係想不起來呀~! ^_^|||
2006.07.26 15:55 | URL | #o/0mI.d6 [edit]
小嘉 says...""
我也知道這個消息...
我很喜歡他配的男角!感覺很特別!當然最深刻是大雄,火野麗,還有亂太郎...
為什麼配音員都是比較早逝呢...-_-還記我 記年前有一位很年輕的男配音員(曾配過笑傲江湖任賢齊那位),我也很喜歡的!只是二十九歲左右便因病逝世...是很令人惋惜...
2006.07.27 00:50 | URL | #- [edit]
果子 says...""
近日會上畫的叮噹大電影是盧素娟女士的遺作
如果真的跟我談香港 / 日本配音員
可以談幾個小時
不過近年已經少留意
腦海中的database 都係95年打後到00年左右吧......
2006.07.27 11:09 | URL | #- [edit]
Carmen says...""
對呀! 我知道消息之後也感到好可惜哦!

我以前曾跟一位亞視的配音員學過配音, 因此得知大概行情, 配音行業十分窄, 來來去去也是幾個人配音(無論電視台的節目又或者外判工作亦是如此!), 而且外行人不懂"lon"路, 也是很難入行的, 因此這行已慢慢息微了! 再加上沒有什麼受認可的配音課程, 實在難以加入新血呢!

現在香港好的配音員已經所剩無幾了, 他們又得不到重視, 唉 . . .
2006.07.27 13:57 | URL | #- [edit]
Quini says...""
"記年前有一位很年輕的男配音員(曾配過笑傲江湖任賢齊那位),我也很喜歡的!只是二十九歲左右便因病逝世...是很令人惋惜...- from 小嘉 -"

這個令我諗起有個我好鍾意0既無線配音員郭志權消失了… 佢配過龍珠0既比逹同幽遊白書0既幽助的… 但唔多記得係咪佢配笑傲江湖0既任賢齊… 希望唔係佢吧…
2006.07.27 22:46 | URL | #- [edit]
小南 says...""
小嘉: 原來那位配音員29歲就離開咗...真係好可惜呢~! 印象中都記得佢為小齊配音那把聲...佢配得幾好呀!

果子: 後來我在網上新聞睇到...好似話新上畫的叮噹大電影唔係盧素娟女士的遺作呢~! (應該係第一代大雄配音員曾小姐來配音啊~!) 談配音員的話, 我都好有興趣呢! 嘻嘻...不過同妳一樣...都係近來少咗留意了...^_^|||

Carmen: 嘩~! 可以向專家學習配音...好幸福呢~! 我都覺得配音行業十分窄啊! 感覺上...日本方面的配音員比較起香港的, 更得到重視呢~!

Quini: 睇完妳舉出嘅例子, 我都有少少覺得係同一人為比達, 幽助及小齊配音啊!
2006.07.28 13:10 | URL | #o/0mI.d6 [edit]
小嘉 says...""
to Quini
不是郭志權呀~我說的那位是黎偉明,
郭志權好像只是到外國讀書~
2006.07.28 17:23 | URL | #mQop/nM. [edit]
步兒 says...""
之前有個時期很迷配音員
有想過做配音員
也曾試過去應徵
2006.07.28 21:24 | URL | #- [edit]

Leave a reply






管理者にだけ表示を許可する

Trackbacks

trackbackURL:http://syaonam.blog15.fc2.com/tb.php/323-9e386249
該当の記事は見つかりませんでした。
上記広告は1ヶ月以上更新のないブログに表示されています。新しい記事を書くことで広告を消せます。