小南の日記

スポンサーサイト

上記の広告は1ヶ月以上更新のないブログに表示されています。
新しい記事を書く事で広告が消せます。

9月12日 香港迪士尼樂園開幕喇~!

3   0

尋晚响屋企冇特別嘢做, 都一如以往的開住電視機...得就睇吓電視節目咁...話說尋晚有個迪士尼show, 我都有間唔中睇吓(另外啲時間走咗去上網)...整體來說呢個節目有歌聽, 有樂園介紹都幾好嘅...之不過當睇到欣宜扮白雪公主果一幕就真係有點汗...-_-||| (心想, 莫非冇另一個更合適嘅人選扮白雪公主嗎~!?)

今日香港迪士尼終於開幕了~!...其實我唔係一個disney迷...迪士尼樂園, 我都只係5年前去東京旅行果陣, 同男友一齊去過東京果個disneyland玩過一次咁多(果陣仲係男友個朋友送咗兩張入場卷比我哋才去玩呢!...畢竟入場費又真係頗貴啊~! 而且男友又唔太好去啲樂園玩)...不過我記得自己細細個果時, 都有買過小小米妮嘢嘅(記得我有一個米妮公仔背包)...同埋果陣好似都幾鍾意唐老鴨~! kakkakakakaka....大個啲之後冇特別感覺, 又冇話好鍾意果隻...但我就一定係絕對地好唔鍾意Winnie the Pooh!(雖然佢係熊仔, 但我覺得佢完全唔似一隻靚熊仔, 所以唔鍾意...wakakkakakka...pooh迷唔好嬲喎~!) 而最近呢幾年, 我就開始咗鍾意果隻好可愛嘅白色貓仔Marie!(佢係disney入面我現時最鍾意果個character)

今日中午去開郵局幫公司寄信...咁啱比我見到有迪士尼開幕嘅紀念郵票賣...果陣啲首日封, 套摺, 咭片呀果啲都已經賣晒喇...剩餘一啲款式仲有得賣...哈哈! 我都唔知點解, 又唔係特別好呢樣嘢, 都買返一啲來紀念呢~! (仲趁今日有個紀念蓋印, 我就走去文具店買咗啲長信封來貼上紀念郵票, 再去返郵局蓋個印呢~!) 另外仲買多一份, 打算16日果晚送比會來香港幾日旅行嘅日本朋友"久美子"作為紀念品呢~!(尋晚同佢傾過電話, 約時間出來食飯見面, 問到佢會去邊到玩...先知道原來佢17日會去香港迪士尼玩呢~!) 今晚返來屋企本來都想影迪士尼紀念郵票相相...不過我又係冇心情, 同埋主要係人懶...所以未影到相相住...搵日得啲先影...kakakakaa ^_^

最好笑係頭先同男友net-meeting果陣, 佢問我18日(今個星期日)去唔去迪士尼玩?! (佢係打english: "maybe we'll go there on 18th?!") 真係想像唔到佢會問我呢個問題!!! (而且佢都話佢唔太特別想去玩架...不過都問吓我...) 唔通佢真係咁覺得我好想好想去果度玩嗎?! 哈哈...最後我都係答佢, 打算遲啲先去果度, 因為一開幕呢段日子, 真係太多太多人喇~! 最怕同人迫呢~! 嘻嘻...不過我都覺得好開心啊...因為我感到佢可能係想趁來香港時陪我去玩, 大家過一個開開心心嘅日子咁啦~! 其實只要佢來到, 同佢一齊, 去邊都冇所謂, 就算係留响屋企都可以好開心呢~!

聽日(星期二)佢就會飛去法國工幹喇~! 今次係佢第二次飛去果度工幹...不過今次比上次行程短啲, 只逗留三日...由於佢又係揀咗搭國泰, 所以星期六下午佢又會飛到來香港...之後到下星期一下午先飛返東京喇~!(咁啱9月19日日本果邊又係公衆假期呢~!) kekekeke...好期待呢...今年可以同佢一齊過中秋節啊~! ^0^

スポンサーサイト

-3 Comments

Carly says...""
小南,天氣咁差,我地取消咗聽日個meeting啦! 送比你囡囡套33做好啦,睇下幾時交比你^_^
2005.09.17 17:48 | URL | #- [edit]
小南 says...""
我都估到妳哋可能會取消今日嘅聚會架喇...因為尋日天氣都係唔好...尋日我同女朋友本來都帶咗囡囡出去, 想去影相架...可惜勁落雨...>_<

謝謝Carly啊~! ^3^
妳呢排好似身體唔多好, 應該要多啲時間休息啊...但百忙之中都抽時間來整衫衫送比我囡囡...好感激呢~! 嘻嘻...我幾時都得呢...妳可以得打比我丫?! (因為妳個電話比較難打通...) ^_^
2005.09.18 23:07 | URL | #o/0mI.d6 [edit]
Carly says...""
小南唔好客氣啦,難得你唔嫌棄我整既爛衫衫,如果有邊度整得唔好,你記得話我知等我下次改善^_^
我知我尋日 miss咗你既電話,唔好意思呀,本來想打番比你,又驚阻住你同你男友,唔知你夜晚通常幾點放工,我攞去天后比你^_^
2005.09.19 02:27 | URL | #- [edit]

Leave a reply






管理者にだけ表示を許可する

Trackbacks

trackbackURL:http://syaonam.blog15.fc2.com/tb.php/45-aff368bb
該当の記事は見つかりませんでした。
上記広告は1ヶ月以上更新のないブログに表示されています。新しい記事を書くことで広告を消せます。