小南の日記

スポンサーサイト

上記の広告は1ヶ月以上更新のないブログに表示されています。
新しい記事を書く事で広告が消せます。

9月8日 中環一日遊

1   0

相識近8年嘅一位日本朋友久美子小姐知道我將要結婚, 8月時佢打長途電話來恭喜我之餘, 仲同我講佢會來香港幾日旅遊! 我問佢原因之下才知道佢係想在我結婚前, 仍在香港嘅時候, 可以再和我在香港見面呢! (其實佢本身都係好喜歡來香港旅遊的) 9月7日晚機來港, 9月10日早機返東京...所以我就相約佢9月8日及9日一齊出來遊玩喇! 剛好我已經不用再返工, 所以可以招呼佢, 帶佢周圍去玩呢~! ^_^

我問佢主要想去香港嘅邊度玩, 睇嘢或有冇嘢想買?! 佢話今次來都係主要見吓朋友(上年佢來香港時, 我介紹咗小椒&小bea比佢認識, 又一齊食晚飯, 所以今次佢都問我可否約埋佢哋出來見面呢!)...在香港嘅街道上行吓感受吓地道氣氛, 去山頂睇夜景, 同埋佢好想睇那個"幻彩詠香江"!(哈哈! 好像是遊客例必會去睇嘅嘢啊!) 而今次佢住的酒店在上環, 所以我就相約佢第一日中午在中環mtr等, 本來打算當日來個港島一日遊! 誰不知我哋一整日都留在中環呢! 因此變咗中環一日遊啊! :P

第一站我哋上咗SOHO區搵地方食lunch...佢想食中式嘢, 所以我哋入咗一間叫"紅雙喜"嘅小店! 那兒紅當當的裝修好有中式喜慶嘅氣氛呢!




我哋叫咗一個二人套餐, 有中湯, 油菜, 二款小食及一個炒麵:

另外還有二杯飲品啊! SOHO區食lunch, 二人套餐$128都算不太貴了! :P

在店內的雜誌架上搵到一本日文嘅香港介紹書, 內有這間小店的介紹啊:

當日我只係帶咗八王子出街, 難得出來, 就同佢影少少相啦!

久美子真係好客氣, 今次來港時又送禮物比我了...佢知道我喜歡白熊公仔, 所以送咗一隻白熊公仔比我...而且係Steiff出品嘅熊仔啊! 很開心呢~!(記得久美子多年前係好喜歡香港的歌星/明星, 但近年來聽佢講過, 那份迷偶像嘅熱情已消失了! 所以我都唔多清楚佢近來喜歡嘢啊?! 好似好難買禮物送比佢呢! ^_^|||) 最後我就請佢食嘢當係回禮啦! (0^v^0)

隨咗熊仔之外還有另一份禮物, 係佢最近去日本新瀉旅遊時買返來的手信: Hello Kitty鉛芯筆一支! ^_^

我哋在"紅雙喜"一邊食嘢一邊傾計, 過咗一個悠的中午...到下午3點左右才離開小店, 之後在SOHO區的小街逛...4點幾行落中環大街, 那時佢同我講, 想買少少Lancome的產品, 所以我帶咗佢去IFC Mall...在IFC Mall逛完, 小bea來會合了! 那時5點幾, 小椒要7點幾8點才放工, 久美子又冇特別地方想去, 所以我哋決定先搵個地方坐低飲嘢傾計(好似在慢慢磨時間呢!) 坐到咁上下才再約小椒, 然後搵地方食晚飯! 久美子喜歡香港特式的東西, 所以我哋話不如去茶餐廳飲嘢?! 佢聽到不知幾興奮! 哈哈! 佢同我講, 那天朝早佢一個人去咗酒店附近嘅茶餐廳食早餐...原來佢好喜歡茶餐廳的火腿通粉, 腸仔煎蛋早餐呢!(嘻嘻...呢樣我都係好喜歡啊! 而且更不少得一杯香滑熱奶茶!) 我哋去咗中環街市附近一間港式茶餐廳, 叫咗一個西多士, 同埋每人一杯飲品! 久美子喜歡試香港嘢, 所以叫咗熱好立克鮮奶來試飲, 不過似乎佢麻麻地那種味道呢!

當晚小椒放工後就來IFC Mall的Spaghetti House同我哋會合, 因為當日中午食咗中式嘢, 所以晚上就轉吓款, 食西式嘢啦! 我哋四人合共order咗一個二人套餐, 另加一個新款小食及一碟千層闊條麵! :P



下圖左起: 小椒&久美子, 小bea&我

當晚dinner完之後, 已經9點半後了...小bea要返家...而小椒雖然第二日要早起身返工, 但佢都好好啊! 陪埋我哋一齊上山頂睇香港夜景呢! 山頂的凌宵塔9月初完成翻新工程, 我哋可以上去新建成的平台睇夜景...那兒裝修過後, 真係地方大咗好多呢! 而且平台在塔頂上, 比起以前, 現在可以响更高位置瞭望, 感覺又有點不同啊! ^0^

上山頂時我哋由中環搭巴士上去, 下山時才搭山頂纜車, 搭兩種交通工具的感覺都一樣開心! 想不到有好多遊人都係同我哋差不多夜才上山頂呢! 而且好多都係同我哋一樣, 留到11點...當塔頂要閉門時才肯離開呀! 11點幾落咗山, 我哋一齊行去金鐘, 我就搭巴士返家, 而因為小椒住的地方頗近久美子住的酒店, 所以多謝小椒帶久美子去搭電車, 順便帶埋佢返酒店門前呢!

呢一日久美子冇買到嘢...反而我就無意中在IFC Mall買到嘢! 那個就係我家第3隻Steiff熊仔呢! 哈哈! 只怪那店舖正在做Removal Sale, 50%off實在太吸引了...忍唔住接咗一隻淺啡色熊仔返來!(其實我一向傾情於白熊, 很少買其他顏色嘅熊仔...不過呢一隻個樣好cute, 而且店內只剩返一隻...最後都係心思思, 衝動地買了...^_^|||)
スポンサーサイト

-1 Comments

小嘉 says...""
紅雙喜~~有點像印請帖的地方名呢~~~哈~
2006.09.22 18:09 | URL | #mQop/nM. [edit]

Leave a reply






管理者にだけ表示を許可する

Trackbacks

trackbackURL:http://syaonam.blog15.fc2.com/tb.php/365-0d23fd17
該当の記事は見つかりませんでした。
上記広告は1ヶ月以上更新のないブログに表示されています。新しい記事を書くことで広告を消せます。