小南の日記

スポンサーサイト

上記の広告は1ヶ月以上更新のないブログに表示されています。
新しい記事を書く事で広告が消せます。

又來風球

4   0

出面天氣開始轉壞...又狂風又大雷大雨...唔知明天早上會否掛三號風球呢?! (不過即使掛三號, 都一樣要返工呢! >_<) 剛好上星期四係掛三號風球...上次冇掛八號, 已經搞出咁多風波...今個星期四唔知又會點呢~?! 嘻嘻...其實上星期四冇掛八號, 對我來說係好事啊! 因為上星期四突然收到電話, 要去一間發展商的公司拿取文件, 之後又要將有關資料盡快寄去上海比老闆睇...佢睇完才可以決定及準備到一份有關proposal...而今個星期一12點正之前要將我哋公司的proposal交回發展商...趕不及交回的話, 就會失掉為一個上海的大型apartment的翻新室內設計project的機會呢~! 所以上星期, 時間真係可以話啱啱好! 如果星期四打八號風, 就會變咗星期五才要去取文件...那未免遲了一點呢! 而且, 另一個問題係星期五我一早已向老闆請咗一日病假(就係要去睇醫生及驗血)...如果因為我請假而冇人去取文件的話, 就好大鑊喇! (因為公司近年已經以上海office為主了...事關近年的室內設計project全都在上海及國內其他城市呢~! 公司在香港嘅office已經只得返我一人幫手呢...所以香港呢邊有特別事及project, 都要我負責去處理...可以話係"一腳踢"! ^_^|||) 幸好一切好像為我安排了似的...順利地渡過了! ^_^

今早打電話去上星期五睇過嘅私家醫生那兒...主要係問返星期五驗血check鼻咽的結果...起初都有點擔心, 後來聽到醫生說我個報告係有關指數正常, 所以鼻咽冇事呢! 都安心返了~! 近日的呼吸困難問題, 因為噴咗鼻而感覺好返好多...我就問醫生, 如果感覺好返係唔係可以暫停噴鼻?!(因為最近聽朋友講, 噴得多好似對鼻膜冇咁好...而且可能會依咗那藥水...) 但醫生叫我keep住噴一個月...同埋keep住食藥(佢剛好開咗一個月份量比我)...所以今日我都乖乖噴返喇~! 不過今日空氣質素又好差, 我又開始感到有時透氣辛苦...我覺得我個呼吸困難問題同天氣真係有好大關係呢~! 我不要煙霧瀰漫, 我要藍天白雲好空氣啊!

スポンサーサイト

-4 Comments

peggie says...""
你沒事就好了,不用擔心,做個又靚又快樂的新娘子吧
2006.08.10 14:22 | URL | #- [edit]
Carly says...""
Check咗冇事咁你可以放心啦^_^ 冇辦法啦, 香港d空氣質素咁差, 我以前都冇鼻敏感, 而家天氣一差就流鼻水, 你遲d過咗日本就唔使再忍受香港d咁差既空氣, 而家乖乖地食住藥先啦^_^
2006.08.10 23:26 | URL | #- [edit]
beckiehy says...""
我都有鼻敏感既問題, 而家除咗返工日子會噴鼻敏感藥外,放假就唔噴,噴得多唔係咁好囉v-390, 醫生都話噴1個月倒,或者轉季時我先會再噴架! 我睇過d書,話用2隻手指按摩2邊鼻側,大約36下,每曰2次,大約一個月, 話對鼻呼吸好d, 或者妳都可以嘗試吓架!v-290
2006.08.11 00:50 | URL | #- [edit]
小南 says...""
Peggie: 謝謝妳呀~! ^_^

Carly: 係啊...暫時都乖乖食藥先...希望食完晒之後會好返啦~! 將來過到日本生活, 空氣好啲, 會對身體好一點吧~?! ^_^

hau yee: 謝謝妳的建議啊! 我會每日試吓做呢! ^0^
2006.08.11 19:48 | URL | #o/0mI.d6 [edit]

Leave a reply






管理者にだけ表示を許可する

Trackbacks

trackbackURL:http://syaonam.blog15.fc2.com/tb.php/337-d658ac5e
該当の記事は見つかりませんでした。
上記広告は1ヶ月以上更新のないブログに表示されています。新しい記事を書くことで広告を消せます。