小南の日記

スポンサーサイト

上記の広告は1ヶ月以上更新のないブログに表示されています。
新しい記事を書く事で広告が消せます。

9月9日 油尖旺一日遊

3   0

第二日相約久美子到旺角...我哋第一站先去茶樓飲茶(說來很有趣, 之前一日我哋中午去食嘢嘅地方叫"紅雙喜", 而呢一日飲茶嘅地方又有個喜字, 就係"迎囍大酒樓"!) 飲完茶帶咗佢去旺角行街...去咗信和, 久美子買到華仔新出的CD(佢幫一位好喜歡華仔嘅日本朋友買嘅), 另外在CD店內比佢發現到阿牛的新大碟...而且竟然都買埋啊! (阿牛係久美子近幾年來的偶像, 我還以為佢已經冇特別喜歡什麼偶像了...後來發現原來佢都仲幾喜歡阿牛呢!) 之後在信和的玩具店見到茶餐廳系列食玩, 久美子實在太喜歡茶餐廳了...所以全套買咗! (btw, 佢完全唔係對玩具有興趣的人啊!) 行完信和, 沿西洋菜街往太子方向行...經過SaSa, 久美子入咗去買到少少嘢, 再之後我帶佢去咗B家Cafe飲嘢, 順便感受一下樓上Cafe的氣氛! 7點半左右離開Cafe, 我哋搭火車落尖東, 等待"幻彩詠香江"的表演! 點知8點開始企在海旁睇, 一直只係睇到一啲大廈放射燈光, 表演似有似冇的...至15分鐘過後, 才聽到現場廣播說因天氣惡劣關係(當日曾經下大雨, 夜晚時天色依然不太好) 所以當晚的表演要取消呢! (唉...又唔早講! 等到大家以為表演完才出廣播, 真係搞笑! :P) 既然知道冇得睇, 而且都8點半了...我哋就離開海旁, 去搵地方食晚飯!

當晚我帶咗佢去北京道一座可以望到維港夜景嘅大廈內搵地方食嘢, 由於佢都係想食中國菜, 所以我哋揀咗去一間可以叫小菜嘅酒家, 叫"潮樓"...(後來我才發現, 中午去的"迎囍大酒樓"及呢一間"潮樓"都屬於同一個集團呢!) 雖然潮樓主打係潮州菜, 但都有其他中菜, 我哋兩個人叫咗4碟嘢:

叫果時就唔發覺, 後來越食就越覺出事喇! 因為我哋食唔晒...最後卒之打包咗大碟炒飯及部份小菜...比久美子帶返酒店...等佢半夜/一早起身時肚餓有得食嘢! 又因為佢第二日早機返東京, 要一早去機場了...所以都可以當係出發去機場前的早餐吧?! :P


我哋的座位剛好望到維港夜景, 久美子很開心呢~!

約10點半晚飯完之後, 久美子要趕搭地鐵去銅鑼灣...佢在一間店預約咗11點至12點的腳部香按摩服務, 而我就送埋佢去尖沙咀地鐵站內, 就同佢say goodbye了! 下次再見面時, 就會係我在東京結婚那天吧?! 久美子說, 仍在考慮好唔好穿和服來參加婚禮呢! (0^v^0)
スポンサーサイト

-3 Comments

小玎 says...""
久美子 小姐 就好啦可以出席你的日本婚禮.
2006.09.23 14:55 | URL | #- [edit]
久美子 says...""
香港では、本当にお世話になりました。
どうもありがとう。
とても楽しかったです。
結婚式を楽しみにしています。
東京に住んだら一緒に遊びましょう。
2006.09.24 18:57 | URL | #- [edit]
小南 says...""
久美子ちゃん、こちらこそ、どうもありがとうね!うん、東京に住んだらぜひ一緒に遊びます~!お楽しみです。^0^
2006.09.26 03:55 | URL | #o/0mI.d6 [edit]

Leave a reply






管理者にだけ表示を許可する

Trackbacks

trackbackURL:http://syaonam.blog15.fc2.com/tb.php/366-b36e4be9
該当の記事は見つかりませんでした。
上記広告は1ヶ月以上更新のないブログに表示されています。新しい記事を書くことで広告を消せます。