小南の日記

話說早前莉莉人幫糖糖訂的Summer Special Coco已經到咗香港...而大家為咗見證糖糖迎接第一個Lati囡囡, 就相約上星期四晚一齊出來dinner + Lati小聚喇! 當晚出席者有我, Carly, Hau Yee, 莉莉人, 小椒, 糖糖, 阿ming...嘻嘻! 難得當日中午才打電話約吓小椒, 而佢又可以晚上出來join我哋食飯啊! 雖然佢冇Lati, 但佢都帶咗新囡KB小姐來出席聚會, 好開心可以見吓佢家美美嘅KB小姐呢! ^0^

當晚放工後, 先約咗Carly同Hau Yee在金鐘mtr月台內等, 之後一齊去尖沙咀...到達後再打電話比莉莉人同糖糖, 最後大家決定咗去美麗華果頭搵地方dinner! 我, Carly & Hau Yee最先去到美麗華...我哋在那兒周圍逛吓, 又逛埋附近的一條食街...途中經過一間餐廳, 巧遇一位好nice嘅女士, 佢帶咗兩隻大狗一齊去dinner啊! (在餐廳入口附近的露天座位) 佢見到我哋三個企咗响餐枱附近望吓佢兩隻可愛嘅狗狗...先係主動問我哋係唔係想同狗狗影相?! 然後就說好歡迎我哋同狗狗影相/摸吓狗狗呢! 真係好好人啊! 雖然其中一隻狗狗白雪雪好可愛, 真係有啲似我最愛嘅北極熊...不過我始終比較怕太大隻的狗狗, 所以只係輕輕摸吓佢啲背毛就算了~! 而Carly就不怕, 所以佢可以攬住狗狗, 我同Hau Yee幫佢哋合照! ^_^

幫Carly同白色大狗狗"Teddy"影的相相:

Teddy成日郁來郁去, 好難影得好清楚呢! 最清楚果張, 都係要靠佢主人用食物引佢視線才影得成功啊! :P

行過食街之後, 我哋返入美麗華, 最後揀咗入去一間叫"名串"嘅日本餐廳內dinner! 因為我哋有7個人, 所以被安排坐入包廂內!

嘻嘻! 包廂很有趣呢! 可惜係包廂內比較暗, 影相就冇咁好喇!

我哋三個人最先入座, 一入到包廂就急不及待拎啲仔囡出來喇! :P

kekeke...小狼試戴Hau Yee家Benny仔嘅新wig! 另外, 好多謝Carly專登帶波鞋仔來送比小狼啊! 以後小狼有多一對鞋仔穿, 佢好開心呢~! ^0^

坐坐吓莉莉人及小椒都相繼來到...大家都齊齊影相...我就趁機會影吓小椒家新囡! (難得大忙人小椒肯出來, 點都要爭取機會影吓佢囡囡呢!)


最後糖糖同阿ming都來到...嘻嘻...糖糖迎接新囡嘅時刻來了! 點知糖糖好快手就開咗盒放咗佢家第一個Lati囡囡"千夏"出來...都冇影出盒過程喇! 反而就影咗好多出盒後嘅相相呢! ^_^

千夏 & 小狼嘅合照 (影呢兩張相相來比較光暗分別! 右手邊那張因為靠糖糖手機打嘅白光而夠光, 影出來效果好好呢!)

大家睇中咗包廂外那個日式小庭園佈景, 非常之襯穿起浴衣嘅Lati囡囡們...所以臨走前都要在那兒影相及來個大合照! ^0^



左面嘅係糖糖嘅千夏, 右面嘅係Carly嘅Coco


大合照

睇咗咁多Lati相相之後, 而家就介紹返當晚嘅食物啦! 那兒話就話係以日式串燒食物為主, 但都有其他日本嘢食嘅! 正當我, Carly, Hau Yee & 莉莉人在邊影相邊等埋其他人之際, 因為大家都覺得好肚餓了...就先叫咗一個串燒拼盤及三文魚卷來醫肚! 那個三文魚卷幾好味, 但串燒就醎咗啲! 之後等齊晒所有人來到, 再一次過叫咗多款食物!





在包廂內dinner有一樣嘢幾唔錯, 就係大家反到顛晒傾到好大聲又大笑都冇問題...不過正係因為冇人理, 所以叫侍應來添水及叫食物及埋單就麻煩啲...阿ming更搞笑地即時做過一個實驗, 當佢叫"美女"時, 才會有侍應姐姐來應吓我哋呢! (笑) 當晚的聚會很開心呢! 但可惜Annie來不到呀! 另一個可惜係: 我反得太開心了...而且又掛住同小狼影相, 同大家傾計...所以忘記咗影返一張有記念性嘅Summer Special Coco三姊妹合照啊! >_<

最後, 又一次謝謝糖糖比我搭佢嘅順風車返家啊! ^_^

スポンサーサイト