小南の日記

スポンサーサイト

上記の広告は1ヶ月以上更新のないブログに表示されています。
新しい記事を書く事で広告が消せます。

11月5日 NANA電影版聚

1   0

呢排作病, 食完藥個人都唔多精神, 所以都好懶寫日記...嘻~! 尋晚版聚開心完之後, 返到屋企都差不多12點...又搞到2點左右先去sleep...今日又瞓到下午2點幾...哈哈...都好懶呢~! 而家先補寫返日記~! ^_^

尋日放工之後約咗小椒去尖東唱日文歌K-lunch~! 呢次我哋都好想睇吓有冇新歌仔出嘛...可惜我哋期待唱嘅NANA電影內兩首歌"Glamorous Sky" & "Endless Story"仍未有得唱! >_< (呢排身體唔多好, 喉嚨發炎仲未好返...尋日去唱K又唱咗啲高音歌...係就係唱得好開心呀~! 不過尋晚返到屋企就死火喇~! 咳到死...食完藥之後...仲喉沙到差點兒出唔到聲!!! 今日都仲係咁嘅死聲...唉... -_-|||)

4點正唱完K, 我同小椒行去佐敦, 我帶佢去咗一間店內買得意衫鈕...大家都買咗少少~! ^0^ 之後搭地鐵落旺角...我哋去兆萬會合Nana一齊行街! 大家都想搵吓有冇新出果套"翼"扭蛋賣...點知間間都冇, 大概未出吧~?! 果套真係好靚呢~! 好想買~! ^0^ 行完兆萬, 再行皆旺, 嘻嘻...無意中在一間玩具店發現$460嘅momoko! 係美女"カフェに角砂糖"! 在心動價引誘之下...帶咗佢返屋企~! 今次旺角之行, 大家都有少少收穫呢~! ^_^

我哋由皆旺行去奧運站, 7點正在地鐵站D出口會合其他版聚朋友仔, 之後一齊去奧海城嘅戲院睇大家期待已久嘅"NANA電影"! 今次版聚活動係睇戲為重點節目! 我哋一班矢澤愛漫畫迷當然齊齊捧場啦~! 今次版聚好熱鬧, 出席朋友都好多啊~! 有一些係只知其名而未見過面嘅朋友仔出現...很開心又認識到新朋友啊~! 隨自己外, 今次出席朋友有: 小椒, Nana, Anmary, 娜娜女王, 小豬, 小透, 小嘉, 小bea, ketu, 小積, 仲有第一次見面嘅蚊子 & 果子~! ^0^

7點半睇到9點半, 兩個鐘真係話咁快就過了...一幕又一幕極像漫畫內的畫面, 場景, 情節都一一在大銀幕內重溫~! 在漫畫內看不到的彩色及聲音, 透過這部電影深深傳到內心...真的真的好感動...有幾幕真的看到眼濕濕...不過當睇到啲男角個樣, 又即時笑返晒...哈哈哈...啲男角的確係有點兒搞笑, 肥版蓮, 唔太似伸夫嘅伸夫, 極唔似嘅真一, 好笑嘅阿泰...幸好女角都算唔錯, 中島美嘉個感覺真係好似娜娜...身型真係好似~! 電影內兩首歌都好好聽呢~! (今日不斷在電腦播放呢兩首歌...重溫一吓!) ^0^


大家都紛紛同呢個電影宣傳佈景影相~!

睇完戲之後, 果子有事走先喇...而我哋一行12人在奧海城內一間餐廳dinner! 好豐富嘅食物啊~! (食完差不多11點先走...人家都準備打烊了!)



飯後甜品: 蚊子送比Nana嘅生日禮物係一盒朱古力...大家分來吃~! 我揀咗呢一粒星星呢...本來以為朱古力內冇其他嘢, 點知原來係包住一啲草莓/紅莓果醬?! 都好好味啊~! (幸好不是酒心朱古力...哈哈!)

11點幾大家各自返家了...我同Nana都住沙田區, 所以一齊去搭火車~! Nana說下星期六會整蛋糕 (好叻啊~! 我完全不懂整餅...>_< ) 嘻嘻...好期待下星期去Nana家之版聚呢~! ^0^

スポンサーサイト

-1 Comments

Carly says...""
嘩...好好反咁呢,仲有好多野食,不過要小心身體,近排成日都聽見你話作病!
2005.11.07 00:03 | URL | #- [edit]

Leave a reply






管理者にだけ表示を許可する

Trackbacks

trackbackURL:http://syaonam.blog15.fc2.com/tb.php/86-1c58d0da
該当の記事は見つかりませんでした。
上記広告は1ヶ月以上更新のないブログに表示されています。新しい記事を書くことで広告を消せます。